پارتی دیموکراتی کوردستان ھەر ژ دەستپێکا دامەزراندنا خوە دا پێنگاف ژبوی بنیاتەکێ موکم و بھێز دانایە و رێبازەک گرتیە کو تانوکە ئێک جار ژی دەستبەرداری وێ رێبازێ نەبوویە ئەوژی رێبازا ؛ بارزانیێ نەمر بوویە. ئەو رێبازا ب درێژاھیا سالێن ژیێ خوە د خەبات و قوربانی دانێ دا خوە راگرتیە و پاراستن ل سەر ھەموو ماف و دەستکەفتێن ڤی مللەتی کریە ، پەروەردەیێن وێ ژی ھەردەم پێنگاف پێنگاف بەرەف خزمەت و پێشخستنا مللەتی چووینە و ھیچ جارەکێ ژی ئەو لایەنگرێن ب ئیرادە بووینە پارتی, پارتی شەرمزارنەکریە و خیانەت ل وێ و ھیچ لایەنەکێ کوردی نەکریە. ژبەرھندێ ژی خەلکی باوەریەکا تەمام ب ڤێ رێبازا پارتی و بارزانی ھەیە و چونکە رێبازەکە دەستبەرداری مافێن گەلێ کوردستانێ نابیت. ھەروەکی دیار ژی کو د ھەر خولەکا ھەلبژارتنان ژی دا تا نوکە پارتی ئێکەم بوویە ھەروەک سەروکێ حکومەتا ھەرێما کوردستانێ رێزدار ؛نێچیرڤان بارزانی ؛ گوتی : پارتی یەکەمە و دێ ھەردەم یەکەم بیت . ئەڤرۆ ژی ئەو گوتن ھاتەڤە وپارتی بوو یەکەم. کو ل سیھی ئیلونا ئەف سالە ھەلبژارتنێن پەرلەمانێ کوردستانێ ھاتنەکرن و دوماھی ئەنجام ژی ھەر پارتی بوویە سەرکەفتیا ئێكێ و شیا ب باوەریا خەلکێ خوە ٤٥ چل و پێنج کورسیێن پەرلەمانێ کوردستانێ بدەستخوەڤەبینیتن سەرەرای سوتنا رێژەکا زۆر یا دەنگێن وێ کو دبنە زێدەتر ژ سیهـ و پێنج ھزار دەنگ ژبەرکو یەکەم بوویە پشکا شیری د سۆتنا دەنگاندا بەر ب وێ کەفت لێ ژبو سەرخستنا پروسێ پارتی ئەو چەندە قەبولکر. لێ دیسان ژی شیان و ماندیبوون و باوەریا خەلکی ژ ھەموو پیلان و بنپێکاریان مەزنترەن لەوما شیا پارتیاخوە بھیلنە سەربلند . دیسان یاگرنگ کو ل بیرا مە بیت ئەو دوورپێچ و سزایێن ژلایێ حکومەتا بەغدا کەفتیە سەر حکومەتا ھەرێما کوردستانێ ئەگەر ب سیاسەتەکا دروست و حەکیمانە یا سەروکی وەزیرێن کوردستانێ نێچیرڤان بارزانی نەبایە، ئەڤرو خەلکەکێ باوەریەکا وەسا یا مەزن ب ده‌نگدانێ ژی نەدبوو ھەروەسان دا کاریگەریەکا زوور یا خراب د ھەلبژارتنێن ڤێ خولا پەرلەمانی دا دیاربن و ھەردەما پارتا سەرەکی کو پارتی دیموکراتی کوردستانە ھێزا خوە ژدەست دابان دا کوردستان ھەموو د مەترسیەکا مەزندابیت، لێ ماندیبوون د دان و ستاندنێن ئاشتیانەیێن سەروکێ حکومەتێ و بەرنامە و پلانێن وێ یێن سەرکەفتی ئەف جارەژی کوردستان رزگار کر ژ پیلانێن بەشێن ناڤخوەییی و دەرەکی، و بێ بەرنامەیی ھەڤرکی و بێ سەروبەریا سیاسەتا حزبێن دیتر د ئەنجامێن ھەلبژاتناندا دیاربوو کو سەرەرای ھەڤرکی دژایەتیەکا زوور دگەل پارتی لێ کو حزبێن دیتر سیاسەتەکا عەقلانی یا پێدڤی ل دەف نەبوویە نەشیان پێگەھەکێ بھێز بخوە دروست بکەن. لێ پارتی بێی دژایەتی بەلکو بتنێ وەک نەتەوەیی رەفتار و سیاسەت کریە لەورا ھەردەم جھێ باوەر و شانازیا کوردستانیان و ھەتا ل سەرئاستێن دەرڤەژی بوویە .
رێژین نھێلی
