لدیف پیڤەرێن جوگرافی ، نەتەوی ، جڤاکی و کلتۆری ، کوردستان و عیراق ژێک جودا ، ئەڤ پێکڤە گرێدانە ، گرێدانە نە سرۆشتی و بێ ڕەزامەندی بۆیە ، لدیڤ بەرژەوەندێن دەسھەلات و زل ھێز و داگیرکاران بۆیە بەری سەد سالا .

ئەگەر ژلایێ جوگراڤی ھەرێما کوردستانێ و عیراقێ بینینە بەرئێک ، ھەر کەسەک دزانیت سرۆشتێ چیایی و فێنکێ کوردستانێ دکەل گەرم و بیابانێن عیراقێ ئێک ناگرن ، ژلایێ نەتەوی ژی کوردا سەربەخۆیا تەمام ھەیە ، ژلایێ زمان و جل و بەرک و داب ونەریتا ، ژلایێ جڤاکی ، نە تنێ جڤاکێ کوردستانی و عیراقێ دگەل ئێک ناگونجن ، بەلکی دوو جڤاکێن ھڤ دژن و ھەر ئێک ب ئاراستەیەکی دچیک .
چەندین سالە ملەتێ کورد و سەرکردایەتیا سیاسی یا کوردستانێ ب رێبەریا پارتی دیموکاتی کوردستان و بارزایێ نەمر و پاشان سەرۆک مەسعود بارزانی و نێچیرڤان بارزانی سەرۆکێ حکومەتا ھەرێما کوردستان ، ڤێ راستیێ بۆ جیھانێ بەرچاڤ دکەن کو مەحالە ئەڤ ھەردوو نەتەوێن ژێک جودا بێ ڕەزامەنی پێکڤە بژین ..! مخابن ژبەر بەرژەوەندێن سیاسی گوھداریا داخازی و پانگەوازیا کوردان نەھاتە کرن .
نھو پشتی بۆرینا سەد سالان ، ھەتا رادەیەکێ ئەڤ راستیە بۆ پشکەکا جیھانێ دیار بۆیە .
دیاربۆ کو ملەتێ کورد ، مڕۆڤ دووست و ئازادێخوازن ، چڤاکێ کوردستانێ چڤاکەکێ ئاشتیخواز و لێبۆرێنێ و پێگەھاندکارێن سەرکردێن پاشتیخواز ومرۆڤ دۆستە . سەرکردێن مە ھەلگرێن پەیام و میدالیێن ، ئاشتیێ و پێکڤە ژیانێ و لێبۆرینێ نە ، سەرکردێن وان ھەلگرێن پەیامێن توند ڕەویێ و ڕەگەز پەرستیێ و ھۆڤاتیێ نە .
ملەتێ کورد و پێشمەرگەھێن کوردستانێ ،بسەرپەرشتیا سەرۆک بارزانی تیرۆرا جیھانی شکاند و بەرەڤ نافچۆنێ بر ، جڤاک و سەرکردێن عیراقێ ، تیرۆر دژی مرۆڤاتیێ و ئاشتیخوازیێ دامازراند و چەک و جەبلخانێن لەشکرێ دەولەتا عیراقێ رادەستی ترۆرستێن داعش کرن .
( اللە اکبر ) و باوەرداریا مە ، دناڤ دلی دایە و بۆ ئاشتیێ و پێکڤە ژیانێ و چاکسازیێن جڤاکی یە ، اللە اکبر )ا وان بۆ خاپاندنا خەلکی لسەر ئاڵای دانایە و کوشتنێ و سەربڕینێ و تاڵانێ و وێرانکرنێ بن سیبەرا وێ ( اللە اکبر ) رێ را ئەنجام ددەن .
بن سیبەرا دەسھەلاتا حکومەتا کوردا ، ئاڤەدانی و ڤەژاندن دھێتە کرن و ئێمناھی بەڵاڤ دبیت ، دبن سیبەرا حکومەتا عەرەبێن عیراقێ ، برس و وێرانکاری و ترس و لەرزە ، خەلکێ لسەر دەریای ، ب تێھناتی دھێلن و پایتەخت کریە چەپەلترین و ب ترسترین باژارێن جیھانێ .
جڤاکێ کوردستانێ مێڤان و گەشیارێن عەرەب ب گوڵ و نێرگز و ھەلال و بەیبوون و ب گرنژین د زڤرینتەڤە ناڤ کەس و کار و جھـ و جھـ واران .
جڤاکێ عەرەبی لەشێن گەنج و کاسبکارێن کورد ب سەر بڕی و بێ سەروو شوین و ووندا دکەن و بەھی و شینیێ دناڤ ماڵباتێن واندا بەڵاڤ دکەن .

حکومەتا ھەڕێما کوردستانێ ب شیانێن مادی یێن سنووردار بەرنامە و پلان و ھەوێن ئاڤەدانیێ دبەردەوامن ، دناڤ حکومەتا عەرەبیا عیراقێ سەرەرای مەزنترین شیانێن ماددی ، پلان و بەرنامێن گەندەڵیێ و وێرانکرنێ و برسیکرنا خەلکی د بەردەوامن .
ھەڕێما کوردستانێ خودان و ژێدەرێ بریارێن خۆ یێن سەربخۆیە ، لایەنێ دیتر جێبجێکارێن پلان و بریار و بەرنامێن وەلاتەکێ دەرەکی یە .
لڤێرە ئازادی و دیموکراسی و ئێکتر قەبۆلکرن یا بەرقەرار و چەسپاند یە ، ل وێرا ھەنە ، خۆ سەپاندن و ژناڤبرنا ھەزرێن جودا د بەردەوامن .

ئێرە وەلاتێ رۆژ و رووناھیێ یە ، وێرێ وەلاتێ شەڤ و تاریاتیێ و ترسێ یە .
. ب ھەمی رەنگا کوردستان و عیراق ، دوو وەلات ، دوو جڤاک و دوو کلتوورێن ژێک جودانە و ئەڤ پێکڤە گرێدانا بزۆری فاکتەرێ کارەسات و نە ئارامیێ نە و مانەڤا بڤی رەنگی نە خزمەتا دەڤەرێ دکەت ،

نەژی ئارامیی و تەناھی بەرپا دبیت . د بەرژەوەندا وەلاتێن دیموکراستخواز و مرۆژڤ پەروەر و جڤاکێ نیڤ دەولەتی دایە ، ئەڤرۆ بەری سوباھی کوردستان سەرخۆبوونا خۆ وەربگریت ، داکۆ رۆژا گەشا سەر ئالایێ کوردستانێ ، رووناھیێ بدەتەڤ ھەمی رەڤەرا رۆژھەلاتا ناڤین و دەولەتا کوردستانێ ببیتە بنگەھێ ئاشتیێ و دیموکراسیێ و مافێ مرۆڤ و پێکڤە ژیانێ .

ئەزمۆنا ڤان سالان یا ھەرێما کوردستانێ ئەڤ چەندە چەسپاندی یە و خۆیا کریە .