سەرکردێ دەلیڤێن بەرتەنگ
January 22, 2018
وتار و بیروڕا
![سەرکردێ دەلیڤێن بەرتەنگ](https://gulanmedia.com/public/old_images/nusaran/27044871_1660778520708257_2093988577_n.jpg )
بەرێز نێچیرڤان بارزانی ب حکمێ سیاسەتا خو یا حەکیمانە و کەساساتیا خو یا (متواضع) . ب شەڤ و روژ پایتەخت بو پایتەخت پێکول لدیف پێکولا دکەت بو لادانا قەیرانا لسەر ڤی مللەتێ وەفادار بو دوزا کوردینیێ .
بێگومان نابیت بهێتە ژبیرکرن کو دفن بلندی یا عەبادی و ئێک رکی یا وی یا زاروکان نەبونە رێگر لبەرامبەر جەنابێ سەروک وەزیرێن هەرێمێ بوسەرەدانا وی بو بەغدا .
بەرژەوەندی یاهەژار و فەرمانبەرێن هەرێمێ یادانایە لدەستپێکا کارێن خو و ناراوستیت تاکو دلێ وەلاتیێن هەرێمێ خوشدکەت ب لادانا دورپێچا ئابوری و دابینکرنا موچێ وان .
یادیار و بەرچاڤە ، لایەنێن سیاسی یێن خو ژ حکومەتێ ڤەکێشاین هاریکارێن ب هێزبون ژ بو قەیرانا لسەر هەرێما مە و پێکولێن وان د بەرچاڤبون هەر بگرە ژ بەژداربونا وان دگەل بەغدا ددانانا گەلەک پیلانێن توکمە و لوغمکری درێکا هەرێمێ دا ، هندەک ژ وان لایەنان هەر ژ دەستپێکا راگەهاندنا خو و تا نهو بتنێ کارێ وان تێکدان و نە ئارامیە و هندەکێت دی ل سوشیال میدیایێ کادر و لایەنگرێن وان هاندانا وەلاتیان دکر بو ژناڤبرنا حکومەتێ و ب فەرمی لگەل حکومەتێ بون تا دەمێ هەلبژارتنان نێزیکبوی خو ڤەکێشان .
دیسان دێ بێژین د مێژویا مللەتێ کورد دا وەکی ڤی دەمی ستەم کار و دوژمنێن مە هەر برێکا خائینان و ب توپ و فروکێن و لەشکەران هێرشکرینە سەر باب و باپیرێن مە و گوند و باژێرێن مە سوتینە و تالانکرینە ، ب هزاران بن ئاخکرینە ب ساخی .
ئەزمونا مە دگەل ڤان خین مێژان یا پرە ژ تاوانان ل دژی مللەتێ مە .
هەژی گوتنێ یە کو خەمخور و رێبەر و قورتالکەر بو ڤی سەردەمی و هەردەم لێڤەگەرا کوردان لاندکا شورەشان بارزان بویە ، ئەوە هیڤی و ئومێدا هەر تاکەکێ دلسوزێ ڤێ خاکا پیروز ، وەکی یا دیار بەرێز نێچیرڤان بارزانی جهێ رێز و تەقدیرا هەر تاکەکێ کوردە ، دلێ وەلاتیێن هەرێما کوردستانێ ب سەرەدان و پێکولێن وی گەلەک یێ خوشە .
روژ بو روژ پتر پێنگاڤێن مەزنتر و باشتر هەر بگرە ژ سەرەدانا فرەنسا پاشان ئەلمانیا ، ڤاتیکان ، عیراق ، ئیران و ددیڤدا داخازنامە بو جەنابێ سەروک وەزيرێن هەرێما کوردستانێ رێزدار نێچیرڤان بارزانی هاتیە هنارتن ژ لایێ سویسرا بو کونگرێ ئابوری یێ جیهانیێ داڤوس ئەوێ پرانیا سەرکردێن سیاسی یێن جیهانێ و هزار نینەرێن کومپانیێن بناڤ و دەنگ بخوڤەدگریت ، حیدر عبادی ژ عیراقێ و نێچیرڤان بارزانی ژ هەرێما کوردستانێ د بەژدارن . دهێتە چاڤەرێکرن سەروک وەزیرێن هەرێما کوردستانێ لگەل سەروکێ ئەمریکا ترامپی کومببیت لکونگرێ داڤوس .