پشتی سەرکردایەتیا باشوورێ کوردستانێ، ب سەرۆکێ ھەرێمێ (مەسعود بارزانی) ولایەنێن سیاسی،بریارا نەتەوەیی ونشتیمانی داین ،ئەوژی باشوور ل (٢٥ سیپتەمبەر٢٠١٧) دێ گشتپرسیێ کەت، ئەف گشپرسی دێ ھێت ئەنجام دان ل ھەموو جوگرافیا باشوور ب دەڤەرێن (ئارتیکەلا١٤٠)ژ دەستورێ عیراقێ،ئەوێن ژلایێ(پێشمەرگەھێ کوردستانێ) دشەرێ دژی تیرۆستێن (داعش) دەولەتا ئیسلامی وتیرۆا جیھانی ھاتینە رزگارکرن،گشتپرسی ئەوا دێ ھەلگرا پرسیارا (ئایا تە دڤێت ھەرێما کوردستانێ وناوەچەێن کوردستانی ژدەرڤەی ئیداریا ھەرێمی، ببت دەۆلەتەکا سەربەخوە)، ب ئەنجامدنا گشتپرسیێ ناسناما کارکرنا باشوورێ کوردستانێ دگەل(بەغدا)،وەلاتێن ھەفسنۆر وھەرێمی وجیھانی ئاشکەرا دبت ل قوناغا داھاتی دێ ئاشکەرا بت، ئەف ناسنامە ھەلگرا گەرەکە کورد وکوردستانێن باشوور ئازادیا خوە یا سەرتاسەری وەربگرن ب پێکھینانا دەۆلەت و ئاسایشا خوە .
نەھێت ژبیرکرن ئازادیا سەرتاسەری ئەوا خوە دسەرخوەبوونێ ودەۆلەتبوونێ دبینت ئارمانجا ئێکێ وپیرۆزا پێڤاژوویا ناسیونالیزمی ل باشوور بۆ ھاتی ئاڤاکرن دسالانێن دروستبوونا دەۆلەتا عیراقی، پشتی کورد و کوردستانی ب جۆگرافیا وان ب وەلاتێ عیراقێ ڤە ھاتینە لکاندن ، ژ ھەموو ماف وبەرژەوەند وپیرۆزێن گرێ دایی مەرجێن نەتەوە ھاتینە بێ بارکرن و قوتکرن، ھەلبەت پێڤاژوویا دیارکری گەلەک قوربانی دان سەرۆسامانی ، ھەمان دەمی سەرکەفتنێن مەزن ریکۆردکرن دەرئەنجام ئەڤرۆ کورد بووینە ھەرێم دعیراقا فیدرال دا، ئاشکەرایە عیراقا فیدرالا نووکە دماوەیێ خوەدا ھەر ژ (٢٠٠٣) ھەتاکۆ ئەڤرۆ،نەڤیایە وەک پێدڤی ماف وبەرژەوەند وپیرۆزێن کوردان بدەت، بەلێ عیراقا نووی ب سەکردایەتیا ئەقلی شیعی، ئەوا دوھی بەشەک ژ ئەقلی سونی دگەل کوردان کری ب ئەنفالکرن ورەڤاندن وکوشتنا کۆم وکێمیاباران وقوتکرنا ژێدەرێن ژیانێ ب مەرما قرکرنا وان، ئەڤرۆ برایێن وان یێن شیعە دووبارە دکن ب فۆرم ورەنگەکی دی، ب رەنگی پەراوێزخستنا دەستووری ب مافێن ھاتینە چەسپاندن تیدا ل سالا (٢٠٠٥) پشتی وەلاتێن ئێگرتێنن ئەمرکیا دەستوور ودام ودەزگەھێن دەۆلەتداریێ دروستکرین، لدەمەکێ بەشەک ژ سونە وشێعەێن ئەڤرۆ کارگیری وسەرکردایەتیا عیراقێ دکن دسالانێن شۆرەشی دگەل کورد و کوردستانێن بووینە ب مانشیت وسلۆگانێن (دیمۆکراسی بۆ عیراقی) (ئازادی بۆ کوردان) ، بەلێ نووکە ھەمان شیعە و سونە دگەل توندرەوێن دیتر ژ نفشێ وان ، ئامادە نین کوردان قەبوولبکن ، ماف وبەژەوەندێن وان بدن وان ، ب گەف بۆ سەر ئاسایشا خوە دزانن .
بێ گۆمان مافێ باشووریان بەرەف گشتپرسی بچن وەک گاڤا ئیکێ بەرەف بریارا مافێ خوە چارەنڤیس، ژبەرکۆ بەغدا دستوور کانسلکریە و پەراوێزخستیە ،ھەولێر زور بی ھیڤی بوویە ژ بەغدا کۆ ئامادە نینە ھیچ مافەکی وان: سیاسی، لەشکەری، ئابۆری،بدت وان، نەئامادەی پاراستنا باشوور بکت ژ ھەر گەڤ و مەترسیەکێ ، داعش مەزترین گرۆڤە !، دھەمان دەم جۆگرافیا رۆژھەلاتا ناڤەراست بەرەف گھورانکارێن مەزن دچت، مەزنە وەلاتێن وەک ئەمریکا،رۆسیا وئەلمانیا وبرێتانیا، دگەل ھەف پەیمانێن وان (سعودیە – تورکیا – قەتەر – ئوردن – ئیران – سووریا – یەمەن – کویت)ھەلبەت دگەل عیراقێ ، چاف ل بەرژەوەندێن جیوسیاسی وجیوستراتیژی ب سیاسەت،ئابۆر،لەشکەر،تایبەت پشتی سەرھلدنا بھارا عەرەبی،گرۆپێ تیرورستی(داعش) گرتنەبەرا (سوریاوعیراق)،چارەنڤیسی (سوریا + یەمەن) گرێ دایی سونەنیزمێ وشیعەنیزمی، بەرێن لیبرال ودیمۆکراسی ، کۆمنیست ،بەلی گەرەکە باشوور ب ھێزا رەق و نەرما خوە چارەنڤسی خوە دیاری بکن دقوناغا داھاتی بۆ ھەموو ئەڤان لایەنان،ئەگەر نەکن شاشیەک مەزن !تایبەت پشتی (١٠٠) سالێن بندەستی وپارڤەکرنێ ،رەھەندێن ئەڤی بریارا چارەنڤیس دانپیدان وئەرێکرینە دمافێ خوەچارەنڤێس ئەوێ پشتی جەنگا جیھانیا ئێکی ھاتی گۆتن ب مەرما خزمەتکرنا نەتەوە وگەلێن لژیر دەستھەلاتا ئیمبراتوریەتێن (ھنگاریا – نەمسا – ئوسمانی)، پشتی جەنگا جیھانیا دوویێ ئەڤ ماف بۆ شەنگستەک یاسایی ب ئارتیکەلێن (١ – ٥٥) پاش سالا (١٩٥٢) کۆمەلا گشتی یا نەتەوەێن ئێکبوویی فەرمان کر لسەر ھەموو ئەندامێن خوە کار ب ئەڤی مافی بکن بۆ ھەر نەتەوە وگەلەکێ ،دیسان کۆنگرەیێ مونتڤیدیو ١٩٣٣ گرێ دایی پێکھینانێ دەۆلەتان ب مەرجێن:خەلک ،ھەرێم، دەستھەلات، شیانێن چوونە ژور دپەیوەندێن ناڤدەۆلەتی، ئەڤە ژبلی مافەک ئاسمانی وسرۆشتی وداب ونەریتی .
دیارە ل باشوور دەنگێن (نەخیر) بۆ گشتپرسیێ ھەنە، ئەڤ دەنگە کەمپینا دروست دکن بەشداریکرن نەھێتکرن دگشتپرسیێ دا، پێ باش نینە گشتپرسی بھێت ئەنجام دان تایبەت ئەڤی دەمی، داکۆکیێ دکن مافەکی دیمۆکراسیێ وان،دیسان سەدەمێن خوە دیاردکن، گرێ دایی ماف وئازادی وخزمەتگۆزاریان،ھەمان دەم چەند پارت وبزاڤێن سیاسی ھەنە خوەدان ھەلویستێن رون وئاشکەرا نینن دئەڤێ پرسا ھەستیارا ئەرینیا نەتەوەیی، بووینە دەنگێن فشارێ ب رەنگەکی باندۆرا وان یا نەرینی ھەیە لسەر کۆمەگەھی ! .
گرنگە بھیت گۆتن دەنگدان ب (نەخێر) بۆ (گشتپرسیێ) یان (نەخێر بۆ سەربەخۆەیا کوردستانێ) ئانکۆ دەنگدان (بەلێ بۆ عیراقێ )، ھپیچ رازیبوون لسەر ئەڤان دەنگێن نەخێر ناھێتکرن ژ بنگەھینەک کوردایەتی و ھوشیاریا نەتەوەیی ، گەرەکە ئەڤ دەنگە دیمۆکراسیا خوە بکارنەھێن دژی کوردستانێ،سەدەمێن وان ھەمبەر پرسەک نەتەوەیی دڤێت بێ دەنگ بن ، بەلکۆ دەۆلەتبوونا بۆ ھەبوونا نموونەیا ئەڤان سەدەمان، لایەک دی یا کۆژەک وناکوردایەتی،دەنگدان بۆ عیراقێ،دەنگدان رازیبوون ببن پاشگوویا عیراقێ ب دەستھەلاتیا سونە وشیعە، ببن کۆیلە، دەستبەرداری ھەموو ماف وبەرژەوەند وپیرۆزین رەوا گرێ دایی مەرجین نەتەوە، ھەمیشە لژێر فشار قرکرنێ، لاوزابوونا ھێزا نەتەوەیی دکۆمەلگەھێ ناڤدەۆلەتیدا،دھەمبەردا بەلێ بۆ گشتپرسیێ بەرۆڤاژا دیارکری،دۆماھیک ھاتنا پێڤاژوویا ناسیۆنالیزما باشوور ب دەۆلەتبوونێ، ئیدی کورد وەک ھەر نەتەوە وگەلەکی جیھانی خوەدان ئاسایشا: سیاسی، لەشکەری، ئابۆری، کۆمەلایەتی ، دێ کاربکت بۆ پاراستن و گەشەکرنا وێ .