پەکەکە ئەو هیزا سەربازیا هەر دەستپێکا شورەشا گەلێن سوریا خوە وەک قورتالکەرا کوردا دایە نیاسین و تەنانەت رازی نەبوویە هیچ هێزەکا دی یا چەکدار دگەل وێ بەشداری تێکوشانێ ببت ل دژی حکومەتا سوریا بو ڤێ مەرەمێ و ژبەر کو پەکەکە وەک هێزەکەک چەکدار دلیستا تیرورا دوەلی دایە لەوا چەند هێزەکێن کارتونی ل ژێر ناڤێن جدا جدا دامەزراندنینە و تەمام سیاسەرا پەکەکێ پەیا دکن هەر و میناک ژی پەیەدە و یەپەکە کو نها ل سەر ئەردی شەرێ تورکیا دکت و ولاتێن روسیا و ئەمریکا لسەر بێ دەنگن...
ئەوا جهێ پرسیارێ ئەوە ئەرێ دنها دا پەکەکە ل کیژ راستا ڤێ هاوکێشێ یە و رولێ وێ چی یە؟!
بدیتنا من بێ هەلویستیا پەکەکێ د ڤان کاودانان دا زور ب روونی دیارکەرێ وێ یەکێ کو پەکەکێ زور ب پلان کارکریە و رولەکێ سەرەکی ب بریارا ئەجیندایێن دەرەکی گێڕایە و رازی نەبوونا وێ ب بەشدار بوونا هێزا روژ د پروسا بەرەڤانی کرنا ژ روژئاڤا دا باشترین بەلگەیە چنکی بەشدار بوونا هێزا روژ زورەک ژ وێ هاوکێشا نها ل روژئاڤا و باشورێ کوردستانێ داهێتە گوهرین دویر نینە نها هەردوو نها وەک قەوارەیەکا سیاسی خوە سەپاندبان و رێگەنەدانا پەکەکێ ژی تنێ ژ بوی ڤێ مەبەستێ بوویە و بێ دەنگیا پەکەکێ ژی دنها دا گومانەکا مەزنتر دادنیت سەر چونکی دنها دا گرنگترین ئەرکێ لسەر ملێن پەکەکێ ئەنجام دانا ئوپراسیونێت سەربازی یە کو تا نها تمام بێ دەنگە،،!!!
بێ دەنگیا ئەمریکا ژی دور نینە بو هندێ بزڤر یت کو پەیەدە بخوەدا بچیت و وێ پەیوەندیا دناڤبەرا خوە و پەکەکێ دا قوت بکت و پەیوەندیا خوە دگەل ئالیێن دی وەک ئەنەکەسە (هێزا روژ)ئاسای بکت و بەلانسا هێزێ ل روژئاڤا بهێتە راگرتن
ئەڤ پێنگاڤا پەکەکێ تمام جێبەجێ کرنا پلانا تورکیا و ئیرانێ بوویە بو لێدانا بەژوەندیا بالا یا کوردستانێ و گرتنا ریکا گەیاندنا کوردستانێ بو دەریا یێن ئازاد و جیهانا ژ دەرڤە و ئەوا نها ل عەفرینێ دهێت کرن و ئەوا ل ۱٦ی ئوکتوبەرێ ژی ها تی کرن داگیر کرنا شنگالێ تا نها ژی ژ لا پەکەکێ ڤە تمامکەرێن یەک پلانێ نە