سه‌ره‌دانا دهۆكێ و داوییا قه‌یرانێ
کارزان فەقێ
ئه‌ز چه‌ند دژى هه‌بوونا دوو زۆن و دوو ئیداره‌یان بم، لێ نه‌شێم وێ یه‌كێ ڤه‌شێرم كو بێ دوو دلى مه دوو زۆن و دوو ناوچه‌یێن ژ ئێك جودا ل هه‌رێما كوردستانێ هه‌نه، نكارم وێ یه‌كێ ڤه‌شێرم كو ده‌ستهه‌لاتداریا ڤان هه‌ردوو ده‌ڤه‌ران گه‌له‌ك ژ هه‌ڤدوو جودایه، سه‌ره‌راى كو رێژه‌یا خزمه‌تگۆزاریان دناڤبه‌را سنورێ سلێمانى و هه‌له‌بجه ب به‌راورد ل گه‌ل هه‌ولێرێ و دهۆكێ گه‌له‌ك جوداهى هه‌یه، ژ ڤێ یه‌كێ ژى سه‌یر تر كو بودجه‌یا سلێمانێ ژ سالا 2005 و تا نها ژ هه‌ردوو پارێزگه‌هێن دهۆك و هه‌ولێرێ پتر بوویه.. چونكى 43% بودجه‌یا هه‌رێما كوردستانێ هه‌تا سالا 2014 بۆ سلێمانیێ و ئیداره‌یا گه‌رمیان بوو و 57% ژى بۆ هه‌ولێرێ و دهۆكێ بوو، لێ دبینین ئه‌و كار و خزمه‌تگۆزاریا ل دهۆك و هه‌ولێرێ هاتییه كرن گه‌له‌ك پتر ژ وێ گهۆرینا ل سلێمانیێ هاتیه كرن، هه‌ر ژ به‌ر ڤێ یه‌كێ ژى ئه‌م دبینین ده‌نگێ نه‌رازیێ وه‌لاتیان ل سنورێ پارێزگه‌ها سلێمانیێ پتره ب به‌راورد ل گه‌ل ئاستێ نه‌رازیبوونێ ل هه‌ولێر و دهۆكێ، كه‌واته ئه‌ڤه هنده‌ك به‌لگه‌یێن كێمن كو ئه‌م بێژین ده‌ستهه‌لاتداریا پارتى د حكومه‌تێ دا گه‌له‌ك باشتره ژ هه‌موو ئالیێ، دى یێن سیاسى كو پشكدارى حكومه‌تێ بووینه.
داویا ڤێ كابینه‌یا حكومه‌تێ یه، لێ د داوى ته‌مه‌نێ خوه‌دا، ئاماژه‌یێن گرنك ژ بۆ نه‌ما قه‌یرانا دارایى ئه‌م هاى ژێ دبین، چونكى پێشتر هه‌موو پرۆژهیێن خزمه‌تگۆزارى یێن هه‌رێما كوردستانێ ب نێڤه‌رۆ مابوون و نه‌هاتبوونه ته‌مامكرن، لێ نها ئه‌م جاردن دبینین كو پتریا وان پرۆژه‌یان ده‌ستپێكریه‌ڤه و كار تێدا دهێته كرن، سه‌ره‌راى ڤێ یه‌كێ ژى حكومه‌تا هه‌رێما كوردستانێ ب پرۆژهیێن نوو دخوازیت وێ مزگینیێ بده‌ته خه‌لكێ كوردستانێ كو ئیدى ئه‌و قه‌یرانا بۆ ده‌ما چار سالانه هه‌یه، به‌ر ب دوماهیێ دچیت، داوى سه‌ره‌دانا نێچیرڤان بارزانى سه‌رۆكێ جڤاتا وه‌ز‌یرێن هه‌رێما كوردستانێ بۆ پارێزگه‌ها دهۆكێ و ڤه‌كرن و ده‌ستپێكرنا گله‌ك پرۆژه‌یان ژى به‌لگه‌یه ل سه‌ر وێ گۆتنێ كو حكومه‌تا هه‌رێمێ د بزاڤێن خوه‌یێن نه‌هێلانا قه‌یرانێ سه‌ركه‌فتى بوویه، ئێكه‌م پێنگاڤ ژى سه‌رۆكێ حكومه‌تێ ب گهۆرین د پاشكه‌فتا مووچه‌ى و كێمكرنا رێژا پاشكه‌فتێ ده‌ستپێكر و نها گه‌هشتیه راده‌یێ ده‌ستپێكرنا پرۆژهیێن مه‌زن یێن ستراتیژى و نه‌هێلانا پاشكه‌فتێ ب گشتى.
ده‌ستپێكرنا پرۆژه‌یا چێكرنا جۆت سایدا رێكا رۆڤیا- گۆپال كو رێكه‌كا ستراتیژى یه دناڤبه‌را هه‌ولێر و دهۆك ئێك ژ كارێن مه‌زن یێن حكومه‌تا هه‌رێما كوردستانێ یه و دێ بیته ئه‌گه‌رێ هندێ ئیدى كێمترین روودانێن هاتن و چوونێ ل وێ رێكێ روو بده‌ن، هه‌روه‌سا بازرگانیا سه‌ر وێ رێكێ ژى دێ خورت تركه‌ت و 20 خوله‌كا ژ وێ رێكێ كێم كه‌ت، درێژاهیا رێكێ 22 كیلۆمه‌تره و كوژمێ 80 ملیۆن دۆلار بۆ هاتییه ته‌رخان كرن، هه‌ر د سه‌ره‌دانا خوه دا نێچیرڤان بارزانى سه‌رۆكێ حكومه‌تێ تۆنێلا زاخۆ ڤه‌كر كو مه‌زنترین تۆنێله ل سه‌ر ئاستێ ئیراقێ و كره د خزمه‌تا وه‌لاتیان دا كو دێ روودانێن هاتن و چوونێ دناڤا گه‌لیێ زاخۆ دا و بزاڤا بازرگانیا نێڤ ده‌وله‌تى خورت تر لێ كه‌ت
