خه‌ڵك له‌م هه‌ڵبژاردن چی به‌لایه‌نه‌كان گوت ؟؟؟
کاک اکرم سالح
ئه‌م سه‌ركه‌وتنه گه‌وره‌ی پارتی ئه‌وه‌مان پێ ده‌ڵێ كه میلله‌ت هوشیاره و سه‌رای قه‌یرانی دارای و سه‌ختی ژیان پشتیوانی له ئه‌و لایه‌نه ده‌كات كه پارێزگاری له به‌ها نه‌ته‌وه‌یه‌كان ده‌كات و له‌سه‌نگه‌ری به‌رگری نیشتماندا خوێن ده‌به‌خشێ و ئارامی و سه‌قامگیری و خۆشگوزرانی دابین ده‌كات . نه‌ك ئه‌وانه‌ی هاوئاوازی بیگانه بۆ به‌رژه‌وه‌ندی خۆیان خه‌ڵك چه‌واشه ده‌كه‌ن و ئارامی ده‌شێوێن و ئادابی گشتی تێكده‌ده‌ن . پارتی به‌رهه‌می كرداره‌كانی چنیه‌وه وه‌ك پێشینان ده‌ڵێ (چی بچینی ئه‌وه ده‌دوریته‌وه) .
بۆیه ئه‌نجامی ئه‌م هه‌ڵبژاردنه وه‌ڵامه بۆ هه‌موو ئه‌و لایه‌نانه‌ی كه مه‌له‌یان له ئاوی لێڵدا ده‌كرد , بۆ ئه‌وانه‌شی كه‌سیاسه‌ت ده‌كه‌ن ئه‌زمۆنێ باشه. چونكه له‌م هه‌ڵبژاردنه ده‌ركه‌وت كه لای كۆمه‌ڵگه‌ی كوردستانی چ جۆره كه‌لتور و سیاسه‌تێ په‌سه‌نده .
بۆیه كاتی ئه‌وه هاتووه ئه‌وانه‌ی له شاشه‌وه ده‌یان ویست پارتی بڕوخێنن ئه‌زموون له پارتی وه‌رگرن و ڕابردوو تێپه‌رێنن و بیر له ئاینده بكه‌نه‌وه . به‌شێوه‌یه‌ك كه له‌به‌رژه‌وه‌نی خه‌ڵكدا بێت نه‌ك گوفتاری بێ كردار . چونكه هه‌موومان چاره‌نوسمان یه‌كه و ده‌رفه‌تی باش ماوه بۆ یه‌كریزی خۆ ڕێكخستنه‌وه و چاره‌سه‌ركردنی ناكۆكی و گرفته‌كان . ئه‌ڵبه‌ته پارتیش دوای ئه‌م هه‌ڵبژاردنه ڕووبه‌رووی به‌رپرسیاریه‌تیه‌كی گه‌وره‌تر بووته‌وه, چونكه ئیستا زۆرینه‌ی خه‌ڵكی كوردستان گه‌یشتوته ئه‌و باوه‌ڕه‌ی كوردستانێكی ئارام و ئاوه‌دان پێوستی به هێزێكی نیشتمانی به‌هێزه و ئه‌وه‌ش ئیستا له هه‌موو ڕوویه‌كه‌وه له پارتیدا به‌رجه‌سته بووه . بۆیه پێوسته پارتی نمونه‌یه‌كی نوێ له حكومڕانی باش پێشكه‌ش بكات كه له ئاستی خواسته‌كانی خه‌ڵكدا بیت وهه‌موو تواناكانی بخاته‌گه‌ر بۆ چاكسازی هه‌مه‌لایه‌نه و ئاوه‌دانی و خزمه‌تكردنی خه‌ڵك و چاره‌سه‌ركردنی كێشه نه‌ته‌وه‌ی و نیشتمانیه‌كانی گه‌لی كوردستان .
