دیبلوماسیەت پەیڤەکا یونانیە و رامان ژێ بەلگەنامەیا پێچای
( (folded document)ھندەک جاران ئەڤ پەیڤە ب رەنگەکێ نەھویربین دھێتە بکار ئینان، چونکی ھندەک جاران دھێتە بکار ئینان وەک مرادف بو سیاسەتا دەرەکی، یان ب رامانا بەھرە ، زیرەکی، دانوستاندن، یان دەزگەھێ سەرپەرشتی ئیدارا سیاسەتا دەرەکی.
سالەک بەری نھا سەرەدانێن دیبلوماسیێن نێچیرڤان بارزانی، سەروک وەزیرانی ھەرێما کوردستانێ بو فەرەنسا و کومبون دگەل ماکرون، پاشی بو بریتانیا و ئەلمانیا، پشتی شانزدەی ئوکتوبەرێ، ھوسا بو مە دەرکەڤیت، کو نێچرڤان بارزانی سەروک وەزیرانی ھەرێمی کوردستان بایەخەکێ زور ب دبلوماسیەت ددەت لسەر ئاستێ پەیوەندیێن نیڤ دەولەتی و دانوستاندن باشترین رێکە بو چارەسەریا ھەر کێشەیەکێ، کو ل ھەرێما کوردستانێ رووی ددەت. و ھەروەسا رێز و تقدیرێ ماکرون ل فەرەنسا و ھەروەسا بەرز راگرتنا ئالای ھەرێما کوردستانێ و ب رێنوسی کوردی پێشوازی ل سەروک وەزیرانی ھەرێمی کوردستان کر، بو جھێ فەخر و شانازیێ گەلێ کورد و ھیڤیەک دناڤ دلێ خەلکێ کوردستانێ دروست کر، ب تایبەت پشتی کارەساتا شانزدەێ ئوکتوبەرێ کو خەلکێ ھەرێمی زور بێ ھیڤی ببون و پاشی چەندەکێ ھیڤی بونەک دناڤ خەلکی دا دروست بو.
سیاسەتا دەرەکی و دبلوماسیەت ئێکە ژ ھەلبژاردنێن ئارمانج و ھێلێن سەرەکیێن دەولەتێ کو دھێتە پەیرەو کرن دگەل دەولەتەکا دیتر. دبلوماسیەت ھزرا دانوستاندنێ بخوڤە دگریت. زانستە و ھونەرە و یاسایە مێژوویی یە و دەزگەھە و پێشەیە.
ھەروەسا زانستێ چاڤدانا پەیوەندیێن نیڤ دەولەتیە ب رێکا دانوستاندنان و ئەو رێکە یا بالیوز و دبلوماتکار بکار دئینێن بۆ بدەستڤەئینانا وێ چاڤدانێ.
ئارمانجا سەروک وەزیرانی ھەرێما کوردستانێ، چارەسەریا ئاشتیانە ب رێکا دانوستاندنێ و ئەڤە نە بتنێ سیاسەتەکا راستەقینەیە بەلکو دشیێن دبلوماسی یەتەکا دێموکراسی ناڤ ببەین.
ل دبلوماسیەت دا خورتکرنا ھەڤبەندێن ھەر دوو دەولەتان دا، گرنگیا خو یا ھەی، برێکا تێکەلکرنا روشەنبیریا خو و بەلاڤکرنا ھزرێن خو بو چارەسەریا کێشەیێن ھەرێما کوردستانێ و دانپێدانا دەولەتێن زلھێز بو ھندێ کو ھەرێما کوردستانێ ببیتە دەولەت.
رەئیا گشتی یا خەلکێ ھەرێما کوردستانێ لسەر ریفراندومێ، قەزیەکا گرنگ بو کو ل جیھانێ ھەمیێ دەنگ ڤەدا، و بزاڤێن سەروک وەزیرانی ھەرێمی کوردستان ھەر بەردەوام بون کو بشێت ب رێکێن ھەڤپەیڤینێن فەرمی ئەنجام بدەت.
ھندەک جاران زەروورییە، ھەڤپەیڤینێن نە ئێکسەر رێکێ خوش بکەن بو ھەڤپەیڤینێن ئێکسەر.
بو سەرکەفتنا دانوستاندنان پێدڤیە رادەیەکێ دەستبەرداریان و تەنازلاتان ھەبیت و پێدڤیە خو دویر بکەین د ھەلویستێن رەق و ھشک دا.
دەمێ قەزیا دانوستاندنا گرێگرتی لێ دھێت و ھەر دوو دەولەت نەشێن بگەھنە چارەسەریا دناڤبەرا خو دا، ل وی دەمی پێدڤیە دەولەتەکا دیتر پشکداری دانوستاندنان ببیت و ئەڤ رێکە دھێتە ناڤکرن ب بزاڤێن جوامیرانە یێن دەولەتا سیێ.