کاتێک پەرتووکی کوردەکانی عێراق (the Kurds of Iraq) لە نوسینی ئۆفرا بێنگیۆ (Ofra Bengio) لە بارەی ململانێی کورد لەگەڵ حکومەتی ناوەندی لە رژێمەکانی پێشووتر و بە تایبەت بەعسی گۆڕبەگۆڕ و بە تایبەت پێش ١٩٧٥، دەخوینی وادەزانی دوێنێ و ساڵانی ٢٠٠٣ و دواترە. زۆر سەیرە. ئەکتەرەکان و سیناریۆیەکانی کوردستان و عێراق و ناوچە و جیھان. ھەر کەس وا دەزانێ مێژوو وەک رووبار وایە و دێت و دەڕوات و دووبارە نابێتەوە گەورەترین درۆزن و دیارترین گەمژە و نەزانە. زۆر سەیرە ئەو کات منداڵ بووین ئێستا چی؟!
لە بەغدا ناوی دیکە ھەر جار ھەمان تاوان دژی کورد دەکەن و کەسانی دیکە بۆیان دەبن بە بەھانە و پشت و پشتەوان، چ لە کوردستان و ناوچە و جیھان، و ھەر جار جینۆسایدی کورد لەبن پەردەی "بابەتێکی ناوخۆیی" شاردراوە، و دوایێن فڕت و فێلیش بەناو"حۆکمی زاتی" بوو، کە وەک تەکتیکەک بۆ رۆاندنی خەڵکی دڵسَۆز لە دەوروبەری سەرکردەیەکی کارێزمایی وەک بارزانی نەمر، بەکارھات.
زۆر سەیرە ھەمان ئەو رەفتارانە ئەمرۆ لە ھەمان ئاراستەدا و بۆ ھەمان مەبەست لەگەڵ جەنابی سەرۆک بارزانی دەکرێت، و تەنھا ئەکتەر و ناوەکانیان گۆڕاوە، کەچی فەلسەفەی ئەو کارە ھەمووی وەک خۆی ماوە و بزاڤی بندەستکردنی کورد و کوردە جاشەکان ھێشتان خەوالوون و گۆێە گرانەکانی توانی بیستنی مۆسیقای ئەنفالێکی دیکەیان نیە. ھێشتان کورد فێری خوێندنی مێژوو و فێربوون لەو مامۆستایە نەبووە، و باجی ئەم نەزانیە ھەر جار لە جاری پێشتر گرانتر بووە. ئەم وانە وەرنەگرتنە، چ ئەوانەی دۆستن و چ ئەوانەی ناحەزن، بەشێکە لەو چەمکەی کە عەلی وەردی بە وشەی " مەھزەلەی عەقڵی مرۆڤ" ناوی دەبات. باجی ئەو مەھزەلەیە ھەمیشە بۆ کورد قۆرس بووە.
سەرچاوە: بینیغو، ڕوفرا (٢٠١٤): کُرد العراق: بناء دولە داخل دولە، گ.١، دار الساقی مع دار آراس للنشر، ڕربیل: اقلیم کوردستان العراق، ٤٣٢ ێ.