په‌یاما نێچیرڤان بارزانى بۆ ده‌نگده‌ران
به‌ده‌ل گابێركى
هه‌ر ژ به‌رهندێ و گرنگییا ده‌نگێن وه‌لاتیان نێچیرڤان بارزانی ب رێیا ژمارە ١٨٣ کو ژمارا لیستا پارتی دیمۆکراتی کوردستانە، وەکو کورتە نامە ژبۆ ھێلێن وەلاتییان ھاتییە ھنارتن، پشتی لێدانا وێ ژمارێ، نێچیرڤان بارزانی ب سلاڤێ دەست پێ دکەت و دئاخڤیت و دبێژیت: ئەز نێچیرڤان بارزانی مە، جێگرێ سەرۆکێ پارتا دیمۆکراتا کوردستانێ، پشتی ھەلبژارتنا رۆژا ئێکشەمبێ، ھەرێما کوردستانێ پێدڤی ب حکومەتەکا ئارام و ئێکگرتی ھەیە، لەو ھەر دەنگەک بۆ پارتی وێ ئارامیێ زێدەتر لێ دکەت.
هه‌روه‌سا یا گرنگه وه‌لاتیێن هه‌رێما كوردستانێ پێكڤه بچن بۆ ده‌نگدانێ و هه‌موو كه‌س و كارێن خوه دگه‌ل خوه ببه‌ن و ب باشى د په‌یاما بارزانى بگه‌هن، ژ به‌ركو بارزانى باش دزانیت ئه‌گه‌ر حكومه‌ته‌كا بهێز نه‌بیت ل وى ده‌مى هه‌رێما كوردستانێ دێ د هاوكێشێن سیاسیى دا توشى چه‌ندین قه‌یرانان بیت و پێگه‌هێ خوه یێ بهێز ژ ده‌ستده‌ت و ئه‌گه‌ر به‌رێ خوه بده‌ینه رابۆرى هه‌رده‌مێ پارتى یا بهێز بیت كوردستان ژى یا بهێزه و باوه‌رنه‌كه حكومه‌ته‌ك بێى هه‌بوونا نێچیرڤان بارزانى بشێت خوه ل سه‌ر پێن خوه راگریت و بشێت هه‌رێما كوردستانێ ئاڤه‌دان بكه‌ت، ژ به‌رهندێ یا گرنگه هه‌موو وه‌لاتى خوه به‌رهه‌ڤ بكه‌ن و بچن ده‌نگى بده‌نه پارتى و هه‌ر ده‌نگه‌ك بۆ پارتى گه‌له‌كه و پارتى هه‌ده‌م و گاڤ منه‌ت یا ب ده‌نگێ وه‌لاتیێن خوه هه‌ى.
ل دوماهیكێ یا گرنگه وه‌لاتى ده‌نگێ خوه بده‌نه وێ پارتێ یا سه‌ركرده‌كێ مه‌زن و كاریگه‌ر وه‌كو نێچیرڤان بارزانى هه‌یه كو هه‌رێما كوردستانێ ب رێكا سیاسه‌تا خوه یا نه‌رم به‌ره‌ڤ كه‌ناره‌كێ ئارام بر، هه‌ر ژ به‌رهندێ ده‌نگێ خوه بده پارتى بۆ هندێ چ شازده ئۆكتۆبه‌رێن دیتر په‌یدا نه‌بن.
