ئەگەر کابینا حکومەتا نویا عیراقێ دا ئەوا عادل عه‌بدولمه‌ھدی سەروکاتیا وێ دکەت ھەما رێسا و یاسایێن پێش خو پەیرەوبکەتن و دژی ھەڕێما کوردستانێ راوەستێیتن دێ حکومەتەکا وێرانکەربیت و خراپتر بیت ژ حکومەتێت پێش خو چونکی عیراق د رێزبەندا خراپترین وەلاتێن جیھانێ یە .ژ ھەمی رویەکێ ب گرە ژ وەلاتێ تیرورێ و بەرزەکرن و کوشتنێ و وێران کرن و وەتێ گەندەلیێ دیسان مەزنترین ڤالاھیا ئەمنی تێدا دیارە لەورا ژی یا ڤەرە حکومەتا ناوەندی دەستا ژ ھەڤرکیێ و دوو بەرەکیا دگەل ھەولێرێ بەردەتن و ل دور دەستوری کار بۆ ئاڤاکرنا عیراقێ بکەتن بێ جوداھی .حکومەتا عادل عه‌بدولمه‌ھدی پێدڤیە ببیتە رێرەوەکێ جودا بۆ نەھێلانا وێ بۆشاھیا ئەمنیا عیراق کەتیە تێدا و دیسان نەھێلانا گەندەلیا ھەی و ڕێگریێ ژ وێ داھاتیێت ھەرە مەزن دچیت ب رێکێن ژێک جودا یێت گەندەلیێ باشترە ئەو رێکریێ د پێشکەتنا ھەرێمێ بگریتن بلا ھەڕێما کوردستانێ بکەتە نمونەک بۆ ئاڤادانیا عیراقێ و بکەتە ستینەک بۆ ئەزموونا ئارامیا عیراقێ چونکی ھەرێما کوردستانێ د سالا ١٩٩٢ دا و د ئەزمونا نوویا حکومرانیا خودا شیا ژ ھەرێمەکا وێران و کاڤل بھێتە رێزبەندا باژارێن جیھانێ یێن رویێ ئارامی و ئاڤەدانیێ ناڤ و دەنگ ب کەڤیت ئەڤ پێشکەتنە ژی ب ھەروە نەھاتی یە بەلکو ب ئەزمونا چەندین سالێن قوربانی دان و ئاڤەدانیێ و دارێتنا پلانا دووم درێژا سەربەخویا ھەرێما کوردستانێ ھاتیە دەست ڤە ئینان ئەو ژی ب سایەیا سیاسەتا حەکیمانەیا دەولەمەندار سەروکێ حکومەتا ھەررێما کوردستانێ بەرێز نێچیرڤان بارزانێ بوویە .
لەورا ژی یا فەرە سەر حکومەتا ناڤەندیا عیراقێ دەست ژوان رێسا و یاسا و خالێن حکومەتا پێش وی داناین دژی ھەرێما کوردستانێ دەست ژێ بەردەتن و دەست ب ئاڤاکرنا عیراقەکێ بکەت نەک ھەولا وێرانکرنا جھێ ئاڤادانکری بکەت چونکی دژایەتیکرنا ھەڕێما کوردستانێ یا بێ مفا بۆ بو عیراقێ . وەک جەنابێ سەروکێ حکومەتێ بەرێز نێچیرڤان بارزانی د گوتنەکا خودا ئاماژە پێدای ئەزمونا ھەرێما کوردستانێ تێدا دەرباز بوی یا دیار کری کو ھێز دژی ھەرێما کوردستانێ چەرەسەریا کێشەیان نەبوویە لەورا ژی دژایەتی کرنا حکومەتا ھەرێما کوردستانێ چ مفا نە بوویە و نابیت ژی جھێ وێ دژایەتیکرنێ ئەزموونا سەرکەتنا کابینین بەرێز نێچیرڤان بارزانی بۆ خو بکەنە نمونەک بۆ ئاڤەدانیا عیراڤێ و ئارامیا سەرانسەری بو عیراقێ ژ وەلاتەکێ وێران ھاوکێشەیێ ب گوھرن بۆ وەلاتەکێ ئارام و بێ گەندەلی .کەواتە ئەگەر حکومەتا عادل عه‌بدولمه‌ھدی سەروکاتیا وێ بکەت ھەمان تەشیا بەرێ خو ب رێسایێت دێ وەلاتەکێ وێرانتر ل پێشی خو وێران کەتن ، دبینم مفا وەرگرتن ژ باشتر کرنا پەیوەندین وان دگەل ھەولێرێ دێ بیتە مەزنترین رێرەوێ ئاڤاکرنا عیراقەکا ئارام کو یێ دووربیت ژ چاندنا توڤێ دووبەرەکیێ و نەسەقامگیریێ و دیسان نەھێلانا گەندەلیێ و چارەسەریا کێشەیا مەزن ئەوا ڤالاتیا ئێمناھیا عیراق کەتیە تێدا ئەگەر پەیوەندین بەغدا و ھەولێرێ چارە سەر ببن ب بۆچۆنا من دێ شیێن زالگەھیێ سەر ئەڤان خالێن مە ئاماژە پێداین کەتن