ئیران ژ (مرن بو شاه) به‌ره‌ف (ئه‌ی شاهی ئیران بگه‌ره‌ڤه بو ئیران)
شڤان سالم گولی
دیاره ئیران د سێ ده‌هه‌یێن بوری دا یه‌ک ژ وان وه‌لاتان بوویه کو پری کێشمه‌کێشا سیاسی بوویه دناڤبه‌را ده‌ستهه‌لاتدارێن ولاتی ڤه و ڤێ یه‌کێ کێم و زێده ره‌نڤگڤه‌دانا خوه لسه‌ر شه‌قام و بڕێڤه‌برنا ئیرانێ هه‌بوویه و ئه‌ڤ یه‌ک ب تایبه‌ت د ڤان چه‌ند سالێن داویێ دا پتر به‌رچاڤ دکه‌ڤیت د تایبه‌ت پشتی سه‌رهلدانا ب ناڤ بهارا عه‌ره‌بی ل 2011ێ ل سوریا و پاشان هاتنا داعشا بو ئێراقێ کارب ده‌ستێن ئیرانێ دڤی ماوه‌ی دا ب تمامی گه‌ل و پرسا دارایا خه‌لکی پشتگوهخستینه و زوره‌ک ژ داهاتێ ئیرانێ ل ڤان وه‌لاتێن مه باس لێ کرین و یه‌مه‌ن و لوبنان دهێت مه‌زاختن هه‌لبه‌ته باجا ڤێ یه‌کێ ژی خه‌لکێ ئاسایی ددن،،له‌وما ژی ئه‌گه‌ر هنده‌ک سه‌رنجا خوه بده‌ینێ ئیران دڤان ده سالێن بوریدا توشی هنده‌ک دیاردێن کومه‌لایه‌تی وه‌ک( دزی و له‌شفروشیا ئاشکه‌را و توش بوونا ژماره‌کا زورا خه‌لکی ب ماددێن هوشبه‌ر)،،،هتد بوویه ئه‌ڤ چه‌نده بوویه ئه‌گه‌ر کو جڤاکێ ئیرانێ براستی ژی توشی شله‌ژان و ژهه‌ڤ ته‌رابوونێ ببن و ژئه‌نجامێ ڤێ که‌له‌که بوونێ ئێدی دڤان روژێن بووری دا خه‌لکی ئه‌ڤ که‌رب و توره‌بوونا خوه ژ ده‌ستهه‌لاتێ زور ب بوێرانه ته‌قاند و رژانه سه‌ر شه‌قاما،،
ئه‌وا سه‌رنجا مروڤی رادکێشیت هنده‌ک ژ هوتافێن خوه‌پیشاندران بوون ژ وان( سوریێ به‌رده و هزر ل حالێ مه بکه، مه‌رگ بو خامنه‌یی، ئه‌ی مه‌لایێن بێ شه‌رم وه‌لاتی به‌ردن، ئه‌ی شاهێ ئیرانێ بزڤره بو ئیرانێ، و ئیران ب بێ شاه ڤالایه ژ لێ پرسینێ) ره‌نگه ئه‌گه‌ر هنده‌ک مروڤ باش سه‌رنجا خوه بدانیت سه‌ر ڤان هوتافا ب پشت راستی ڤه د ماوێ 39 سالێن بوریدا ئانکو پشتی روخانا شاهی و هاتنا رژێما مه‌لایی بو سه‌ر ده‌ستهه‌لاتێ ل ئیرانێ دبیت ئه‌ڤ یه‌که‌م جار بیت ئه‌ڤ جوره هوتافه دناڤا خه‌لکی دا بهێتنه هه‌لدان و یه‌که‌م جاره خوه‌پیشاندانه‌ک ل وه‌لاتێ ئیرانێ ب بێ گازیا (مه‌رگ بو ئیسرائیل و مه‌رگ بو ئه‌مریکا)بهێت کرن،،ئه‌ڤه بخوه دناڤه‌روکا خوه‌دا هه‌لگرێ بیروکه و په‌یامه‌کا سیاسی یا زیقه و ئه‌و په‌رێ توره‌بوون و بێزاریا گه‌لێن ئیرانێ ژ ده‌ستهه‌لاتا سیاسی ل ڤی وه‌لاتی ده‌ردبریت و ئه‌ڤه و ژبلی هندێ کو هه‌ر دناڤا ڤان خوه‌پیشاندانا دا گازیه‌کا دهاته راگه‌یاندن ( ئیستقلال ئازادی کومارا ئیرانی) ئه‌ڤه د ده‌مه‌کی دا د هه‌موو راپه‌ره‌ینا خه‌لکێ ئیرانێ ل دژی شاهێ ئیرانێ گازیا وان (ئیستقلال ئازادی کومارا ئیسلامی) بوویه لێ ئێدی رویی راسته‌قینه یێ کومارا ئیسلامی بو خه‌لکی ئاشکه‌را بوویه و ئێدی وان کوماره‌کا ئیرانی دڤێت نه‌ک ئیسلامی،، هاوار کرن و په‌نابرن به شاهێ ئیرانێ ئه‌و شاهێ کو سه‌دان هزار خه‌لک ب کوشتن دای هه‌تا تاجا ده‌ستهه‌لاتێ ل ئیرانێ هێلای دیسان گازیه‌ک روونه کو مه‌لایان سیاسه‌ته‌کا زور ژ یا شاهی خرابتر و وێرانکه‌ر تر ل ڤی وه‌لاتی په‌یا کریه ،،،
ب گشتی د قوناغا نها دا ئه‌وا دیار دبیت ژ ڤان هوتافێن خه‌لکی هه‌لداین وه‌سا دیاره خه‌لکێ ئیرانێ دنها دا جاڤه‌رێێ ده‌سته‌کێ ده‌ره‌کی بکن کو دگازیا وان بچیت و نها خه‌لک ژ هه‌ر قوناغه‌کا دی پتر به‌رهه‌ڤه دژی ده‌ستهه‌لاتا مه‌لایا ل ئیرانێ راپه‌رن ،،،
