پارتى دیموكراتى هه‌ر ژ رۆژا دامه‌زراندنا خوه‌ خودان پێگه‌هه‌كێ بهێز یێ جه‌ماوه‌رى بوویه‌ و چ جاران خوه‌ ب ده‌ڤه‌ره‌كا بچووك نه‌گرێدایه‌، به‌لكو پارتى كاریگه‌ریه‌كا راسته‌وخوه‌ ل سه‌ر هه‌ر چوار پارچێن كوردستانێ هه‌بوویه‌ و هه‌تا كاریگه‌رى و پێگه‌هێ خوه‌ هه‌بوویه‌ ل سه‌ر ئاستێ رۆژهه‌لاتا ناڤه‌راست و هه‌موو جیهانێ ژى، هه‌ر ڤێ چه‌ندێ وه‌ركرییه‌ كو رۆژ بۆ رۆژێ ده‌نگ و پێگه‌هێ پارتى و پارتیان به‌رز و بلند ببیت.
هه‌روه‌سا ئه‌گه‌ر خواندنه‌كا زانستیانه‌ بۆ پارتى بكه‌ین دێ دیار بیت كو ئه‌ڤ هێزه‌ ژ ڤالاتیه‌كێ نه‌هاتیه‌، به‌لكو ب پلانه‌كا درێژخایه‌ن هاتیه‌ و پارتى هه‌رده‌م ژ ناخێ وه‌لاتیان هاتیه‌ وه‌كو سه‌رۆكێ حكومه‌تێ ژى دیاركرى كو پارتى ژ دل و ناخێن گه‌لێ كورد هاتیه‌ درستكرن و هه‌موو هێزا خوه‌ ژ گه‌لێ كورد وه‌رگرتیه‌، چیرۆكا پارتى و گه‌لێ كورد وه‌كو له‌شه‌كى نه‌ كو دوو روح تێدا بن.
پارتى چه‌ندین سه‌ركردێن مه‌زن و خودان شیان هه‌نه‌ وه‌كو سه‌رۆك بارزانى و نێچیرڤان بارزانى سه‌رۆكێ حكومه‌تا هه‌رێما كوردستانێ یا گرنگه‌ كو ل رۆژا ده‌نگدانێ روول و ماندیبوونا ڤان سه‌ركردان نه‌هێته‌ ژ بیركرن بارزانى خودانێ پاراستنا كوردستانێ و توماركرنا داستانێن پردێ و سحێلان.
هه‌روه‌سا نێچیرڤان بارزانى ب سیاسه‌ت و دبلۆماسیه‌تا خوه‌ هه‌رێما كوردستانێ ژ قه‌یرانه‌كا مه‌زن و مه‌ترسیدار رزگار كر و هه‌موو ده‌رگه‌هێن گرتى ڤه‌كرن هه‌رێم ژ تونێله‌كا تارى به‌ره‌ڤ كه‌نارێن ئارامیێ بر.
ل رۆژا ده‌نگدانێ بلا ل بیرا هه‌وه‌ بیت ئه‌وێن خیانه‌ت كرى ئه‌وێن كه‌ركووك فرۆتى ئه‌وێن برایێن خوه‌ یێن پێشمه‌رگه‌ هێلاینه‌ د سه‌رنگه‌ران دا و ره‌ڤین بلا ئه‌و رۆژ ل بیرا هه‌وه‌ بن ده‌مێ پیشمه‌رگه‌یێن قه‌هره‌مان ل سه‌نگه‌ران روندك د باراندن بۆ ژ ده‌ستدانا كه‌ركووكێ، بلا ده‌نگێ هه‌وه‌ ببیته‌ گوله‌یه‌ك بۆ سینگێ دۆژمنان و بێژنێ راوه‌ستن دوهى هه‌وه‌ ئه‌م برینداركرین دوهى هه‌وه‌ كه‌ركووكا دلێ كوردستانێ فرۆت ئه‌ڤرۆكه‌ ئه‌م دێ هه‌وه‌ ب ده‌نگێ خوه‌ شه‌رمزار كه‌ین ئه‌ڤرۆكه‌ ئه‌م دێ بێژینه‌ هه‌وه‌ هوین نه‌ ژ هه‌ژینه‌ ببنه‌ رێبه‌رێن مه‌، به‌لكو خودانێن داستانێن پردێ و سحێلا ژ هه‌ژینه‌ ببنه‌ رێبه‌رێن مه‌.
ل دوماهیكێ یا گرنگه‌ كو هه‌موو وه‌لاتیێن هه‌رێما كوردستانێ بزانن كا دێ كى ب راست و درستى وان پرێڤه‌ به‌ت و حكومرانیه‌كا راست و درست كه‌ت كو مافێن هه‌موو وه‌لاتیان تێدا یێ پاراستى بیت.