پشتی خیانەتا ۱٦ی ئوکتوبەرێ و دەست بەردانا سەروک بارزانی ژ پوستێ سەروکاتیا هەرێمێ ئەو پوستێ کو زوربەیا هەر زور یا حزب و لایەنێن سیاسی هەم وەسا هزر دکر ن و هەم ژی هەموو هەولێن خوەدابوون کو ئەمریکا و روژئاڤا ژی بینن سەر وێ باوەریێ کو بارزانی رازی نینە دەستا ژ کورسیکا سەروکاتیێ بەردەت و رێفراندوم ژی تشتەک نینە ژ بلی کو بارزانی بو مانا سەر کورسیکێ خوە پێڤە بەستی..!!
لێ ئەوا هەم بو ئەمریکا و هەم بو روژئاڤا و بگرە هێزێن هەرێمێ و ناڤخویێ ژی دیار بووی تەواو پێچەوانەی بوچوونێن وان حزب و لایەنان دەرکەت و بارزانی مکوڕ ما لسەر ئەنجام دانا ریفراندومێ و گەلەک ب ئاشتیانە ژی دەست ژ کورسیکا سەروکایەتیا هەرێمێ بەردا
ڤێ چەندێ و پرت و بەلاڤ بوونا حزبێن باشور و کەفتنا زوربەیا وان ژێر باندورا سیاسەت و. ویستێن ئیرانێ بەرگریا بێ وێنەیا پێشمەرگێن سەر ب پارتی ل زوممار و پردێ و رازی نەبوونا پارتی بو زڤرینا ناڤ کەرکوکێ ب بێ ئالا و کەرامەتا کورداو دیسان بێ دەنگیا بارزانی لسەر وان هەموو ئالوزیێن رو ددن کو هەموو د پێشبینی کری بوون و چەندین جار جەنابێ وێ ئاماژە پێ دابوون هەم ل روژئاڤا و هەم ل باشور ئەڤە هەموو وێ راستیێ ددن دیار کرن کو دنها دا ئەمریکا جارەکا دی ب سیاسەتا خوەدا چوویە ڤە و گرنگی و پێگەیا سەروک بارزانی باشتر بو وان دیار بوویەئەڤە ژ بلی هندێ کووان هەست ب هندێ کریە کو تەنها هێزا ل سەر ئاستێ هەموو ئێراقێ و هەرێما کوردستانێ بشێت بەرژوەندیێن روژئاڤا بپارێز یت و نوینەراتیا دوزا کوردا بکت پارتی یە لەوما ژی سەرەرای هندێ کو دنها دا سەروک بارزانی هیچ پوستەکێ فەرمی ژ بلی کو سەروکێ پارتەکا کوردی یە نینە لێ بفەرمی ژ لایێ ئەمریکا ڤە هاتیە داخوازکرن ب دلنیایڤە هەردوو پرسێن باشور و روژئاڤا دێ دوو مژارێن گرنگ بن بو گوت و بێژا دڤێ سەرەدانێ دا و ئەڤە وێ راستیێ دیاردکت کو(ئەوێ گرنگی ددا کورسیکا سەروکایەتیا هەرێمێ جەنابێ بارزانی بوو نەک بەروڤاژی)
هەر وەسا دەرخەرێ وێ راستیێ یە کو چارەسەریا پرسا کوردا ل باشور ژ بلی سەروک بارزانی و پارتی لدەف هیچ لایە لایەنەکێ دی یێ کوردی نینە و سەروکانیا هەموو لایەنا دیار و ئاشکرایە وکەس ژ وان ئەو لایەنە نینە روژئاڤا و ئەمریکا بو پاراستنا بەرژوەندیێت دوولایەنە پشت پێ ببەستیت