بە درێژایی مێژوو نەمدیوە و نەمبیستووە سەرۆک یان سکرتێر لە حزب گەورەتر بووبێ، بە واتایەکی تر مەداری بیرکردنەوەى سەرۆک یان سکرتێر لە مەداری بیرکردنەوەی حزب فراوان تر و دووربین تر بووبێ, بۆ یەکەم جار بارزانی نەمر ئەو یاسایەی هەڵوەشاندەوە، چونکە بارزانی نەمر هەم لە حزب گەورەتر بوو، هەمیش دووربین تر بوو، کە دەڵێم بارزانی نەمر لە حزب گەورەتر و دووربین تر بووە، مەبەستم ئەوەیە حزب لە مەداری فکرە و ئایدیایەکی دیاریکراو مامەڵە لەگەڵ رووداوەکان دەکا و هەر بەو دیدگایەش بۆ داهاتوو دەڕوانێ، هەرچی بارزانی نەمر بوو لە مەداری نەتەوەییەوە بۆ نیشتیمانێکی دابەشکراو و گەلێکی ژێرەستە و زوڵم و ستەمی چوار وڵاتی داگیرکاری کوردستانی دەڕوانی، کەواتە بارزانی نەمر لە حزب گەورەتر بووە و هەڵگری پەیامی نەتەوەیەک بووە.
بۆ دووەم جاریش سەرۆک بارزانی وەک شوێنکەوتەی رێبازی بارزانی نەمر لە حزب گەورەتر و دووربین تر دەرکەوت، لەو پێناوەشدا زۆرترین باجی بە حزبەکەی داوە، بەڵگەش بۆ بوونی ئەو راستییە هەموو حزبەکان هەوڵدەدەن بەرژەوەندیە نەتەوەیی و نیشتیمانیەکان لەگەڵ دەستکەوتی حزبی بگونجێنن، بە واتایەکی تر لە کوێ پێویستی کردبێ و مەترسی کەوتبێتە سەر دەستکەوتە حزبییەکانیان، ئەوا حزبیان هەڵبژاردووە و هەموو کورد و بەرژەوەندیە نەتەوەیی و نیشتیمانیەکانیان کردوونە بەڵاگێڕەوەی مانەوەی حزب و دەستکەوتەنیان، بە پێچەوانەوە سەرۆک بارزانی لە نێوان بەرژەوەندیە نەتەوەیی و نیشتیمانیەکان و بەرژەوەندی حزب و کەسی، بەرژەوەندیە نەتەوەیی و نیشتیمانیەکانی هەڵبژاردوون، بەڵگەش بۆ بوونی ئەو راستییە حاشا هەڵنەگرە, بە درێژایی مێژووی ئەو چەند ساڵەی رابردوو هەر چوار داگیرکاری کوردستان چاوی دوژمنکاریان لەسەر هەڵوێستەکانی سەرۆک بارزانی چڕ کردوونەوە، ئەوەش وایکردووە زۆرترین جار دژ بە هەڵوێستە نەتەوەیی و نیشتیمانیەکانی سەرۆک بارزانی و ئاستەنگ درووست کردن لەبەردەم گەیشتن بە ئامانجەکانی لەسەر مێزی پیلانگێڕی کۆببنەوە، ئەوەیە گەورەیی سەرۆکە نەتەوەیی و نیشتیمانیەکان و بچووکی و کورتەبنەیی سەرۆک و سکرتێرە حزبییەکان