لدۆماهیێ باشوورێ کوردستانێ بریارا ئەنجامدانا ریفراندۆم بەرەف سەربەخوەبوونێ دا، ژڤان ئەوە ل (٢٥-سێپتەمبەر) ا ئەف سالە، ئەف کارێ هەرى مەزنێ نەتەوەیى ونشتیمانى بهێت ئەنجام دان، دیارە باشوورى دئەڤێ قۆناغێ دا ئەڤێ بریارێ ددن سەدەمێن رەوا ولۆژیکى هەنە، پیدڤى دکت ژ بنگەهینەک یاسایى ومرۆڤى : بەغدا ، وەلاتێن هەرێمی وناڤدەۆلەتى خوە تێبگەهینن ودۆماهیێ پشتەڤانى وهاریکاریێ بدن ودەۆلەتا باشوورێ کوردستانێ پێکبهێت ، سەدەم ئاستێن: نافخوە، هەرێمى، جیهانى، هەنە ، ئاستێ نافخوە: باشووریان بەرخوەدان کرن ودکن، قۆربانێن مەزنێن سەر وسامانى دان، دەستکەفت هەبوونە ژ ئەوان :ناوچا ئارام، فیدرالیەت، ئەڤرۆ دەۆلەتبوون بوویە خواستا ئەڤێ نەتەوەیى ونشتیمانى، ژبەر رۆژەڤا جیهانێ، رۆژەڤا ئازادیا نەتەوانە، مافێن مرۆڤ، تایبەت نەتەوەیەک بەردەوام گەف ومەترسى وکۆشتار وجینوساید ب رەنگێ: سیاسى، لەشکەرى، ئابۆرى ،مرۆڤێ لسەر هەبت ژلایێ دەستهەلاتداریا وەلاتەکێ ئەو بەشەک ژێ مەرەم پێ بەغدا ژ دەمێ دروستبوونا دەۆلەتی هەتاکۆ ئەڤرۆ ،دنووکەدا بێ باوەریەک مەزن ژ بەغدا چێ بوویە ،عیراق نموونەیا وەلاتەکى لاواز وپاشڤەمایێ : سیاسى ،کۆمەلایەتى، لەشکەرى، ئاسایشى، ئابۆرى، کارگیرى، هەر لسەر پرسا سەدەمی نافخوە و بەغدا ، چ رژێمەکی هاتى و دەستهەلاتا عیراقێ کرى ب سونە وشیعە ، وەک پێدڤى رێز ل هەبوونا کورد و کوردستانیان نەگرتیە ، مافێن وان ب هەموو جوران نەداینە وان بەلکۆ بەرۆڤاژى کار بۆ ژناڤبرنا وان کرینە ببەردەوامى، دۆهى میکانزمێن کوشتن و ژناڤبرنا ئاشکەرا ، ئەڤرۆ ژبەرکۆ باشوور بهێز ژ روویێ لەشکەرى وئاسایشى ب رەنگێ لێدان وپەراوێزکرنا یاسایى ودەستوورى ، هەموو دەمەکێ کورد ب مەزنترین گەف بۆ سەر ئاسایشا خوە زانینە ،ب رەنگەکى دى دەۆلەتا عیراقى هەر چ خرابى و لێدان و ژناڤبرنا پێ چێ بوویە لدەمی بوورى دگەل باشووریان ب کورد وکوردستانى کرینە، دمێژوویا کەڤن پشتى سالا ١٩٦١ : ئەنفال ، حەللبچە ، کۆشتنا ب کۆم، رەڤاندن، گرتێن سیاسى، ژناڤبرنا ژێدەرێن ژیانێ، ئابۆرى، مێژویا نووى پشتى سالا ٢٠٠٣ لێدانێن یاسایى و دەستوورى : سیاسى، لەشکەرى، ئابۆرى، یاساسى، کۆمەلایەتى ،دیسان هاتنا گەڤا تیرۆریا داعش بۆ سەر ئاسایشا باشوور ، دەۆلەتا عیراقێ نەهات خزمەت ب رەنگی :لەشکەرى ، مرۆڤى، ساخلەمى، خوارن، ئاکنجیبوون.
لسەر ئاستێ هەرێماتى و جیهانى ، هەموو ئاماژە بۆ هندی دچن شەرێ جیۆپولوتیکیێ مەزن دناڤبەرا ئەکتەرێن سیاسێن مەزن دهێتکرن پشتى دەرکەفتنا (داعش) ل (سووریا + عیراق) ،ب سەرکێشیا بەرەیێ کاپیتالیزمێ وسونى وەک ناسیار ب ئەمریکا وسعودیە وتۆرکیا، دگەل کۆمنیستى وشیعى وەک ناسیار: رووسیا وئیران ، ب هەموو هەڤال بەندین وان،ئەف شەرە دێ دۆماهیک هێت ب بەرژوەندان بۆ ئەوان، لڤیرە کورد ژى بەشەکن ژ ئاکتۆرێن بچووک دگەل ئەڤان بەرەیان و دڤیت بگەهن مافێن خوە، ژبلى مەرجە کورد خوەدان پرۆژە و ئامادەکارى بن ، هەلبەت مافێ وان یێ هەرى رەوا ویاسایى و دەستوورى کار بۆ دابینکرن وبەرەپێدانا ئاسایشا خوە بکن، ئەڤ کەتوارێ هەى ب دەرفەت بزانن و دروست وەبەرهێنان بکن بۆ نەتەوە .
بەلێ چانسێ ئەڤرۆ هاتیە پێش باشوورێ کوردستانێ خورتر و لەزتر ژ پارچەیێن دى ژ کوردستانێ کار بۆ دابینکرن و پەرەپێدانا ئاسایشا خوە بکت ب رەنگێ دەۆلەتبوون ، ئەڤە پشتى گەل و دەستهەلاتا وێ ئەوا گەرەکە بهیت چاڤەرێکرن وپێشبینکرن بەشداریەک مەزن بکن دریفراندۆم بەرەف سەربەخوەبوونێ، دگەل رێژەیەک رەها دەنگ ب (بەلێ ) بدەستڤەبهێت بۆ هندی هێزا خوە هەبت، هەمان دەم گەرەکە دپشت ئەڤی (بەلێ) دا هەموو شیانێن ل باشوور هەنە هەبن و ئامادەکارى هاتبن کرن بۆ هەر بارەدوخەکى نەخوازیار کۆ ئاسایشا باشوور تێکبدت ، ب کێماتى گرەنتیا (٤) سالێن خوە خوەدانکرنێ هەبن ب رەنگێ : سیاسى ،لەشکەرى ،ئابۆرى، کۆمەلایەتى، ساخلەمى، دگەل لوبیەک خۆمالى وبیانى زۆر ئەکتیڤ ب رەنگەکێ بگەهن هەموو جهێن بریارێ ل ناڤەند وسەنتەرێن مافێن مرۆڤ ل جیهانێ،داکۆ مەزنترین هاریکارى و پشتەڤانیێ وەربگرن ، هەر گرنگتر ل پشت ئەڤێ (بەلێ) ستافەکى سیاسى و لیدەریێ بهیز و سترونگ دڤێت ب سەرکێشیا ئێک سەرکرەدە، دیارە باشوور ژبلى (مەسعود بارزانى) هیچ کەسێ دى نینە سەرکردایەتیێ بکت ، دڤیت باشوور رێک جارەکی بۆ پرسا ماوەیێ سەرۆکاتیا وى ببینت، دیسان پێکهینانا پەرلەمان وحکۆمەت دگەل هژمارەک یاساێن دى نەتەوەیى و نشتیمانى زۆر گرنگن کار لسەر بهیتکرن دهەیاما ئەڤان (٤) هەیڤێن بهێت دا ، ژبەر دڤێت ئەڤ (بەلێ) چ کێماسى لێ نەبن ، ب چ رەنگان بۆ هندی بباشى بهێت پێشوازیکرن ژلایێ هەر لایەکی دگەل دان و ستان دگەل دهێتکرن .
پاشان باشوورى ئەڤێ (بەلێ) ببن و بدانن سەر ماسێن دان وستاندنا جارا ئێکی دگەل (بەغدا) پاشان وەلاتین هەرێمێ ، ناڤدەۆلەتى، دگەل ئۆرگانێن سیاسى ، مرۆڤى ل جیهانێ ،ژ ئەوان (نەتەوەین ئێکگرتى)، (ئێکەتیا ئەورەپى) ، بۆ هەموویان بدن دیارکرن ئەڤ (بەلێ) ، ژ سالا ١٩٦١ ێ سەرهلدایە ،سێ نفش قەتاندینە ، قۆربانێن سەر وسامانێ مەزن داینە، ئەڤرۆ ئەڤ دەنگە دێ کاربکن بۆ دابینکرن وپەرەپێدانا ئاسایشا مەزن ئەوژى (دەۆلەتبوون) ، لەورا باشوورى چى دى ب هیچ رەنگەکێ نەئامادەن بژین لژێر حۆکمێ دەستهەلاتا عیراقێ یاکۆ نە ئامادە هیچ مافەکى یاسایى و دەستوورى بدت ئەوان ، دۆپاتیەک مەزن بهێتکرن باشوور نابت گەف بۆ سەر ئاسایشا وان ب سونە و شیعە و وەلاتێن هەرێمێ وناڤدەۆلەتى ژى، سەرکەفتنا باشوور دشەرێ داعش دا یا لەشکەرى وئاسایشى ، دگەل سەرکەفتنا کۆمەلایەتى و ساخلەمى و ئابۆرى ب خودانکرنا ئاوارە و پەنابەران ، دیسان کارێ سیاسى و لەشکەرى و ئاسایشى دگەل بەغدا بۆ رزگارکرنا (مویسل) و ناوچەێن سنۆر دگەل باشوور ، هەموو نموونە و گرۆڤە ، باشوور ژبلى فاکتەرێ دابینکرنا ئاسایش وئارامیێ بۆ هەر لایەکێ هیچ تشتەکى دى نابت .
لدۆماهیێ گەرەکە بەغدا و وەلاتێن هەفسنۆر و هەرێمێ ، ئامادەبن خوە د خواستا ئەڤرۆیا باشوورێ کوردستانێ بگەهین ئەوژى سەربەخوەبوون، خواستا ئەڤى بەشى ژ نەتەوەیى کورد و کوردستانى ،ئەوێن ژبلى مافێن خوە هیچ تشتەکى دى داخوازناکن ، ژبلى رێکێن یاسایى وسڤیلانە وئاشتى چ رێکێن دى نووکە باشتر نابینن ، بەرۆڤاژى نەهاتنا پێشا وان ، باشوور بەرەف دیفاکتۆ دەۆلەت ،ل وى دەمى دێ بارەدۆخەک نەخوازراو هێت پێش بۆ هەموو لایەکێ دیارکرى!، هەلبەت ب هەموو رەنگان دێ باشوور کاربکت بۆ مانا خوە ل دۆماهیێ هەر باشوور دێ قازانج بکن .