ئارامی و ئێمناهی ئێکن ژوان ئەگەرێن کو سەرەنجا گەشتیاران بۆ خۆ دکێشن ، گەشتیارێن جیهانی قەستا هەر باژاڕەکی بکەن ئارامیا وی باژاڕی بەرچاڤ وەردگرن .
ژبۆ پتر دلنیا کرنا گەشتیارێن جیهانی مالپەڕێ تھە دالی مەالیێ جیهانی کو تایبەتمەندە ب بوارێ گەشتیاری ، رێزبەندییا پێنجی ئارامترین باژاڕێن جیهانێ بەلاڤکریە . کو تێدا باژاڕێ هەولێرێ ل ڕێزبەندیا پێنجێ دهێت .
هەر لدویڤ وێ ڕێزبەندیێ باژاڕێ (ئەبو زەبی )یێ ئیماراتی ب پلەیا ئێکی وەک ئارامترین باژاڕێ جیهانێ هاتیە ، و (دەوحە )یا قەتەری دوهەمینە ، باژاڕێ ( ئوساکا )یا ژاپۆنێ ب سێیەمین و ( کیوبیک ستی)یا کەنەدی ب چارەمین، و ( هەولێر ) کو پایتەختێ هەرێما کوردستانێیە ل ڕێزبەندیا پێنجەمین باژاڕ دههێت، (سینگاپور) ل پلەیا شەشێ و ( بازل )یێ سویسری ل پلەیا حەفتێ (تۆکیۆ) یا ژاپۆنی ل پلەیا هەشتێ، ( دوبەی )یا ئیماراتی پلەیا نەهێ ، ( میونشن ) ێ ئەلمانی ل پلەیا دەهێ دهێن .
هەر دڤێ مالپەڕێ دا دەربارەی هەولێرێ هاتیە : (مخابن میدیایێن جیهانی وەک پێدڤی روماڵ نەکریە، ژبەرهندێ ڕەنگە توشی حێبەتیێ ببن کو ببینن باژاڕەک ل هەرێما کوردستانا عیراقێ پێنجەم ئارامترین باژاڕێ جیهانێیە.
هەروەسا هەولێر ئێکە ژ کەڤنترین باژاڕێن جیهانێ .
هەولێر باژاڕەکێ هەمەڕەنگێ ئاینی و نەتەوەیییە، دڤی باژاڕی دا چەندین بازاڕ و جهێن کەڤن و هەڤجەرخ هەنە .
هەر دڤی باژاڕیدا چەندین مۆزەخانە و شوینەوار و پارکێن گەشتیاری و مزگەفتێن دێرین دهێنە دیتن.
سالانە ژلایێ هندەک مالپەڕێن جیهانی لسەر هندەک بنەمایان ئارامترین باژاڕ و نەخۆشترین باژاڕ دهێنە دەست نیشان کرن ، هەژی گۆتنێیە کو دامەزراوەیا (مێسەر ) بۆ کاروبارێ ڕاوێژکاریێ ، ل ئادارا ۲۰۱٨ ێ ڕاپۆرتەک بەلاڤکر و تێدا دیارکریە کو (بەغدا) پایتەختێ عیراقێ خرابترین باژاڕێ جیهانێیە ، ژلایێ ئێمناهی و تەندروستی و خواندن و فیرکرن و ڕێژەیا تاوانان...

هەلبەت هەژی ئاماژە پێکرنێیە کو ئەڤ ئارامی و پێشکەفتنا ل کوردستانێ بگشتی و ل هەولێرێ ب تایبەتی هەی ، و هەلبژاردنا وی وەک پینجەم ئارامترین باژاڕ ل جیهانێ ،بەلگە و نیشانا گرنگی دان و خەم خۆریا حکومەتا هەرێما کوردستانێیە بۆ کوردستانێ ب گشتی و باژاڕێ هەولێرێ ب تایبەتی، ئاشکرایە لدویڤ ئەو ماستەر پلانا کو حکومەتا هەرێما کوردستانێ بۆ خزمەت کرن و ئاڤەدان کرنا هەولێرێ دانای ، ئەڤ باژاڕە ڕۆژ ب ڕۆژ بەرەڤ پێشڤە دچیت و دبیتە جهێ سەرنجا گەشتیارێن جیهانی .