پشتی ھەلبژارتنێن پەرلەمانێ کوردستانێ ھاتینەکرن و ھەر حزبەکێ ئاست و پێگەھێ خۆ زانی. دیاربوو کو پارتی ھێزا ئێکێ یە ل سەرئاستێ کوردستانێ و عێراقێ. دنھادا پارتی سەرپشکە دپێکھینانا کابینەیا نویا حکومەتا ھەرێمێ دگەل ئالیێن دی. لێ ژ بەرکو پارتی خوەدی ھێز و بەرنامەیەکێ خورتێ کوردایەتی و نشتیمان پەروەریە. لەورا بەردەوام بزاڤێ دکەت ژبوی بەرژەوەندیا گشتیا تەڤایا خەلکێ کوردستانێ و پاراستنا دەستکەفتێن سیاسیێن ھەرێمێ ئەوێن دڤان (٢٧)سالاندا ب ھەول و بزاڤێن وێ بدەست ھاتین. دئەڤروکەدا بەرەڤانیێ لێبکەت. وێ چەندێ دسەلمین کو راوێژا پارتی دگەل ئالیێن دیترێن سیاسی نە ژبوی مەبەستێن تایبەت و پلەو پوستانە، بەلکو بۆ بەرەڤانی کرنێ یە ژ کەدا سیاسیا و حکومرانی و دۆزا رەوایا گەلێ کورد ئەوا پارتی بمیراتێ خوە دزانیت. ھەرچەند ھند ئالیێن سیاسیێن ھەرێمێ ئەڤان راوێژێن پارتی دکەنە تانە و ل جادەیا کوردی بۆ رەواجا خۆ دژی پارتی بکاردئینن. یان ھند ژ وان خۆ ب حزبێن شەفاف ددەنە نیاسین و دڤێت وەکو حزبێن ئوپوسزیون پشکداریێ د حکومەت و پروسێسا سیاسیا ھەرێمێدا بکەن. لێ بەریا کو ئەو ئەڤێ چەندێ بکەن. پارتی لدور ئەڤی بابەتی پیربویە و بەردەوام کاردکەت، کو دوو چیچکان ب ئێک بەر بکوژیت. ئانکو نەھێلانا دەلیڤا ئوپوسزیونێ و پشکدارا سەرەکی د حکومەتێدا. بەلێ ب مودیلەکێ نوی، ئەوژی برێکا ھەبوونا کەسێن دەولەمەند دوارێ سیاسەتێدا. کو نەھێلیت گەندەلی بھێتەکرن و حکومەتەکا تەکنوکرات و سیستەماتیک و ئەلکترونیک پێکبینن، کو ھەرتشت بۆ خەلکێ کوردستانێ یێ ئاشکرابیت و دەلیڤا گەندەلیێ تێدا نەبیت. ئانکو حکومەتەکا ھاولاتیانە. کو ھەمی رەنگ و دەنگێن کوردستانێ ب ھەمی پێکھاتێن خوڤە وەکو سرۆشتێ کوردستانێ تێدا پشکداربن. بڤێ چەندێ ژی ئەو حزبێن کو دنھادا دبێژن دێ بینە ئوپوسزیون و پشکداریێ ناکەین دحکومەتا نویدا. ئەو یێن توشی خوکوشتنەکا سیاسی دبن. ئانکو (ئەو وەکو وی کەسینە ئەوێ لسەر دارێ و تایێ دارا لبن پێ خۆ دبیڕیت). چونکە ئەو نەشێن چ گاڤێن گورینێ پاڤێن د حکومەت و گورەپانا سیاسیا ھەرێمێدا، ژبەرکو پارتی دەلیڤا گورین و ئوپوسیزیونێژی بۆ وان ناھێلیت. نەخاسمە د ئەڤێ کابینێدا. ئەڤجا ئەوا ھین ھزر بو دکەن، کو ھەرچەندە گاڤ و بزاڤێن ھەوە بوون بەردەوام دکابینا بوریدا دژی نێچیرڤان بارزانى سه‌رۆكێ حکومەتێ راوەستان و کاردکر بۆ بلندکرنا دەنگێ نەرازی ل جادەیا کوردی و تێکدانا ئارامیا کوردستانێ و نەھێلانا حکومداریا پارتی. لێ ئەو گاڤ و بزاڤ ھەمی بوونە خەون و خەلکێ کوردستانێ بخوژی بریار لسەر خەونێن ھەوە دا، ب باشترین رێکێن دیموکراسی کو ھەلبژارتن بوون. لەو دێ بێژم ھاتن و نەھاتنا ھەوە بۆ پشکداریکرنێ دکابینەیا نویدا چ ژ ھاوکێشا سیاسیا ھەرێمێ و ستراتیجیەتا پارتی ناگورن. ھەروەکی جارادی ھین ل نیڤا رێکی ھاتنە خاری و نھاژی وە دڤێت لدەسپێکا رێکێ بھینە خارێ. بتایبەت ئەو حزبێن کالفامێن وەکو پاشکو دڤان سالێن بوریدا دناڤ ھناڤێن حزبێن خۆ ژدایکبووین.ب واتایەکا دی بێژین دەسپێک و ناڤەند و دوماھیکا ھەوە ل ھەمبەر پارتی ھەر دوماھیکەکا بێ دەستپێکە؛ چونکی پارتی سەرکێش و رێبەر و رێنشاندەرە بۆ بەرەڤ پێشبرنا ئاستێ سیاسی و ئابوری و بازرگانی و جڤاکی و زانستی و رەوشەنبیریێھەمی خەلکێ کوردستانێ لسەر ئاستێ ناڤخویی و دەرەکی. ھەروەسا بکەتەوارکرنا درۆشمێ کوردستانەکا بھێز دحکومەتەکا پارتی ئامێزدا.

دیندار مستەفا.
ت: ٠٧٥٠٤٤٢٤٢٤٠
Dindarkurdy٢٩@gmail.com