ئەوەی هەمیشە لە قوتابخانەی كوردایەتی جەختی لێكراوەتەوە پێداگری بووە لە سەر بەدەستهێنانی ئەو مافانەی دەیان ساڵە زەوتكراون و لایی پارتی سەرفرازی و رزگاری خاك و نیشتیمان ، رٍەتكردنەوەی سەتەمكاری ، شكۆیی گەل و نیشتیمان گرنگە ، هەر ئەوەشە وایكردووە زۆرترین قوربانیی ببەخشێ و پێشەنگ بێ لە كوردایەتیی .قەدری پارتی،بارزانییە رووبەرووی پیلانگێری دژی كورد و كوردستان ببێتەوە .پارتی،بارزانیی بەدرێژایی دیرۆكی خەبات و بەرخۆدان و رزگاریخوازی بە هۆی سازش نەكردن لە دۆزی كورد تا ئێستا رووبەرووی سەدان پیلانگێری و كاری نەزۆكی تیرۆریستی بۆتەوە ،لە وپێناوەشدا قوربانیی زۆری بەخشیووە و دەبەخشێ ..ئەوەی دەمهەوێ ئاماژەی پێبدەم ، دۆزی رەوایی گەلەكەمانە كە لە هەر لە رووداوە پێشهات و هەوڵەخیانەتكارییەكانی شۆرٍشی مەزنی ئەیللول بووە لە لایەن دەسەڵاتدارانی بەغدا و كۆیلەكانیان كە هەوڵی لە ناوبردنی مافەرەواكانی گەلی كوردیان لەو قۆناغەوە داوە و كاریان بۆ دروستكردنی دووبەرەكی و لێكترازانی نێو ماڵی كورد و ناوچەكەرێتی و شەرٍی خۆكوژی یا براكورژی داوە تا بە ئەمرٍۆ ..بۆیە هەر جارێك پیلانگێرییەك لە دژی گەلی كورد و دەسكەوتەكانی لە ئارا بوو بێ ئەو پارتی دیموكراتی كوردستان بە رێبەرایەتی بارزانیی ، زۆر حەكیمانە و ژیرانە رووبەروویان بوونەتەوە ، رێگەی نەداوە نێو ماڵی كورد تووشی شەرٍو ناكۆكیی بێ .. بۆیە، مێژوو شاهیدە لە ماوەی 26 ساڵی رابردوو ، پارتی و بارزانیی بە هەموو توانایەكەوە ، گشت هەوڵەكانیان لە پێناو پوچەڵكردنەوەی هەوڵی دوژمنان و بەكرێگیراوەكانیان خستۆتەگەر باجیان بە مافی پارتییەكان داوە تا هەمیشە كوردستان ئارام و سەقامگیر بێ.. بۆیە رووداو و پیلانگێرییەكانی 16ی ئۆكتۆبەر و تا بە ئەمرٍۆ نەخشەی شوومی دوژمنان و داگیركەران روون و ئاشكران كە مەرامیان چیی بووە و چییە ، ئەوان هەر دەرفەتێك تێناپەرێنن لە پێناو دروستكردنی ناكۆكیی نانەوە لە نێوان ریزەكانی كورد و كوردستان ، لەبەرامبەر دا پارتی و بارزانیی كە بەرپرسیاریەتی كوردانە و نیشتیمانپەروەرانەیان لە سەر شانە ژیرانە رووبەرووی هەموو ئەو پیلانانە بوونەتەوە تا گەلی كورد بگات بە كەنارٍی دڵنییایی و سەقامگیری ..بۆیە ، دەڵێم دوژمنان و ناحەزانمان خەیاڵیان خاوە جارێكی تر شەرٍی خۆكۆژی و دووئیدارەیی بە چاویی خۆیان ببینن ..سەركەوتن بۆ ئیرادەی گەل و پارتی و سەرۆك بارزانییە .. ئامادە بوونی پارتی، بارزانیی لە گۆرٍەپاتی خەبات لە ماوەی زیاتر لە حەوت دەیەی رابردوو ، بۆتە گەورەترین كۆسپ لە بەردەم پیلانگێری داگیركەران و ناحەزانی كورد . هەروەها مێژووی سەدەی رابردوو تا ئەمڕۆ ئەو راستییەمان پێ دەڵێت كە پارتی و بارزانی ئەوەیان سەلماندووە كە لەگەڵ ئامانجی پیرۆزی گەلەكەیاندان و هەرگیز پشت لە گەلی كوردستان ناكەن، بۆچی هەر پارتی و بارزانی پێشەنگن لە هەموو قۆناغەكاندا؟ وەڵامەكە روونە ئەگەر لە دوێنێ پارتی و بارزانی خاوەن سەروەری زۆر بێت، ئەمڕۆش بە هەمان شێوە سەروەری گەورەی تۆماركردووە لە دژی تیرۆریزمی نێودەوڵەتی و پیلانگێڕییە یەك لە داواكانی دەوڵەتانی هەرێمی و نەیارانی نێوخۆیی و شكست هێنان بە مەرامە گڵاوەكانیان و هەروەها پەلامارەكانی حەشدی شەعبی بۆ سەر هەرێمی كوردستان. بۆیە بەهێزبوونی پارتی دیموكراتی كوردستان و بارزانی، واتە بەهێزبوونی كوردستان لە هەمان كاتدا. پارتی و بارزانی بە درێژایی تەمەنی خەبات و تێكوشانیان لەگەڵ مەینەتی و ئازاری گەلی كوردستاندا بوونە و رۆژێك لە روژان پشتیان لە رۆڵەكانی گەلەكەیان نەكردووە و خۆیان تەرخانكردووە لە پێناو سەربەستی و سەرفەرازی میللەتەكەیان و بو ئەم مەبەستەش تێكوشاون و قوربانییەكی زۆریانداوە، ئەگەر لە رابردووی پڕشنگداری پارتی و بارزانی ورد ببینەوە، سەروەری گەلێك تۆماركراون، سەبارەت بە خەبات و قوربانیدانی پارتی و بارزانی لە دژی دوژمنان و نەیارانی گەلەكەمان، هەمیشە وەك قەڵغانێك لە هەمبەر هەڕەشە و پەلامارەكاندا وەستاونەتەوە و ناسنامەی نەتەوەیی كورد و خاكی پیرۆزی كوردستانیان پاراستووە. دەیان جار ناحەزانی مافی رەوای كورد بە جۆرەها شێواز و بە بەكارهێانی جۆرەها میكانیزمی ماددی و مەعنەوی ویستویانە ناوی كورد و كوردستان بە یەكجاری بسڕنەوە، بەڵام پارتی و بارزانی بەپلەی یەكەم شانازی بەرگریكردن لە گەل و وڵات و پارێزگاریكردن لە مانەوەی كورد بە سەربەرزیی بەركەوتووە و هیچ كات لە بەرپرسیارێتیی نیشتمانی رایان نەكردووە. بۆیە لێرەوەیە كە بەهێزبوونی پارتی و بارزانی لە نێو گوڕەپانی سیاسیی كوردستان، دەبێتە زەرورەتێكی حاشاهەڵنەگر. حزبی سیاسی راستەقینە بەو حزبە دەگوترێت كە ئامانجەكەی لەپێناو پاراستنی ئاسایشی نیشتمانی دا بێت و لە كاتی تەنگانەدا پشت لە میللەت و وڵاتەكەی نەكات و ئامادە بێت بو هەموو قوربانیدانێك. بۆیە ، بوونی پارتی،بارزانیی واتا بوونی كوردستانێكی بەهێز و شكستی داگیركەران وپیلانەكانیان..
رێبوار حەمەلاو شوانی
