چۆن ئێستا پارتی، هەروەها خەڵکی سنورەکانی شەنگاڵ و قەندیل و سیدەکان گیرۆدەی دەستی چەکدارانی پەکەکە بوونە ، لە نزیکترین کاتدا دەبینین ئاواش یەکێتی و گۆڕان و خەڵکی سنورەکانی سلێمانی و هەڵەبجە و راپەرین و گەرمیان گیرۆدەی دەستی چەکدارانی پەکەکە دەبن و بگرە زۆر خراپتریش .

راگەیاندن و ئاراستەیەکی حزبی نابەرپرس، زەمینەیەکی لەباریان رەخساندوە تا پەکەکە، گەنج و مێردمنداڵان هەڵبخەڵەتێنێت و لەقەندیل چەکداریان بکات کە دواتر ئەوانە دەبنەوە بە بەڵا و بە سەرچاوەی کێشە بۆ تەواوی خەڵکی کوردستان ، رۆژ لە دوای رۆژ بنکەو بارەگا و نمایش و چەکدار و هەوادارانی پەکەکە لە سنورەکانی سلێمانی و هەڵەبجە و راپەرین و گەرمیان زیاتر دەبن ، ئەمڕۆ خۆیان بە میوان دەزانن بەڵام دەبینین چۆن جێگای خاوەن ماڵ لەق دەکەن .
ئەوەی لەو دەڤەرە روودەدات ، (پرۆسەیەکی گواستنەوەیە)، لە جەماوەر و هەوادارنی یەکێتی و گۆران و ئیسلامیەکان و خەڵکی بێ لایەنە بۆ هەواداری و لایەنگیری کردن و ئەندام بوون لە پەکەکە .
بێئاگان لەوەی کە ئەو چەپڵەیەی ئەمڕۆ ئەوان لەبەر دژایەتی کردنی پارتی بۆ پەکەکەی لێدەدەن ، جەماوەری خۆیان پێ هەڵدەوەرێت .
ئەو (پرۆسەی گواستنەوەیە) ئێرانی لە پشتە ....

ئێران دەستی بە هەنگاوەکانی دروستکردنی بەدیل بۆ یەکێتی و گۆڕان و ئیسلامیەکان کردووە لە دەڤەری سلێمانی ، بەدیلەکەش بریتیە لە پەکەکە ، بۆ ئەو مەبەستە میدیایەکی زەبەلاحی بۆ جێ بەجێ کردنی ئەو پرۆسەیە بەگەڕ خستووە و رۆژانە کارئاسانی بۆ بڵاوکردنەوەی بیری پاوانخوازی و تاکڕەوانە و دژ بە نەتەوەی ئاپۆچی دەکەن .

پرسیارەکەم ئەوەیە ...
ئایا عاقڵمەندانی ناو ئەو لایەنانە درک بەو مەترسیەگەورەیە دەکەن؟