سه‌رۆكێ حكومه‌تێ و نه‌هێلانا قه‌یرانان
به‌ده‌ل گابێركى
لڤێره یا گرنگه بزانین كو سه‌رۆكێ حكومه‌تێ نێچیرڤان بارزانى هه‌رده‌م ب كریار كار كرینه و چ جارا كار و كریارێن خوه یێن مه‌زن بكار نه‌ئیناینه بۆ كومكرنا چه‌ند ده‌نگه‌كان و نه ب بۆچوونا من ب تنێ، به‌لكو ب بۆچوونا پترییا ره‌وشه‌نبیران و سیاسه‌تڤان ل سه‌ر ئاستێ جیهانێ و نافخوه ب زه‌لامێ ژناڤبرنا قه‌یرانان هاتیه نیاسین.
لڤێره یا گرنگه وه‌لاتى باش بزانن و باش دزانن كا كى ب درستاهى دێ هه‌رێما كوردستانێ پارێزیت و به‌رگریێ كه‌ت و 16ى ئۆكتۆبه‌رێ و فرۆتنا كه‌ركووكێ شاهدن كو ئێدێ ژبلى پارتى كه‌س نه‌شێت ڤى ملله‌تى پارێزیت و هه‌ر ئه‌ڤ چه‌نده‌یه بوویه ئه‌گه‌ر ئه‌ڤرۆكه هه‌موو پارتێن سیاسى، ژ هه‌لبژارتنان دترسن و ب ئاشكرایى دبێژن ده‌م نه‌یێ گونجایه، ئه‌و بخوه ده‌م یێ گونجایه و چ ئاریشه نینن، به‌س ده‌م بۆ وان نه‌یێ گونجایه و وان چ سه‌نگ ل ده‌ڤ وه‌لاتیان نه‌مایه و هه‌تا باوه‌رییا لایه‌نگرێن وانژى پێ ناهێت و حه‌زناكه‌ن ده‌نگێ خوه بده‌نێ.
چ وه‌رقێن بهێز نه‌ماینه دده‌ستێن وان دا چ دره‌و نه‌مان ئه‌و بكه‌ن بۆ وه‌لاتیان، ژبه‌ركو وان دگوتن ئه‌مین پارێزه‌رێن كوردستانێ قودسا كوردستانێ فرۆت هه‌ر ل وى ده‌مى چاوا وان دل و هه‌ستێن خه‌لكى شكاندن ئاها هوسان ئه‌وژى شكه‌ستن، به‌س دلێ وه‌لاتیان ب روومه‌ت شكه‌ست و دلێن وان ب شه‌رمزارى و روره‌شى شكه‌ست ئێدى نه‌شێن چ جارا سه‌رێ خوه هه‌مبه‌رى مێژوویێ بلند بكه‌ن.
ل دوماهیكێ ترسا پارت و لایه‌نێن سیاسى ئه‌وه كو پارتى پێنجى زاید ئێك بینیت، هه‌ر ژ به‌رهندێ ئه‌و دبێژن ده‌م نه‌یێ گونجایه بۆ كرنا هه‌لبژارتنان، یا هه‌موو وه‌لاتى دزانن ئه‌وه كو سه‌رۆكێ حكومه‌تێ چیرۆكه‌كا باش بۆ ژناڤبرنا قه‌یرانان هه‌یه ب كریار نه‌ك گوتنێن بێ كریار وه‌كو هنده‌ك لایه‌نێن دیتر.
