ل ڤان دوماھیکان چەندین لایەنێن سیاسی و سەرکردێن وان بۆ کومکرنا دەنگان ئاراستەیێ رەخنەیێن خوە گوھارتینە بۆ حکومەتا ھەرێما کوردستانێ و ھەر ئەو بخوە خودان بلندترین پۆستن دناڤ حکومەتێ دا یا سەیرە کەسەک بخوە خودانێ مالێ بیت و دەمێ ژ مال دەر بکەڤیت ژنوی رەخنەیێن خوە بۆ مالا خوە ئاراستە بکەت، ئەم ھەمی باش دزانین ئەرکێ حکومەتێ خزمەتکرنا وەلاتیانە و کەس نەشێت خزمەتکرنێ بکەتە منەت ل سەر وەلاتیان و کەسێ ژی دەستێ کەسێ نەگرتیە بۆ خزمەتکرنا وەلاتیان.
ئەرێ چەندا گرنگە کەسێن ژ ھەژی بۆ جھێن ھەژی بن، بەس مخابن گەلەک جارا، ھندەک کەس دچنە ھندەک جھان نە ژبەرکو د ھەژینە، بەلکو کورێ فلان کەسییە ئەڤ چەندەژی زۆلمەکا مەزنە ل وان کەسێن خودان شیان، ئەرێ چەندا درستە و دجھێ خوەدایە کەسەک ژ ئەمریکا بھێت ببیتە دەستھەلاتدار و برایێ وی ژی ژ بریتانیا ھات بیت و کەرکووکێ ب چەند دینارەکان بفرۆشیت، ھەر ژ بەرھندێ ئەز ھەردەم دبێژم نە ھەرکەسێ زمانێ ئینگلیزی زانی ئەو خوەش مرۆڤە، بەلکو ھندەک دبنە خاکفرۆش!
ھەروەسا ئەڤ گوتنە و رەخنەیێن ل حکومەتێ دھێنەکرن، ئەگەر وەلاتی بن تشتەکێ ئاسایی یە، بەلێ ئەگەر ژ لایێ کەسەکی ڤە بیت ئەو بخوە باش دزانیت کو ئەو نە ل جھێ خوە یێ درستە و ئەگەر کورێ فلان کەسی نەبا! ئەو چ جارا نەدھاتە وی جھی، بەلکو دبیت وەکو ھەر دەرچوویەکێ زانکۆیێ وەکی جەنابێ وی ئاماژە پێکری ل بەر کافیەکێ یان ل مولەکێ کار کربا.
دێ فەرموون ھەموو داھاتێ سلێمانیێ بینن بدەنە خەلکی ل جھێ بدەنە گوران و چەندین مولان ڤەکەن و دەرچوویێن زانکو و پەیمانگەھان بدەنە کاری.
بێ گومان دەمێ جێگرێ سەرۆکێ حکومەتێ لێدوانەکێ بدەت یا بێ مەبەست نینە، ئانکو ب رێکەکا نە راستەوخوە بەنگەشەیا ھەلبژارتنان دکەت و دڤێت ب رێکا ڤان لێدوانان سەنگا پارتا خوە بزڤرینیت و ١٦ی ئۆکتۆبەرێ ژ بیرا خەلکی ببەت، بەس تاکە رێک ئەوە بکەرێن خیانەتا مەزن یا ١٦ی ئۆکتۆبەرێ ژ بیرا خەلکی ببەن و سزادانا بکەرێن وێ خیانەتا مەزن و شەرمزارکەرە ب تنێ جەنابێ جێگرێ سەرۆکێ حکومەتێ ب ڤێ رێکێ دشێت دەنگێن خوە زێدە بکەن، ئەگەر نە دێ ١٦ی ئۆکتۆبەرێ ھەر مینیت خیانەتەکا نەژبیرکری!

ل دوماھیکێ ھەموو وەلاتی باش دزانن کو سەرۆکێ حکومەتێ نێچیرڤان بارزانی تاکە سەرکردەیە کو شیایە ھەرێما کوردستانێ ژ چەندین قەیرانێن مەترسیدار رزگار بکەت و چەندین خزمەتگوزارییان پێشکێشی وەلاتیان بکەت.