هند نه‌مایه‌ کو بگه‌هین لێوارێن روژا هاتیه‌ ده‌ست نیشان کرن بو پروسا (رێفراندوم)ێ ئه‌و پروسا دبیته‌ یه‌کلاکه‌را خه‌ونا یه‌ک سه‌ده‌یا خه‌لکێ باشورێ کوردستانێ و ژێ خلاس بوونا ژ قه‌یدێن بزور گرێدانا وێ ولاته‌کێ بناڤ (عێراق)ڤه‌،،

هه‌لبه‌ته‌ پروسا رێفراندومێ ئێکه‌ ژ باشترین رێکێن چاره‌سه‌ریا ئاشتیانه‌ یا نه‌ته‌وا ژ بوی مان یان نه‌مانه‌ دگه‌ل هه‌ڤ د یه‌ک جوگرافیایێ دا،،و ئه‌ڤ پروسه‌ د زوربه‌یا وه‌لاتێن خه‌لکی دا تێپه‌ر بوویه‌ و ب تایبه‌ت ژ وه‌لاتێن روژئاڤا و پرسه‌کا زور ئاسایێ یه‌ و دیسان ل روژئاڤا ده‌نگ دانا ب (به‌لێ) یان (نه‌خێر) ژێ زور سروشتی یه‌ و ئه‌و گه‌رم و گوریا ل لده‌ف مه‌ هه‌ی ل وه‌لاتێن روژئاڤا دا نه‌بیت و که‌س ل روژ ئاڤا که‌سێ ب تومه‌تا ده‌نگێ (نه‌خێر) به‌ ب ته‌خوین کرنێ ڤه‌ نابیت هه‌لبه‌ته‌ ڤێ یه‌کێ ژی ئه‌گه‌رێن خوه‌ هه‌نه‌ بو نموونه‌ ل روژ ئاڤا و ل وه‌لاته‌کێ وه‌ک اسپانیا و هه‌رێما به‌رسه‌لونا یان ژی بریتانیا و هه‌رێما سکوتله‌ندا ،،،هتد ئه‌گه‌را ڤێ یه‌کێ ژی پتر بو وێ یه‌کێ دزڤریت کو هه‌موو خه‌لکێ وه‌لاتی و هه‌رێمێن ناڤبری د ماف و ئه‌رکا دا تا رێژه‌یه‌کا زور د یه‌کسانن و که‌س هه‌ست ب هندێ ناکت کو هاوه‌لاتیێ پله‌ دوو بیت که‌س ژ خه‌لکێ وان هه‌رێما ب ده‌ستێ ده‌ست هه‌لاتێ نه‌هاتیه‌ ئه‌نفال کرن و سێداره‌دان و کێمیابارنکرن و گوندێن وان نه‌هاتینه‌ تالان کرن ،،،،هتد له‌وما ژی هاوه‌لاتێن هه‌رێما زور ب ئاسایێ سه‌ره‌ده‌ریێ دگه‌ل ریفراندومی دکن و زور جاران ژی حه‌زا وان ئه‌وه‌ دگه‌ل ولاتێ خوه‌ یێ سه‌ره‌کی بمینن ژبه‌ر کو د چوار چوڤێ وی وه‌لاتی دا خوه‌ ب هێزتر دبینن،،لێ ئه‌ڤ یه‌ک د وه‌لاته‌کێ وه‌ک یێ مه‌ کوردستان دا ته‌مام به‌روڤاژی یه‌،ل کوردستانێ سه‌ده‌یه‌که‌ ده‌ست هه‌لاتێ ژ هه‌ر چ پروسه‌کا دژی مروڤایه‌تیێ بیت ده‌ستێ خوه‌ نه‌دایه‌ پاش و ب سه‌رێ خه‌لکێ کوردستانێ ئینایه‌ ژ هه‌می ئه‌وێن مه‌ لسه‌ری ئاماژه‌ پێدای وێ کوردا چو جارا دڤی سه‌ده‌ی دا خوه‌ نه‌دیتیه‌ وه‌ک هاوه‌لاتیه‌ک ئاسایی چو جارا نه‌شیایه‌ خودان زمانێ خوه‌ بیت له‌وما ژی هزاران خورتێن کوردا ژ بوی به‌رهنگار بوونێ و ژیانه‌کا ب رومه‌ت ده‌ست داینه‌ چه‌کا و مشه‌ختی چول و چیا بووینه‌ ڤێ یه‌کێ هزاران خێزان بێ سه‌میان و هزاران کچ و کور بێ خاندن هێلاینه‌ ده‌رگایێ هزاران مالا بو هه‌تا هه‌تایێ هاتینه‌ داخستن هزاران خورتێن کوردا کنفێ سێدارا ماچ کرینه‌ سه‌دان کچێن کوردا ل وه‌لاتێن عه‌ره‌با هاتنه‌ فروتن...خوینا سه‌دان خورێن زاخو ل خانه‌قینێ و یێن خانه‌قینی ل که‌رکوکێ و که‌رکوکێ ل هه‌ولێر و سلێمانی ،،هتد تێکه‌لی هه‌ڤ بووینه‌ ئارمانجا وان تنێ یه‌ک بوویه‌ ئازادی وسه‌رخوه‌بوونا کوردستانێ له‌وما ژی ئه‌و ئیرو ل کوردستانێ ژ لایێ هنده‌ک ئالیێن نابه‌رپرس ڤه‌ دهێته‌ کرن بو دژایه‌تی کرنا ڤێ پرسا رێفراندومێ و کێم کرنا بهایێ وێ و ب حزبی کرنا وێ ڤه‌ و هاندانا خه‌لکی بو به‌شدار نه‌بوونا وێ ژ لایێ که‌س و کارێن وان جوانه‌ مه‌رگێن گیانێ خوه‌ گوری ئاخا وه‌لاتێ خوه‌ کری ب خیانه‌ت ل خوینا شه‌هیدان دهێته‌ پێناسه‌کرن ژ به‌ر کو ئه‌و شه‌هیدێن گیانێ خوه‌دای که‌سێ ژ بوی ئازادیا زاروک یا گوندێ خوه‌ ب تنێ خوینا خوه‌ به‌خت نه‌کریه‌ به‌لکو بو ئازادیا ته‌ڤی کوردستانێ و زاروکێن هه‌موو گه‌لێ کوردستانێ ب تورک و حه‌ره‌ب و کلد و ئاشور و کوردڤه‌ به‌خت کرینه‌ له‌وما ژی ئه‌ڤرو سه‌ره‌رای هه‌بوونا دنیایه‌کا کێماسیا لێ ده‌نگێ (به‌لێ ) بو ریفراندومی دڤێت ئه‌م هه‌می ب ئه‌مانه‌ته‌کا نیشتمانی ته‌ماشه‌ بکه‌ینێ و دویر بین ژ هه‌موو موزایه‌داتێت سیاسی و رێزێ ل خوینا وان شه‌هیدا بگرین ئه‌وێن گیانێ خوه‌ قوربانی مه‌ کری زور شه‌رمه‌ ده‌ما ئه‌م دبینی خێزانا شه‌هیده‌کێ ل پێش چاڤێن مه‌ ب ده‌نگێ به‌لێ بو ریفراندومێ ژ سه‌ر سندوقێ بهێت و که‌سه‌ک ل به‌ر جاڤێن وێ بچیت سه‌ر سندوقێ و خیانه‌تێ ل خوینا هه‌ڤژینێ وێ یان کورێ وێ خێزانێ بکت و مافێ وێ هه‌ڤژینی و خێزانێ یه‌ کو نه‌فره‌تا ل وی بکت ئه‌وێ بێژین نه‌خێر و ب خائین پێناسه‌ بکت،،ژ به‌ر کو ئه‌وێ دبێژیت نه‌خێر ب سایا سه‌رێ خوینا وی شه‌هیدێ وه‌سا ئازاد بوویه‌ کو بچیت سه‌ر سندوقێ و بێژیت (نه‌خێر) بو ده‌وله‌تا کوردی ئه‌و ده‌وله‌تا وی شه‌هید خوینا خوه‌ بو دای دا کو یێن پاشه‌ روژێ ببینن،،ئه‌ڤجا ئه‌م هه‌موو ب یه‌ک ده‌نگ و ده‌ست به‌ر ب سندوقا و ڤی ئه‌مانه‌تێ نیشتمانی لسه‌ر ملێن خوه‌ راکین شه‌هیدان ب خوینا خوه‌ ئه‌م ب ده‌نگ و ده‌ستێ خوه‌،،،به‌لێ بو ده‌وله‌تا کوردی به‌لێ بو ده‌وله‌ته‌کا کوردی یا ب کێر نه‌هاتی نه‌خێر بو مانا مه‌ د ده‌وله‌ته‌کێ دا کو که‌س پێناسا مه‌ نزانیت،،،