خویایە کو دگورەپانا سیاسیا ھەرێما کوردستانێ دا پارتی پەھلەوان و سەرکێشێ ئێکی یێ کاروانێ حکومداریێ یە. لەورا ڤەکێشانا ئالیێن دیترێن سیاسیێن ھەرێمێ ژ حکومەتێ و پروسا سیاسی چ ژ ھەڤسەنگی و ھاوکێشا سیاسیا ھەرێمێ ناگوریت، نەمازە دەما حزبەکا میناکا پارتی ل گورەپانێ ھەبیت. کو خودان ئەزمون و پەیرەو و پروگرامەکێ تایبەتێ حکومداریێ یە ل ھەرێما کوردستانێ، کو بەردەوام دسەرکەفتانادا شانازیێ پێ دکەت و ھەمی ئالایێن دیتر ژی پشکدار دکەت ژ وان سەرکەفتنان بێی کو ئاماژێ بڤێ چەندێ بدەت. ھەروەسا دشکەستنانداژی دانپێدانێ دکەت و ئەڤە ددەمەکێدا کو لایەنێن دیترێن سیاسی ھەمی ژ بەرپرسیاریەتیێ درەڤن، ئەڤەیە پارتی ژحزب و ئالیێن دیتر جودا دکەت. لەوما ئەڤرۆکە پارتی ب سینگەکێ بەرفرەە ب ئاوایەکێ دیموکراسی و ناسیونالیزمانە حکومداریێ دکەت. بەلگەژی بۆ ئاخفتنا مە ئەڤ پێنج سالێن بوری بوون. کو پارتی سەرەرای ھەبوونا گەلەک ئاستەنگیێن مەزن لسەر ئاستێ ناڤخویی و دەرەکی ب ئاوایەکێ سەردەمیانە ب ھەبوون و پەیرەوکرنا سیاسەتەکا حەکیمانە و شەفاف شیا دویر ژ ئالیێن ڤەکێشای ژ حکومەتێ بتایبەت ھەردوو حزبێن مینا گوران و یەکگرتو نەھێلا ڤالاھی دکارو ئەرکێن حکومەت و پەرلەمانیدا دروست بیت، بەلکو بەروڤاژی پارتی ب ھەبوونا کارێزماییا سەرۆکێ حکومەتێ شیا وان ڤالاھیان پربکەت. ئەوێن بەری ھنگی ژ ئەگەرێ ھەبوونا کەم تەرخەمی و ھەست نەکرن ب بەرپرسیاریەتیێ کو ب ئاوایەکێ دوورییانە کاردکر ژبوی بەرژەوندیێن حزبی و کەسی، نەک بو بەرژەوەندیا گشتی، ئەڤە ژلایەکێ و ژلایەکێ دیترڤە کارکرن بو لاوازکرنا پێگەھێ پارتی بتایبەت و پێگەھێ حکومەتا ھەرێمێ بگشتی، ژبوی وێ یەکێ کو دەنگێ نەرازی و یاخیبویان ل جادەیا کوردی بلند بکەن. ئەڤە سەرەرای وێ چەندێ کو بزاف دکرن ب چەندین رێکێت دیتر کار لسەر ڤان ھزرێن نەزوک بکەن. بۆ میناک برێکا سمینارێن تایبەت ل بارەگەھێن حزبی، ھەروەسا برێکا سوشیال میدیایێ و رێکێن دیترێن جودا جودا. لێ ئەوان نەزانی کو سەنگا پارتی و سیاسەتا پارتی و سەرۆکاتیا حکومەتێ کو خودێ (نێچیرڤان بارزان)ی سەرکێشیا وێ دکەت. ھەمی دێ بسەرێ واندا شکێت، کو دبیت ئەگەرێ ئەڤیێ شکەستنێ ئەڤ چەند خالە بن. ئێک: ئەڤ حزبێن ھەنێ لسەر بنەمایەکێ دروست و ژینگەھەکا دروست ژدایک نەبوینە. دوو: کەم ئەزمونیا وان دوارێ سیاسەتێدا خالەکا دیترە. سێ: نەبونا چ ھەلویستین فەرمی لسەر پرسێن نشتیمانی و کارنەکرن ژبوی بەرژەوەندیا گشتییا خەلکێ ھەرێما کوردستانێ. چار: دژایەتی کرنا پارتی خالەکا دیترە بو شکەستنا وان ل ھەردەم و جھەکێ. پێنج: ئەڤ حزبە ب مادیەتێ ڤە دگرێداینە، لێ پارتێ ب ئاخیڤە یا گرێدایە. لەورا دکارم بێژم ئەڤ حزبە توشی جورەکێ خو کوشتنا سیاسی بوون ل ھەمبەر پارتی. دیسان پارتی بەروڤاژی ڤان خالان کاردکەت. ژبەرھندێ ھەردەم دڤێ ھاوکێشێدا پارتی براوا ئێکێیە د گورەپانا سیاسیا ھەرێمێ دا، بو نموونە د ھەلبژارتنێن ڤێ دوماھیکێدا ھەم لسەر ئاستێ عێراق و ھەمژی لسەر ئاستێ کوردستانێ پارتی تاکە حزب بوو، ب ئاوایەکێ بەرچاڤ دەنگێن خو زێدەکرن بوویە حزبا ئێکێ. ھەروەسا لسەر ئاستێ دەرەکیژی ب ھەمان شێوە پارتی سەرپشک و سەرکێشە. لەورا پارتی ب سەنگ و ھەبوونا خو ھەردەم سەرکەفتی و پەھلەوان بووویە د گورەپانا سیاسیا ھەرێمێدا. پشکداربون و نەپشکداربونا ئالیێن دیتر ل ھەمبەر پارتی چ ژ بابەتی ناگوریت.