ئه‌گه‌ر به‌رێ خوه‌ بده‌ینه‌ پرۆسه‌یا هه‌لبژارتنان ل سه‌رانسه‌رى جیهانێ پرۆسه‌یه‌كا دیموكراسیه‌ و وه‌لاتى بریارێ دده‌ن كا دێ كى وان پرێڤه‌به‌ت و خزمه‌تا وان كه‌ت ئه‌ڤ چه‌نده‌ژى بوویه‌ مودێله‌ك ل پرانیا وه‌لاتێن دیموكراسى و پێشكه‌فتى یا گرنگه‌ ئه‌م بزانین كو هه‌رێما كوردستانێ ژى یا ڤه‌ده‌ر نینه‌ ژ وێ پێشكه‌فتن و دیموكراسیه‌تێ.
بێ گومان هه‌موو پارتێن سیاسى بۆ هه‌لبژارتنێن ئه‌ڤ ساله‌ دێ پتر هه‌ڤركیێ كه‌ن بۆ زێده‌كرنا كورسیكێن خوه‌ ل په‌رله‌مانێ كوردستانێ بۆ هندێ بشێن حكومرانیا چار سالێن بهێت بۆ خوه‌ مسۆگه‌ر بكه‌ن، لڤێره‌ یا گرنگه‌ ئه‌م بزانین كو پترییا پارتێن هه‌رێما كوردستانێ ئه‌گه‌ر ژناڤ نه‌چوو بن یێن لاواز بووین گه‌له‌ك، ئه‌وژى پشتى هه‌لویست و كریار و سۆزێن وان بێ بنه‌ما ده‌ركه‌فتین به‌رامبه‌رى وه‌لاتیێن هه‌رێما كوردستانێ بۆ نموونه‌ خیانه‌تا مه‌زن یا 16ى ئۆكتۆبه‌رێ كو چ جارا نه‌ وه‌لاتى و نه‌ مێژوو ژ بیرناكه‌ت.
هه‌روه‌سا ئه‌گه‌ر ئه‌م بهێین به‌رێ خوه‌ بده‌ینه‌ پارتى دیموكراتى كوردستان كو هێزا ژماره‌ ئێكه‌ ل هه‌رێما كوردستانێ و عیراقێ دێ بۆ هه‌لبژارتنێن بهێتژى هه‌ر وه‌كى خوه‌ مینیت بێ هه‌ڤرك هه‌تا چاڤدێرێن بیانى و ناڤخوه‌ ژى ئاماژێ بهندێ دكه‌ن كو پارتى نه‌ك، به‌س دێ مینیت ژماره‌ ئێك، به‌لكو پارتى بۆ هه‌لبژارتنێن ڤێ خولێ پارتى دێ سۆپارایزان پێشكێشى لایه‌نێن سیاسى كه‌ت ب زێده‌كرنا ده‌نگێن خوه‌ و ژمارا كورسیكێن خوه‌.
هه‌روه‌سا ئه‌گه‌ر ئه‌م بهێین به‌رێ خوه‌ بده‌ینه‌ گوتنێن نێچیرڤان بارزانى ده‌مێ ئاماژه‌ بهندێ كرى كو دڤێت هوین د پشت راست بن سه‌ره‌راى هه‌موو ئاسته‌نگان هوین و پارتى دێ گه‌هنه‌ كوپیتكا سه‌ركه‌فتنێ دیسان پارتى هه‌موو ده‌مان دگه‌ل گه‌لێ خوه‌ بوویه‌ و ده‌مێ بارزانى گوتى: ئه‌م چ جارا خوه‌ بۆ دۆژمنان ناچه‌مینین، به‌لێ هزار جارا دێ خوه‌ بۆ گه‌لێ كوردستانێ چه‌مینین!
بۆچى پارتێن سیاسى شیانێن هه‌ڤركیێ دگه‌ل پارتى نینن، ژبه‌ركو پارتى هه‌موو هێزا خوه‌ بۆ پاراستنا هه‌رێما كوردستانێ د مه‌زێخیت و رێكێ ناده‌ت چ لایه‌نێن ده‌ره‌كى و ناڤخوه‌یى ببنه‌ مه‌ترسى ل سه‌ر هه‌رێما كوردستانێ به‌رامبه‌ر یا رووهن و ئاشكرا بوو ل ده‌مێ مه‌ترسى ل سه‌ر هه‌رێما كوردستانێ ب هه‌موو شیانێن خوه‌ پشته‌ڤانیا دژمنان دكر بۆ ژناڤبرنا هه‌رێما كوردستانێ بگره‌ ب هێزا خوه‌ ب راگه‌هاندنا خوه‌ هه‌ر ئه‌ڤه‌یه‌ جوداهى كو هه‌رده‌م پارتێن دیتر نه‌شێن هه‌ڤركیێ دگه‌ل پارتى بكه‌ن.
ل دوماهیكێ یا گرنگه‌ ئه‌م بزانین كو پارتى به‌رده‌وام بزاڤان دكه‌ت كو هه‌رێما كوردستانێ رۆژ بۆ رۆژێ به‌ره‌ڤ سه‌ربه‌خوه‌بوونێ بچیت و یا ئاڤه‌دان بیت و دیسان جهه‌كێ ئارام بیت بۆ ته‌ڤایا جیهانێ، هه‌ر ژ به‌رهندێ یا گرنگه‌ بۆ ئه‌ڤرۆكه‌ و داهاتیێ هه‌رێمێ هه‌ر پارتى ژماره‌ ئێك بیت.