ھەرچەندە حکومەتا نھو و یێن بەرێ یێن ھەرێما کوردستانێ ب کاریگەریا پارتی دیموکراتی کوردستان و رێزدار نێچیرڤان بارزانی حکومەتێن پڕ دەسکەفت و خزمەتگۆزاری و سەروەری بووینە ، ئەڤەژی وێ چەندێ نیشان ددەت کۆ پارتی کەسایەتیەکێ شارەزا و بلیمەت د وارێن سیاسی و ئیداری و جڤاکی و دبلۆماسی دا بۆ سەرۆکاتیا حکومەتا ھەرێما کوردستانێ دەست نیشان کریە ، ئەوژی رێزدار نێچیرڤان بارزانی جێگرێ سەرۆکێ پارتی دیموکراتی کوردستانە .
راستە پارتی ستراتیژیەتا خۆ بۆ رێڤەبرنا حکومەتێ دادرێژیت ، لێ ئەگەر سەرۆکێ حکومەتا ھەرێما کوردستانێ خۆدان ئەزمۆن و شارەزایی و بلیمەت نەبا دڤان سالێن سەرۆکاتیا جەنابێ وی حکومەتا ھەرێما کوردستانآ خۆرا نەدگرت و خزمەتێن ھەژی پێشکێش نەدکرن .
چونکی دڤان سالاندا قەیران لدیف قەیرانێ بسەر ھەرێما کوردستانێ دا ھاتن ، ژلایێ سیاسی و ئابووری و لەشکری ، ئەم حزبێن دیتر یێن پشکداری حکومەتێ نە تنێ ھاریکاریا حکومەتێ نەکر ، بەلکی ئاستەنگ بۆ درست کرن و وێرەکا خۆ راگرتنێ بەرامبە ڤان قەیرانا نەبوو و خۆ ل حکومەتێ ڤەکێشان ، داکۆ ئەڤ حکومەتە بھێتە ھەلوەشاندن و گونەھا وێ بێخنە سوویێ سەرۆکێ حکومەتێ و پارتی ،
لێ ب شارەزایی و لێزانینا سەرۆکێ حکومەتێ ب سەرفیرازی ئەڤ ھەمی ئاستەنگە بڕین و ھەرێم ل مەزنترین پیلانا نافخۆیی و ھەرێمایەتی رزگار کر و سەر وێ چەندێ را تا راددەیەکی ژی پرۆژێن خزمەتگۆزاری ژی ئەنجام دان .
ئەڤرۆ ژی ھەرێما کوردستانێ بەرەڤ ھەلبژاردنێن گشتی دچیت بۆ پەرلەمانێ کوردستانێ . پێتڤی یە خەلکێ کوردستانێ بۆ دەست نیشانکرنا نوونەرێن خۆ بۆ پەرلەمانێ داھاتی لسەر بنەمایێ ھەلسەنگاندنەکا راست و دروست و ب ھەستەکا نەتەوی و نشتیمانی لرۆژا ٣٠ ئیلۆنێ بریاری بدەت و بزانیت کێ ھەرێما کوردستانێ پاراست و پێشڤەبر و کی خیانەت کر و ئاستەنگ لھەمبەر پێشڤەچوونا کوردستانێ درۆست کرن .
بێ شک ھەر کوردەکێ ب وژدان دزانیت ئەگە پارتی و رێزدار نێچیرڤان بارزانی نەبان ئەڤ دەسکەفتێن مە یێن نشتیمانی و قەوارێ سیاسی یێ ھەرێمێ ب گشتی دا ژناڤ چیت و پیلانا خیانەتکارا دا سەرگریت و خەلکەکێ نە کورد ئەڤرۆ دا ل ھەرێمێ دەسھەلات بن .
ژلایەکێ دیتر پێتڤی یە بزانین پارتی ب دەسھەلاتەکا سنووردا ل حکومەتا ھەرێما کوردستانێ ئەڤ ھەمی گاڤێن پێشڤەچوونێ بڕین و پیلان ژناڤ برن و سەروەریا کوردستانێ پاراست ، ئەرێ ئەگەر ل ھەلبژاردنێن داھاتی دا پارتی ل پەرلەمانێ کوردستانێ پڕانی بیت و بتنێ حکومەتا ھەرێما کوردستانَآ پێک بیت و رێزدار نێَچیرڤان بارزانی سەرۆکاتیا وێ بکەت ، دێ حکومەتەکا چەندا بھێز و پڕ حزمەتگۆزای بیت ، ژلایێ سیاسی و ئابووری و ئێمناھی ژی چەندین جاران لنھو دێ بھێزتر بیت و فاکتەرێ بەختەوەریا خەلکێ کوردستانێ بیت .
چونکی ئاڤاکرنا کوردستانەکا بھێز درۆشمێ پارتی یە بۆ ڤان ھەلبژاردنا و ب رژی دێ کارکەت بۆ بجە ئینانا کارنامەیا خۆ و ئاستەک لھەمبەر ناھێنە دروست کرن ،
لڤان کاربینێن حکومەتا ھەرێما کوردستانێ بسەرۆکاتیا نێچیرڤان بارزانی ، و پشکداریا پارتیێن کوردستانی یێن ژلایەکی پشکدار دحکومەتێ دا و ژلایەکێ دیتر ئۆپۆزسیۆنێن ھەڤرک ، سەرەرای ھەمی ئاستەنگا ، سەرۆکێ حکومەتێ شیایە ھەرێما ب پارێزیت و ب ھێز بکەت ، پا ئەگەر پارتی ب ئێک لایەنی حکومەتێ پێک بینیت دێ چەندین جاران زێدەتر ھەرێما کوردستانێ بھێزتر کەت و حکومەتەکا پڕ خزمەتگۆزاری و ئاڤەدانی و ئێمناھی بیت و سەروەریا کوردستانێ دێ ھێتە پاراستن ، ژلایێ دادوەریێ و چاکسازیان ژی ، پرۆژێ سەرۆکێ حکومەتێ بێ ئاستەنگ دێ ھێتە بجە ئینان کۆ ھیڤیا ھەرە پێشینەیا خەلکێ ھەرێمێ ، چونکی ھندەک حزبێن کوردستانی بۆ پاراستنا بەرژەوەندێن خۆ و موزایدێن سیاسی ب ئاشکرا دژی پرۆژێ چاکسازیێ سەرۆکێ حکومەتێ بوون .
بێ دوودلی و د پشت راستین کۆ ئەگەر پارتی ب ئێک لایەنی شیا حکومەتا داھاتی یا ھەرێما کوردستانێ پێک بینیت و رێزدار نێچیرڤان بارزانی سەرۆکایەتیا وێ بکەت ، دێ حکومەتەکا بھێز و پڕ دەسکەفت و سەروەری بیت و بەرنامە و ستراتیژیەتا پارتی چ یا ڤان ھەلبژاردنان یان یا گشتی لدەمەکێ ھەرە زوو دێ ھێتە بجە ئینان . ئەوژی بنەمایێن نەتەوی و نشتیمانی و بەختەوەریا خەلکێ کوردستانێ و چەسپاندنا یاسایێ و دادوەریێ و وەک ھەڤیێ گەشەبوونا ئابووری و جڤاکی یە . لەوما گرنگە خەلکێ کوردستانێ لڤان ھەلبژارتنان ب دووربینیەکا نەتەوی و نشتیمانی و لبەرچاڤگرتنا پاشەرۆژەکا گەش بۆ داھاتی بچیتە سەر سندوقێن دەنگدانێ و دەنگی ب لیستا پارتی یا ١٨٣ و کاندیدێن وێ بدەت داکۆ نەخۆشی و نەھامەتیێن ئابووری و سیاسی و جڤاکی یێن ئابووری دووبارە نەبنەڤە و کوردستانەکا بھێز بھێتە ئاڤاکرن .