حكومه‌تا قه‌یرانان بداوى هات
شێرزاد نوورى
ده‌ما به‌حس ل چارسالێن بوورى دهێته‌كرن ئێكسه‌ر نه‌خۆشیێن ب سه‌ر هه‌رێما كوردستانێ دا هاتین دهێنه به‌رچاڤێن هه‌ر كورده‌كى، كو پشتى هاتنا تیرۆرستێن داعشێ و بڕینا بودجه مووچه‌یێ خه‌لكى ژ ئالیێ حكومه‌تا به‌غدا ڤه هاتنا ژماره‌كا زۆر یا ئاواره‌یان قه‌یرانا سیاسى و دارایى و ئابوورى هه‌موو ب سه‌رێ حكومه‌تا هه‌رێما كوردستانێ هاتین د چار سالێن بوورى دا كو ئه‌گه‌ر ب شیان و پلانێن نێچیرڤان بارزانى نه‌بان نها چ تشته‌ك نه‌مابوو بناڤێ حكومه‌تا هه‌رێمێ و دبیت نها ناڤێ هه‌رێمێ ژى نه‌مابا و پارێزگه‌هێن دهۆك، هه‌ولێر و سلێمانیێ دبن ده‌ستهه‌لاتا به‌غدایێ دابان، یامن ل سه‌رى نڤێسى پشكه‌كا گه‌له‌ك یا كێم یا وان نه‌خوه‌شیانه لێ یاگرنگتر لڤێرێ ئه‌وه كو به‌حس بكه‌م لبه‌ر خوه نه‌كه‌ینه خه‌ون كو ئه‌ڤ ره‌وشا نها ئه‌م تێدا جاوا دووباره بوومه ڤه‌گه‌ریا و كى ڤه‌گه‌راند؟ كى بۆ قاره‌مان د سه‌ركه‌فتنا و بهێزكرنا پێگه‌هێ هه‌رێما كوردستانێ دا؟ لده‌ما هاتنا تیرۆرستێن داعشێ پترى 2 ملیۆن ئاواره هاتنه هه‌رێما كوردستانێ و هه‌ر زۆر هه‌رێمێ ده‌ست بدروستكرن و ڤه‌حواندنا جهێن وانكر و هه‌موو پێدڤیێن خوارنێ، ڤه‌خوارنێ و نڤستێن ل سه‌ر كیستێ وه‌لاتیێن هه‌رێمێ بوو وان دابینكرن ژبه‌ركو خه‌لكێ هه‌رێمێ ب مه‌رداتیا خوه به‌رنیاسه‌ر ژیانا ئاواره‌یان پاراست لێ رۆژ بۆ رۆژێ بارێ حكومه‌تا هه‌رێمێ گرانتربوو،چونكى بودجه‌یا هه‌رێما كوردستانێ ژى دوێ ره‌وشا نه‌ئارام دا هاتبوو بڕین، لوى ده‌مى ب پلانێن سه‌ركه‌فتى یێن سه‌رۆكوه‌زیر نێچیرڤان بارزانى ل سالا 2015 سه‌ربه‌خوه‌یا ئابوورى هاته راگه‌هاند و ئه‌گه‌ر لوى ده‌مى ئه‌ڤ چه‌نده نه‌هاتباكرن خوه دیناره‌ك ژى نه‌بوو مووچه‌یێ فه‌رمانبه‌رێن هه‌رێمێ پێ بهێته دان لێ ئه‌ڤه ده‌ستكه‌فته‌ك مه‌زنبوو كو حكومه‌تا هه‌رێمێ شیای پێنگاڤه‌كا سه‌ركه‌فتى پاڤێژیت، ده‌م بۆ ده‌مى ئێدى سه‌رۆكوه‌زیرێن هه‌رێمێ شیا پتر په‌یوه‌ندیان دگه‌ل كومپانیێن جیهانێ بهێز بكه‌ت دبوارێ په‌ترۆلێ دا ئه‌وبوو كو حكومه‌تا هه‌رێما كوردستانێ و كۆمپانییا رۆسنه‌فت یا رۆسی، ل سه‌ر راكێشانا بۆریا ڤه‌گوهاستنا غازا سرۆشتی د توركیا را رێككه‌فتن و ل سالا 2020 غازا هه‌رێمێ بهێته ره‌وانه‌كرن، هه‌رێما كوردستانێ شیان هه‌نه سالانه 30 ملیار مه‌ترێن سێجا یێن غازا سرۆشتی به‌رهه‌مبینیت، ئه‌ڤه‌ژی دێ سه‌دێ شه‌ش یا هه‌موو غازا ئه‌ورۆپا دابین كه‌ت، ئه‌ڤ رێككه‌فتنه بوو ده‌ستپێكا بنیاتنانا ئابووره‌كێ بهێزن بۆ كوردستانێ، سه‌ره‌راى ڤان هه‌موو ده‌ستكه‌فتان كو ئێدى هه‌رێم بوو ناڤه‌نده‌كا ئابۆرى یا بهێز و ئێدى هه‌موو كۆمپانیێن به‌ر نیاس ل جیهانێ سه‌ره‌دانا ڤى وه‌لاتى دكه‌ن كو دنهادا بیست و دو هزار و پترى پێنجسه‌د كۆمپانى ل هه‌رێما كوردستانێ هه‌نه، و سێ هزار و سێزده ژ وان كۆمپانیان بیانینه.
پڕانییا وه‌لاتێن جیهانێ تایێن كۆمپانیێن خوه ل هه‌رێمێ داناینه، كۆمپانیێن توركى ژى كو هژمارا وان هزار و سێسه‌دو پێنجى و ئێك كۆمپانینه، پشكا شێرى ببه‌ر كه‌ڤتییه، و ئیرانێ ژى سێسه‌د و چل و ئێك كۆمپانى هه‌نه، یێن لوبنانێ ژى سه‌د و شێست و ئێك كۆمپانینه و بریتانیا سه‌دو بیست و نه‌هـ كۆمپانى ل هه‌رێمێ هه‌نه.
هاتنا ڤێ ژمارا زۆر یا كۆمپانیان نه تشته‌كێ بچووكه به‌لكو دبیته ئه‌گه‌رێ زێده‌بوونا داهاتى و به‌رهه‌مێن جودا و ده‌لیڤێن كارى بۆ تاكێ كورد.
