بەغدا وەک رژێمێن دکتاتورێن ژنافچوی سەرەدەریێ دگەل هەرێما کوردستانێ دکەت ، ل دەستپێکا لادانا رژێما بەعس دەمێ هاتنا عەرەبێن شیعە بو سەر حکمی ل عیراقێ ، عیراق ژ هەمی لایەکیڤە یا هەرفی بو ، ب هاریکاریا هەرێما کوردستانێ عيراق بو خودان دەستورەکێ دیموکراسی وخودان پەرلەمان ،
وەلاتیێن عیراقێ چەندەها سالبو لژێر دورپێچا ئابوری یا نێڤدەولەتی و لبن زولما دکتاتورەکی ، تا قورتالبوین کەفتنە د گێلەشوکەکا دیدا یا تیرور و گەندەلی و تائیفەگەری و ئیران پەرێسیێ و ب ماسکەکێ دیموکراسی دکتاتوریەکا هەڤچەرخ یا بویە چارەنوسێ وان ،
نمونەکا بچیک لسەر ریفراندمێ
ل سالا ١٩٩٢ ل یوغسلافیا پشتی چەندین ئالوزیێن تائیفەگەری چێبوین بوسنا ریفراندوم کر و ٩٩.٧٪ دەنگ بو سەرخوەبونا بوسنا و هێرسک دا و ددیڤدا سەروکێ بوسنا علی عزت بیغوفیتش دەولەتا بوسنا و هێرسک راگەهاند و ددیڤدا ئەمریکا دانپێدانا خو لسەر دیارکر و ددیڤدا بو ئێک ژ ئەندامێن نەتەوێن ئێکگرتی . . . .
بەغدا بوخو سەربورا ژ دیروکێ نا وەرگریت ، بابێ کوردینیێ مستەفایێ بارزانی لبەر نفشێ بەعسیێن دکتاتور دەستبەرداری مافێن مللەتێ خو نەبویە ،
د بەردەوامیا بەرخودانێن کوردی دا سەرکردێن کورد هیچ مێژویەکێ دا دەست بەرداری دوزا خو نەبوینە بو چ زالمان ،
لڤی دەمی و پشتی کوردان پێگەهەکێ گرنگ لجیهانێ بدەست خوڤە ئینای جهێ پێکەنینێ یە سەرەدەریا کێم فامێن بەغدا دگەل هەرێما کوردستانێ هزراوان یا هەلوەشاندنا هەرێما کوردستانێ دێ بیتە ئەگەرێ هەلوەشاندنا عیراقێ و پارچە پارچە بونا وێ ،
ئەو دڤێت دخودا بچنەڤە چنکو مە کوردان سیاسەتمەدارێن باورپێکری لسەر ئاستێ جیهانێ یێن هەین ئەوژی بارزانی و قوتابیێن رێبازا وی یا دلسوز یا کوردینیێ ، قوتابیێ ڤێ رێبازێ نێچیرڤان ئدریس بارزانی سەرەرای وان پیلانێن نافخویی و دەرەکی ڵێ ب شانازیڤە و ب نمونەڤە ئەو پیلان هاتنە ژناڤبرن و شەرمزارکرن ،
پشتەڤانیا زلهێزێن جیهانی بو بەرێز سەروک وەزیرێن هەرێما کوردستانێ و پێنگاڤێن جەنابێ وی هاڤێتین ژ بو ئارامکرنا ئالوزیێن دناڤبەرا هەرێم و بەغدا و جارەکادی رێڤەکرن لهەمبەر سیاسەتمەدار و سەرکردە و وەزیرێن جیهانی بو سەرەدانێن وان بو هەرێما کوردستانێ و بەروڤاژی ،
چونا بەرێزی بو ئەوروپا و پێشوازیا وی ژلایێ فەرەنساڤە و سەرەدانا وەزیرێ دەرڤە یێ فەرەنسا بو هەرێما کوردستانێ رول و کاریگەریا فەرەنسا لسەر دانانا سنورەکی بو دەستدرێژیێن عیراقێ بو سەر هەرێما کوردستانێ یێ بەرچاڤە و سەرەدانا سەروک وەزیرێن هەرێما کوردستانێ بو ئەلمانیا و ددیڤدا هاتنا وەزیرێ بەرگیریا ئەلمانیا بو هەرێما کوردستاتێ و دوپاتکرنا وەزیرێ دەرڤە یێ ئەلمانی ل هاریکاری کرنا پێشمەرگەی ئەڤە و چەندین بزاڤێن دی یێن نێچیرڤان بارزانی بوینە جهێ سەرسورمانا عیراقێ .

كاروان سالح