سەرۆک بارزانی لەمەهابادو لەژێر سێبەری ئالای کوردستان لەدایک بوو.یەکەم دیمەن کە چاوەکانی سەرۆک پێی ئاشنا بوون دیمەنی بەرزکردنەوەی ئالای کوردستان بوو لەچوارچرای مەهاباد .یەکەم هەستی بیستنی سەرۆک هاواری پێشمەرگەکانی کومار بوو کە لەکاتی بەرزکردنەوەی ئالای کوردستان دەیانگوت (پێشەوا قازیە سەرلەشکەر بارزانیە)یەکەم وشە کە کەوتە سەرزاری سەرۆک وشەی پێشمەرگەو شۆرەش و بەرخودان بوو .ئەمە حەقیقەتی ئەو ساتە مێژوویانەبوو کە سەرۆک بارزانی تێیدا چاوی بەژیان هەلهێناو بوە هۆگری ژیانێکی سەخت ودژوارو پر لەنەهامەتی ،هەموو ژیانی مندالی خۆی لەئامێزی دایکە سەربەرزەکەی وە لەناو ئەشکەوت و لەژێر تاشەبەردەکانی کوردستاندا بەسەربرد. دەیان جار بەموعجیزە لەبوردمانی فرۆکەکانی داگیرکەرانی کوردستان دەرباز بووە. دەیان و سەدان شەوی ساردوسر بەبرسێتی و لەپەنای تاشەبەردێک سەری ناوەتەوە .دوای برینی ئەو هەموو نەهاماتیانە لەتەمەنی شازدە سالیدا چەکی پێشمەرگایەتی کردە شان و بوە پێشمەرگەی رێگای رزگاری و سەربەخۆیی کوردستان .

ئەمانە کاریگەری و رەنگدانەوەیان هەبووە لەسەر پێگەیاندنی کەسایەتی سەرۆک لەهەموو روویەکەوە. هاندەربوون بۆ ئەوەی پەیوەندی و هەست و سۆزی پر لەخوشەویستی سەرۆک بۆ خەلک و خاکی کوردستان لەرادەبەدەر بێت و ببێتە پەیوەندیەکی روحی و ئەزەلی .ئەو پەیوەندیە لەئاستێکی هێندە بەرزدایە کە لەروانگەی سەرۆکەوە کوردستان مال و خەلکی کوردستانیش کچ و کورو خوشک و بران .دیارە کەسیش ئارەزووی ئەوە ناکات کە لەمالەکەیدا کێشە هەبێت و کەس و کاریشی ئازارو مەینەتیان هەبێت .بویە سەرۆک هەمیشە وەکو باوکێکی دلسۆزو خەمخور لەهەولی ئەوەدابوەو هەیە تاکوردستان بێ کێشەبێت و کوتایش بەمەینەتیەکانی خەلکی کوردستان بێت .بەلام بەداخەوە تابۆری پێنجەمی دۆژمنان کەبەناوی جوراوجور لەناوخۆی کوردستان بونیان هەیە بەردەوام کاریان بۆ ئەوە کردوەو دەکەن کە هەولەکانی سەرۆک و هەموو دلسۆزانی کورد بۆ چارەسەرکردنی کێشەو گرفتەکان بێ ئەنجام بن. بێ گومان دوا پەیامی سەرۆک لەسەر بارودوخی کوردستانیش رەنگدانەوەی ئەو پەیوەندیە روحیەیە کە سەرۆک و خەلکی کوردستان پێکەوە دەبەستێتەوە ، بویەسەرۆک بەوپەری هەستکردن بەبەرپرسیارێتی نەتەوەیی و مێژووی و ئەخلاقییەوە لەئاست ئێستاو ئایندەی کورد ،داوادەکات حزبە کوردستانیەکان بگەنە رێککەوتن وسەرۆکایەتیەکی نۆێ بۆ حکومەت و پەرلەمان وسەرۆکایەتی هەرێم دەست نیشان بکەن وە ئامادەی خوشی دەربریوە بۆ هەموو هاوکاریەک .

سەرۆک لەپەیامەکەیدا بەرۆنی و بەراستگۆیی دەفەرموێ ئەگەر کێشە منم فەرمون رێککەون من ئامادەم ئەرک و بەرپرسیارێتی خۆم تەسلیم بەو کەسە بکەم کە هێزەکان لەسەری رێکک دەکەون .ئەمە حەقیقەتی هەلۆێستی پر لەجوامیری و دلسۆزانەی سەرۆک بارزانیە .بەلام پرسیار ئەوەیە ئایا ئەو هێزو گروپانەی کەئیرادەی خویان رادەستی داگیرکەرانی کوردستان کردوە ،پەیامەکە وەکو خۆی وەردەگرن و ئامادەدەبن بۆ چارەسەری کێشەکان ؟! ئایا ئەو هیزانەش وەکو سەرۆک لەئاست ئێستاو ئایندەی کورد هەست بەمەسئۆلیەتی مێژووی خویان دەکەن و دەست لەبەرژەوەندی خویان هەلدەگرن ؟! بێ گومان نەخێر .......هتد.