ئەو دەموو چاوە سیاسیانەی ئەم دوایانە دەرکەوتوون جگە لە تێك دان و شێواندنی کۆمەڵگە و نیشتیمان هیچ شتێکی تر لێیانەوە چاوەروان ناکرێت خۆشیان بەڵگە و واقیع بینی رووداوەکانن کە تا چەند توانیویانە ببن بە فاکتەری پشێوی و تێك دانی شیرازە ی کۆمەڵگەی کوردی جگە لە حەزوو ئارەزوێك و هەوڵدان بۆ گەیشتن بە ئاستە باڵاکانی دەسەڵات هیچ خزمەت کردنێك و کارێکی باش لێیانەوە چاوەروان ناکرێ ، خەڵك لەو قالبە دەرچوە کە سەیری رووخسار و بەڵێن و گوفتارە بەدرۆکانتان بکات خەڵکی کوردستان زۆر لەوە گەورە ترە کە ئێوە دەی بینن ، سەیر لەوە دەبینرێ ئێوەیەکی سیاسی کورد بە زمان و گوفتاری کوردایەتی بانگەشە بۆ مافی خەڵك و دابینکردنی سەقامگیری و خۆشی و خۆشگوزەرانی و بەهێزکردنی ئۆرگانەکانی کوردستان دەکەن بەڵام جگە لە چەن قسەیەکی راگەیاند راوی ئیعلامی هیچ شتێك لە ئێوە نابینرێ،خەڵکی کوردستان نمونەی جوانی هاوشێوەی ئێوەی بینیوە کە چەندە بانگەشەی چاکسازی ڕیشەیان کردوە کەچی کە هاتنە دەسەڵات جگە لە تێرکردن و پرکردنی گیرفانی خۆیان بیریان لە هیچ شتێکی تر نەکردەوە ئەو هەموو چەنە چەنەتان لەچی.


کوردستانی سەربەرز خاوەن ئاڵا و حوکمەت و پەرلەمان دامەزراوەی حوکمیە ، تاکە فاکتەری بەدیهێنەری مافە رەواکانی خەڵکی کوردستان حوکمەت و پەرلەمانە لە ئێستایە،گەر راست دەکەن و خەمی خەڵك و نەوەی داهاتوو پاشەرۆژی کوردستانتانە دەبوو سەرەتا هەوڵی رێك خستنەوە ناوماڵی خۆتان و کوردیتان بدایە، ئەوەی خەڵك و شەقامی کوردی لە ئێستایە هیوایەتیتی رێك خستنەوە و کۆبونەوەی ئێوەیە لەسەر مێزی گفتوو گۆ، داوای یاسا و رێسا و چاکسازی و راستگۆی دەکەن بەڵام لە ئەسڵدا خۆتانی لێ لادەدەن بێ حورمەتی و بێ رەوشتی بەرامبەر یاساو دامەزراوە و پەرلەمان حوکمەت دەکەن سەروەریەکانی هەرێمی کوردستان پێ شێل دەکەن و لەکەدار دەکەن، دەتانەوێ ئەوەی بەدەست هاتوە بە دەستی خۆتان لەناوی ببەن کەچی بانگەشە بۆ کوردایەتی و دڵسۆزیش دەکەن ،لەکاتێك دا خۆتان هەست بەوە ناکەن کە خەریکە خۆتان سوك دەکەن و لە پێگە و بەرزی هەرێمی کوردستان کەم دەکەنەوە حوکمەت و پەرلەمان لەکاتێك دا هەوڵی رێک خستن و پاراستنی دەسکەوتەکانی هەرێم بوو ئێوە هەوڵتان دا لە پێگە و بەرزی و گەورەیی پەرلەمان و حوکمەت کەم بکەنەوە کە گوایە پەرلەمان و حوکمەت نەیان توانیوە مافە رەواکانی خەڵکی کوردستان بەرجەستە بکان، شانازی بە دەسکەوتەکانی گەلەکەتان و وڵاتەکەتان ناکەن کەچی سەرەرای ئەمە ستایشی بەرپرسانی و دەسەڵات دارانی بەغدا دەکەن لەم باروو دۆخە ناخۆشە ئێوە هەوڵی قەیم کردنی چەسپاندنی حیزبەکانتان و دەسەڵاتتان دەدەن بەبەستنی هاوپەیمانی و رێکەوتن لپێناو بەرژەوەندی داهاتووتان خەمی داهاتوو موفلیس بونی خۆتانە ،بە سیاسەتە بێ سەرووبەرەکەتانەوە کەس نازانێ پاشەرۆژی خۆتان و گەل و وڵاتەکەتان بە چ ئەقارێکی تری خراپ دەبەن، گومانی تیا نیە هەمان خیانەتە هەرزەکاریەکانی ١٦ ئۆکتۆبەر دووبارەو سەدان بارە بکەنەوە چونکە سەرەنجام هەر بەشێکن لەوان و خۆتان و حیزبەکانیشتان هەر لەوان بونەتەوە .


گەرانەوە و دەست خستنە ناو دەستی برا خوێنیەکانتان تاکە دەرفەتی سەرکەوتن و ئاشتی ئاشتەوایە بۆ خەڵکە دڵسوتاوەکەی کوردستان ئەو کۆروو کۆبونەوە و هاوپەیمانی و گرێ بەستانەی لەگەڵ بەغدا ئەنجامی دەدەن سەرەتا لەماڵی خۆتان و هاو سەنگەروو هاونیشتیمان حیزبە کوردستانیەکان ئەنجامی بدەن ئەوجا بەیەکەوە برۆن و هاوپەیمانی لەگەڵ بەغدا ئەنجام بدەن ئەو پەرتەوازەیی و نا سەقامگیریەی کە ئێستا لەناو ماڵی کوردە بە تەبایی و گەرانەوە بە یەك دەنگی و یەك دەستی دەنگتان بەسەر گەورەترین دوژمنەکانتانا بەرز دەکەنەوە کورد لەوەتەی هەبوە نەی توانیوە یەك دەنگ و یەك دەست بێ بۆیە هەمیشە بوە بە ئامانجی پلانە ژەهراویەکانی دووژمنان و ناحەزانی خاك و گەڵ و وڵاتەکەمان، هەموومان لەپێناو کوردستان و نیشتیمان و ئاڵا و شەهیدانمان تێ دەکۆشین و خەبات دەکەین بژی کوردستان نەمری بۆ شەهدان شەکاوەبێ ئاڵای پیرۆزی کوردستان .