ئه‌گه‌ر گوهداری پارتی ببان چ دا روودت؟
شڤان سالم گولی
لێ خوشبه‌ختانه خوه‌راگری و سنگ پیلابوونا هێزێن پیشمه‌رگێن پارتی و بێهن فره‌هیا سه‌رکردایه‌تیا پارتی لسه‌ر چه‌وانیا سه‌ره‌ده‌ری کرنێ دگه‌ل بارودوخا شیان کونترولا بارودوخا بکه‌ن و ره‌وشێ هێدێ هێدی به‌ر ب ئارامیێ ببن و نه‌هێلن ئه‌و خه‌ونا دوژمنا درێکا هنده‌ک کالفاما دا راچاندی ببته راستی،،،،
پشتی ده‌ستنیشان کرنا روژا هه‌لبژاردنا بو ئه‌نجومه‌نێ نوینه‌راتیا ئێراقێ کو ل روژا 12/5/2018ێ بو پارتی پشتی کو ژ ئه‌قلیه‌تا حکومرانیا ئێراقێ بێ هێڤی بووی چه‌ند بژارده‌یه‌ک خستن به‌رسنگێ هێزێن کوردی ژوان 1/ بایکوتکرنا هه‌لبژاردنێن ئه‌نجوومه‌نێ نوینه‌رێن ئێراقێ 2/یان بایکوت کرنا هه‌لبژاردنا له که‌رکوکێ کو د باوه‌را پارتی دا باژیره‌کێ کوردستانی یێ داگیرکری یه و هیچ شه‌فافیه‌ته‌ک لژێر ره‌حما هێزا چه‌کدارا ئێراقی د هه‌لبژاردنا دا نابیت ئه‌ڤه سه‌ره رای هندێ کو به‌شدار بوون ل که‌رکوکێ دان نانه ب ره‌ویه‌تیا داگیر کرنا که‌رکوکێ دیسان ل هه‌مبه‌ر ڤان دوو بژارده‌یا بژاردێن دی ژی پارتی هه‌بوون ژوان( به‌شدار بوونا هه‌موو هێزێن کوردی ب یه‌ک لیست د هه‌لبژاردناندا ب مه‌ره‌ما بهێزکرنا پێگه‌ها کوردا ل به‌غدا)،،( به‌شدار بوونا هه‌موو هیزێن کوردی ل که‌رکوکێ ب یه‌ک لیستی )لێ مخابن هه‌ر زوی هنده‌ک حزب و لایه‌نان بگره زوربه‌یا وان سه‌رجه‌م پێشنیارێن پارتی ره‌دکرن و بگره هنده‌ک ئالی هه‌ر پێشه‌نگ بوون دچوونا به‌غدا و راگه‌یاندنا لیستێن خوه‌دا و بوونه ئه‌گه‌رێ په‌رته‌وازیا ناڤ مالا کوردی هه‌ر وه‌ک چه‌وا به‌رده‌وام ئه‌رێن ڤێ په‌رته‌وازیێ بوونه هه‌لبه‌ته ب خه‌ونا ڤان ئالیا پارتی ئێدی ئه‌و هێزا کاریگه‌ر نینه ل ناوچێ و هه‌موو هزرا وان ئه‌و بوویه کو ئێدی پارتی پایه‌یا خوه یا جه‌ماوه‌ری ژ ده‌ست دایه و ئێدی کوردستان و سه‌رکێشیا وێ بو وان ئالیا پارویه‌کێ ئاسانه و دێ قوت دن له‌ورا پارتی وه‌ک هێزه‌کا کاریگه‌ر ژ سونه‌گه‌یا هه‌ست کرن ب به‌رپرسیاریه‌تیێ نه‌چار به‌شداری هه‌لبژاردنێن ئه‌نجوومه‌نێ نوینه‌رێن ئێراقێ کر لێ ب هیچ ره‌نگه‌کی رازی نه‌بوو ل که‌رکوکا داگیر کری ل ژێر ئالایێ ئێراقێ و ره‌حما داگیرکه‌را به‌شدار هه‌لبژادنا بیت و بایکوتا وێ کر،،
پشتی راگه‌یاندنا ئه‌نجاما ئه‌و خه‌ونا حێشترا بو گه‌له‌ک ئالیێن دژی پارتی نه‌بوو راستی و جه‌ماوه‌رێ پارتی جاره‌کا دی پارتی ب سه‌نگه‌کا ب هێزتر ئینا مه‌یدانێ و پارتی ب هێزا یه‌که‌م وه‌کی جارا هاته ده‌ستنیشان کرن ،،ئه‌ڤێ یه‌کێ کارڤه‌دانێن جودا جودا لسه‌ر حزبێن بناڤ هه‌ڤکویفێن پارتی کرن و هه‌ر زویکا توشی هێستریاکا بهیز بوون له‌ورا ژی دیسان وه‌کی جاران سیگنالا خوه خستن سه‌ر پارتی ب ئه‌نجام دانا ساخته‌کاریێ تومه‌تبار رکن لێ پارتی هه‌ر زوی ره‌زامه‌ندیا خوه لسه‌ر هه‌ژمارکرنا ده‌نگا ب ده‌ستی ده‌ربری بو رازیکرنا لایه‌نێن سکالا هه‌ین ،،،ئه‌ڤ ئه‌نجامێ هه‌لبژاردنا و نه‌رازیبوونا ژ ئه‌نجاما ژ لایێ زوه‌ربه‌یا حزبێن دیار کری ڤه پێنگاڤه‌کا دی خست لسه‌ر په‌رته‌وه‌ازیا لیستێن کوردی،،کو مه نه‌ڤێت بچین دناڤ وه‌رده‌کاریاندا...
ئه‌وا جهێ باسکرنێ یه ئایا ئه‌گه‌ر لایه‌نێن کوردی گوهداری پیشنیارا پارتی ببان د هه‌ر دوو بژاردێن دابه‌زینا ب یه‌ک لیستی یان ژی بایکوت کرنا ب هه‌ڤرایی چ روددا؟
گه‌ر هنده‌ک باش سه‌رنجا خوه بده‌ین بژادا ئێکه‌م :
ئه‌گه‌ر هه‌موو هێزێن کوردی بایکوتا هه‌لبژادرنا کربا ئه‌ڤه دا بیته کارته‌کا فشارێ یا ب هێز د ده‌ستێ کوردان دا بو جێ به جێ کرنا خواستێن وان و مل که‌چ بوونا ئێراق بگره هێزێن نیڤ ده‌وله‌تی و هه‌رێمی ژی ب خواستێن کوردا چونکی بایکوت کرنا هه‌لبژاردنا ژ لایێ کوردانڤه ئانکو بێ بنه‌ما بوونا هه‌ر هه‌لبژاردن یان هه‌ر حکومه‌ته‌کا بهێت هه‌لبژاردن ل ئێراقێ چونکی ل گور ده‌ستورێ ئێراقێ کورد هه‌ڤ پشکێن سه‌ره‌کی نه د حکومه‌تا ئێراقێ دا و هه‌ر حکومه‌ت بێ کوردا هیچ شه‌رعیه‌ته‌کا خوه نینه
بژاردا دوویێ : به‌شدار بوونا هه‌موو هیزێن کوردی ب یه‌ک لیست:
ئه‌وا دیار سه‌ر جه‌مێ ژمارا کورسیێن کوردا ن هه‌موو لیستێة خوه‌ڤه ب ده‌ست خستین (58) کورسینه کو ئه‌گه‌ر ب یه‌ک لیست بان ئه‌ڤ ژماره دویر نینه گه‌هشتبا (60-61) کورسیکا کو هیچ لیسته‌کا ئێراقی خوشبه‌ختانه ژمارا کوردسیێن وان ژ 53-54 کورسیان تێپه‌ر نه‌بووینه ئه‌ڤه ئانکو ب یه‌ک لیستیا کوردا کورد دشیان ببن مه‌زنترین کوتلا په‌رله‌مانی و نها هه‌موو ئه‌و هێزێن ل به‌غدا روویێ وان دا ل کوردا بیت و هه‌ولێر دا بیت قیبله‌یا سیاسیا هه‌موو وان هێزێن نها ل به‌غدا خوه ب براوه دزانن کو ئه‌ڤه بخوه ژی دیسان خال و سه‌نگه‌کا دی یا ب هێز دبوو ژ بوی کوردا بو ب ده‌ست ڤه ئینانا خواسته‌کێن خوه
لێ مخابن په‌رته‌وازه‌یی و کورسی و پوست ویستنا هنده‌ک هێز و لایه‌نا نه‌هێلا ئه‌ڤ ده‌سته‌که‌فته ژی بده‌ست کوردا ڤه بهێت و جاره‌کا دی کورد ب په‌رته‌وازه‌یی دێ به‌ره‌ف به‌غدا ڤه چن...
