پشتی حکومەتا ناڤەدی یا عیراقێ رێکەفتنێن سیاسی و ئابووری دگەل ھەرێما کوردستانێ بن پێ کری و بەرەڤ تاکڕەویێ و لادانێ ل دەستوورێ ھەردەمیێ چۆی ، ب بڕینا مۆچە و بۆدجێ ھەرێمێ ھەول دان قەیرانەکا ئابووری – جڤاکی ل ھەرێما کوردستانێ درۆست بکەن ، داکۆ دوورکەفتنەک دناڤبەرا جاددا کوردستانی و حکومەتا ھەرێما کوردستانێ پەیدا ببیت ، ئەڤە پیلانەک بوو دژی پارتی دیموکراتی کوردستان کۆ پڕانیا دەسھەلاتا کوردستانێ ددەستی دا یە و ب پشتەڤانی و رەزامەندیا ھندەک کەس و لایەنێن سیاسی یێن کوردستانێ ئەڤ گاڤە ھاتنە ھاڤێتن .
د وێ باوەریێ دا بوون پشتی ڤان گاڤا ، ڕەوشا جڤاکی و ئابووری یا ھەرێما کوردستانێ دێ تووشی شلەژانێ بیت و خەلکێ کوردستانێ دێ بەرامبەر حکومەتا خۆ ڕاپەریت و حکومەتا ھەرێما کوردستانێ دێ ملکەچی بریار و راسپاردێن حکومەتا ناڤەندی بیت و شیانێن چارەسەریێ نینە .
لێ پلان و بەرنامێ نێچیرڤان بارزانی بۆ سەرخۆبوونا ئابووری یا ھەرێما کوردستانێ لسالا ٢٠١٥ بوویە بریار و کەفتنە دوارێ بجە ئینانێ دا ،
ڕاستە ئەڤێ پیلان و بەرنامەی کاریگەری لسەر ھەرێمێ ھەبوو بەڵام سەرخۆبوونا ئابوورێ کوردستانێ رێگری ل تەشەنەکرنا ڕەوشا ئابووری یا ھەرێما کوردستانێ گرت و ب وی داھاتێ کێم بەرنامێ سەرۆکێ حکومەتا ھەرێما کوردستانێ یێ ئابووری و دارایی شیا کونترۆلا ڕەوشێ بکەت ، ژ بەردەوامیا دابەشکرنا مۆچێ فەرمانبەرا ب سیستەمێ پاشکەفتی و دابینکرنا خەرجیێن پێشمەرگەھێن کوردستانێ ل شەرێ تیرۆرستێن داعش لدەمێ نێزیکی چار سالان کۆخەرجیێن ھەرە زۆر بوون ، ژلایەیێ سیاسی و دبلۆماسی ژی ، سیاسەتا ھەرێما کوردستانێ شیا ھەتا رادەکێ زۆر پشتەڤانیا وەلاتێن ھەڤپەیمانیا دژی داعش بۆ کوردستانێ ڕابکێشیت ژبۆ ھاریکاری و دابینکرنا چەک و پێتڤیێن پێشمەرگەھی .
ئەگەرئەڤ سیاسەتا سەرکەفتی ب پلان یا سەرۆکێ حکومەتا ھەرێمێ نەبا دڤان سالێن شەرێ داعش و گەماروویێن ئابووری یێن سەر ھەرێما کوردستانێ ، رەوشا ئابووری و جڤاکی ، دا کەڤیتە د مەترسیەکا دژوار دا و دا کاریگەریێ لسەر رەوشا ئێمناھی کەت و لژێر کۆنترۆلێ دەرکەڤیت ، کۆ ئەڤە پیلانا داگیرکەر و خیانەتکارا بوو .
دەبارەی ھاتنا کۆمپانیێن زەبەلاحێن بووارێ نەفتێ بۆ کوردستانێ دیسان کارەکێ نەیێ بساناھی بوو ، حکومەتا کوردستانێ تێدا سەرکەفتی و شیای سەرەرای نەرازیبوونا حکومەتا ناڤەندی بەردەوامیێ بکارێن خۆ بدەن و باوەی بۆ چێکر کۆ گرێبەستێن وان دگەل ھەرێمێ یێن دەستووری نە و چ مەترسی لسەر بەرژەوەندێن وان نابن .
بڕەنگەکێ گشتی گاڤێن حکومەتا ھەرێما کوردستانێ ب پلانا سەرۆکێ حکومەتێ ، شیان جھێ خۆ بگرن و بکەڤنە دخزمەتا بەرژەوەندا گشتی دا و بوونە ئەگەرێ زۆر لاوازکرنا قەیرانا ئابووری و دارایی لسەر ھەرێمێ ، ئەگەر ئەڤ قەیرانە بانە دا رەوشا ئابووری و داریی یا ھەرێما کوردستانێ د ئاستەکێ زۆر باشتر بیت ،
چێکرنا باوەریێ بۆ وەلاتێ تورکیا لسەر نەھاتنێ لدیف بانگەوازیا حکومەتا عیراقێ بۆ گرتنا سنوورێن خۆ دگەل ھەرێمێ و راگرتنا ھنارتنا نەفتا کوردستانێ بۆ بەندەێ جەیھان ، پشتی راپرسیا سەرخۆبوونا کوردستانێ و خیانەتا ١٦ ئکتۆبەرێ و گارڤەدانێن لدیفرا ، دیسان ژ ئەنجامێ حیکمەت و پلان دارێژیا سیاسەت و بەرنامێ سەرۆکێ حکومەتا ھەرێما کوردستانێ رێزدار نێچیرڤان بارزانی بوو ژلایێ ئابووری و دبلۆماسی ، چونکی پرانیا بۆچوونا وەسا دیار بوون دوان کاودانان دا وەلاتێ تورکیا دێ رێکێ ل ھنارتنا نەفتا کوردستانێ گریت ، ژبەر گڤاشتنێن عیراقێ لسەر وان ، لێ پلانا حکومەتا ھەرێمێ بسەر پیلانا حکومەتا ناڤەندیا عیراقێ سەرکەفت .
دگەل وەلاتێ ئیرانێ ژی سەرۆکێ حکومەتا ھەرێمێ ھەر زوی شیا رێگریێ ل تەشەنەکرنا رەوشێ بگریت و پشتی دەمەکێ کۆرت سنوورێ، وان دگەل ھەرێمێ ھاتنەڤ ڤەکرن .
بڕەنگەکێ گشتی سیاسەتا حکومەتا ھەرێما کوردستانێ بۆ سەربخۆبوونا ئابوورێ ھەرێمێ سیاسەتەکا سەرکەفتی بوو و خزمەتەکا زۆر گەھاندە کوردستانێ ژلایێ دارایی و سیاسی و جڤاکی و ئێمناھی و کارگێری ، پێگەھێ ھەرێما کوردستانێ لسەر ئاستێ جیھانێ بھێز کریە ، راستە قەیرانێن ڤان سالان کاریگەری لسەر وەلاتیا و ڤەژاندنا ئابووری ل ھەرێمێ کریە . لێ ئەڤە پیلانەکا سیاسی یا ھەرێمی بوو ب پشتەڤانیا لایەنەکێ سیاسی یێ کوردستانێ ، بۆ لاوازکرنا پێگەھێ ھەرێما کوردستانێ کو لسەر دەستێ پارتی و سەرۆک بارزانی و نێچیرڤان بارزانی سەرۆکێ حکومەتا ھەرێما کوردستانێ بەردەوام د گەشەبوون و پێشڤەچوونێ دا و نەیار و خیانەتارا ھزرەکا مەزن لێ دکر و بۆ وان بوویە جھێ مەترسیێ ، لەوما ئەڤ پیلانە بۆ دارشتن . لێ خوشبەختانە پیلانێن وان بڤێ سیاسەتا ئابووری ھەلوەشیان و پێگەھێ ھەرێما کوردستانێ بەرەڤ ھێزدار بوونێ چۆڤە و باوەریا پرانیا خەلکێ کوردستانێ ب پارتی و حکومەتا ھەرێما کوردستانێ موکۆمتر کر .