پێشمەرگە ئەو کەسەیە، کو رامانا ترسێ نەزانیت، خوە چەماندنێ قەبوول ناکەت؛ ڕامان ژ ناڤێ پێشمەرگەیی ئەوە واتا خوە گوریکرنێ ددەت، ئەوێ بڤێت ڤی ناڤی هەلگریت دڤێت بەری هەر تشتەکی مەرگ و جانێ خۆ دانیتە ل پێشیا خۆ، شەڤ و ڕۆژ ل دەڤ ئێکن، ئەزیەت و ماندیبوون و سارما و گەرمبوون بۆ نابنە ئاستەنگ، ناسنامە و سیمبۆلا گەل و ملەتەکێ بێ دەولەتن .. لەورا ئەم کورد و تایبەت پارتی دیمۆکراتی کوردستان خودانێت خۆ ڤان قەهرەمانا و پارێزڤان و شێرە کوران و جانگۆریانن؛ ئەم پێ شاناز و سەربلندین و پارێزەرێن ڕاستەقینەیێن دەستکەفتێن کوردستانێ نە‌، هیڤی و ئومێدا گەل وەلاتێ مەنە.

د دوو رۆژێن ژێک جودا دا هێزێن عێراقی و حەشدا شەعبی و هندەک هێزێن دەولەتێن داگیرکەرێن کوردستانێ(یەکەیێن پاسدارێن ئیرانێ، حزب اللە لوبنانی) دگەل هندەک دەولەتێن زلهێزێن پلان دانەر و دەستێ خیانەتا نافخوە و ب چەکێن گران و چەکێن پێشکەفتی یێن ئەمریکی هێرشکرنە سەر سەنگەرێن پێشمەرگێن کوردستانێ.
هێرشا وان یا ئێکێ ل رێکەفتی ۲۰۱۸/۱۰/۲۰ێ ل پردێ بوو، پێشمەرگێن پارتی و بارزانی ب چەکێن خۆ ب هەمی و هێز و شیان ڤە رێک ل هێرشا وان گرت، ب تووندی بەرسڤا وان دا، هێرشا وان شکەستن ئینا و نەهێلا پلانا ۱٦ی ئوکتۆبەرێ ب تەمامی سەربگریت، پێشمەرگەیی د ڤی شەری دا دیڕۆکەکا زێرین توومارکر ..

هێرشا وان یا دوویێ ل رێکەفتی ۲۰۱۸/۱۰/۲٦ێ ل میحوەرێن عەین عوێز و مەحمودیە و سحێلا و زوومار دەستپێکر، پێشمەرگەیان ب باوەری و وریەکا بەرزڤە بەرخودانی و بەرەڤانیکر، پێشمەرگە لێ هاتنە دەست ب تووندی بەرسڤا هێزێن عێراقی و حەشدێ و پاسداران دا؛ پێشمەرگەیێن پارتی و بارزانی هێرشا وان ژناڤبر و سەرکەفتنەکا دی یا دیرۆکی و زێرین توومارکر ...

د ڤێ حەفتییا شەری دا، زەرەرمەندێ سەرەکی هێزێن عێراقێ و حەشدێ و پاسداران بوون، ب سەدان هێزێن وان هاتنە کۆژتن و بریندارکرن و ب دەهان تانک و هەمەر و ترومبێلێن سەربازیێن وان هاتنە ژناڤبرن .. ئەڤ حەفتی دهێتە ناڤکرن و ناسین ب حەفتییا بەرخودانا هەرێما کوردستانێ و حەفتیا پاراستنا قەوارەیا هەرێما کوردستانێ و حەفتییا پردێ و سحێلا ڕووگەشی و سەربڵندی یا پێشمەرگەیی و ڕوورەشی و سەرشۆری یا خیانەتکار و دۆژمن و داگیرکەران.

سڵاڤ ل جانێ وان شەهیدا بن یێن دڤێ حەفتیا بەرخودانا هەرێما کوردستانێ دا شەهیدبووین و تەڤا شەهیدێن کوردستانێ سەر کاروانێ وان بارزانیێ باب و کاک ئدریسێ هەردەم زندی.

نڤێسین:سیار عیسی نووردینی.