چیتر هیچ پیلان و بەربەستێك ناتوانێت ببێتە كۆسپ لە بەردەم كاروان و بونیاتنانی دەوڵەتی سەربەخۆیی كوردستان و میللەتی كورد گشت قۆناغە سەختەكانی بە سەركەوتوویی دەربازكردووە و ئەوەی ئێستاش دەخوازێت بەهەمان ئیرادەی رابردوومان ،بەرەو سەركەوتنی یەكجاری هەنگاو بنێنین . بانگهێشتكردنی بەرپرسانی هەرێمی كوردستان بۆ كونفرانسێكی هەرێمی و نێودەوڵتی، بوونی ژمارەیەكی زۆری كونسوڵخانەكانی دەوڵەتانی جیهان لە هەولێر ئەمەش یەكێكە لە سیماكانی دەوڵەت، بوونی ژمارەیەكی زۆر لە كۆمپانیا بیانی جیهانیەكان لە هەرێمی كوردستان، بۆنی كوردستان لەسەر نەخشەی وزەی جیهان، جگە لەمانە چەندین دەسكەوتی تریش بەرجەستە كردووە، ئەمانە، ئەم دەسكەوتانە بە ئاسانی نەهاتوونەتە ئاراوە بەڵكوو ئەمە لە ئەنجامی بونیادنان و دروستكردنی پەیوەندیەكی پتە و سیاسەتێكی ژیرانە لەگەڵ دەوڵەتانی جیهانی و ئیقلیمی بەدی هاتوون، هەموو ئەم هەنگاوە كرداریانە بوونەتە هۆی نزیك كردنەوەی كورد لە سەربەخوی سەركەوتنی یەكجارەكی گەلی كوردستان ئەمەش ئەوە دەردەخات پارتی و جەنابی سەرۆك هەموو هەنگاوە مەودا درێژەكانی بڕیوە چەند هەنگاوێكی كورتی ماوە ئەم هەنگاوانەش دڵنیام لە داهاتوویەكی نزیك بە سەركەوتووی دەبڕێت چونكە پارتی كات باش دەخوێنێتەوە تا جێی پێی خوی نەبینێت یەك هەنگاویش نانێت، هەر بۆیە هەموو ئەمانە وای كردووە پارتی پشتگیریەكی بەهێزی جەماوەری لە پشت بێت وە گەلی كوردستان بە گەشبینیەوە سەیری تابلۆی چارەنوسی خۆیان بكەن لە سایەی ئەو سیاسەتە ستراتیژی و نەتەوەیەی پارتی دیموكراتی كوردستان لەسەری دەروات، چونكە گەلی كوردستان دەزانن پارتی چی چاندووە هەر بۆیە چاویان لە چنینەوەی بەرەكەنە، زیادە ڕۆیی نیە ئەگەر بڵێم سیاسەتی حەكیمانەی پارتی و جەنابی سەرۆك بارزانی نەبایە ئەمانە هەرگیز نە دەهاتنە ئاراوەو بۆیە لەو سونگەیەوە دەڵێم پارتی و جەنابی سەرۆك بارزانی دروستكەر و بونیادنەر و ئەندازیاری ئەم دەستكەوتە نەتەویانەیە، تا بەدیهێنان و بەدەستهێنانی دەوڵەتی سەربەخۆیی كوردستان ساتێك رٍاوەستان نییە ..
گەر پێشمەرگە لە رابردوو لە پێناو گەیاندنی دەنگی نەتەوەیەكی مەزلووم رووبەرووی داگیركەران دەبۆوە بۆ ئەوەی خۆی و نیشتیمانەكەی لە ژێر دەستی و كۆت وبەندی رزگار بكات . لەم سەردەمەشدا جگە لەوە بۆ ئازادی و سەربەخۆیی وڵاتەكەی تێدەكۆشێت بەڵكو لە هەمان كاتیشدا لە پێناو پاراستنی ئازادی و مرۆڤایەتی جیهان تێدەكۆشێت . پێشمەرگەی کوردستان کە لە هەناوی زەمەنێک لە زەمەنە مێژووییەکانی نەتەوەکەی‌دا لە دایک بووە، بەهۆی ئەوەی تەنیا پاراستنی خاک و خەڵکی خۆی بە ئەرک زانیوە، بە دوور بووە لە دەستدریژکردن و بەکارهێنانی وەک هێزێکی پەلاماردەر و داگیرکەر. سنووری دەرکەوتن و بەرەنگاریی پێشمەرگەی کوردستان بەرانبەربە دوژمنانی میللەتەکەی، راست هەمان سنووری وڵاتەکەیەتی.فەلسەفەی وجوودیی پێشمەرگە بە پێچەوانەی “سەرباز″ی نەتەوە پاوانخواز و دەوڵەتە داگیرەکان – کە پەلاماری خاک و خەڵکی دیکەیان پێ دەدرێ – تەنیا هەوڵدانە بۆ رزگاری و پاراستنی گەل و نیشتمانی خۆی. هەر ئەم تایبەتمەندییەش وای کردوە کە پێشمەرگە وەک هێزێکی گەلی و نیشتمانی بمێنێتەوە و متمانە گەلی خۆی وەدەست بێنێ. متمانەیەک کە ئەمڕۆ دوای زیاتر لە 70 ساڵە لە مێژووی تێکۆشان و گیانفیدایی، بۆتە بەشێک لە شوناسی هێزی پێشمەرگە و شانازیی نەتەوەكەی و هەموو جیهان كاتێك ناوی پێشمەرگە دەهێنرێت ، رووی سپی نەتەوەیەكی خاك داگیركراو و ئازا و قارەمان دێتە بەرچاو.
هەرێمی كوردستان ، دڵنییاییە بۆ درٍاوسێی و كۆمەڵگەی نێودەوڵەتی ئەمەش هەنگاوەكانی گەیشتن و بە دەیهێنانی سەربەخۆیی خێرا و پربابەخ دەبێت .ئەو وڵاتانەی‮ ‬كە خۆیان بە دۆستی‮ ‬كورد دەزانن پاڵپشتی هەرێمی كوردستان دەبن وەك چۆن بینیمان لەكاتی هێرشی تیرۆریستانی داعش ، هەولێریان بە هێلی سوور ناوبرد چونكە وەك دەبینین لە هەڵویستەكانیان بەدی‮ ‬دەكرێت كە بەچاوی‮ ‬سەربەخۆیی‮ ‬لە هەرێمی‮ ‬كوردستان دەڕوانن ئەوەش بە بەڵگەی‮ ‬ئەوەی‮ ‬كە زۆربەی‮ ‬دەوڵەتان قونسوڵخانە لە هەرێم دەكەنەوە و پاڵپشتی‮ ‬خۆیان بۆ كورد‮ ‬ڕاگەیاندووە،‮ ‬وە ئەگەربێت و تەحلیلی‮ ‬برگەی‮ ‬یەكەمی‮ ‬ڕێكەوتنامەكە بكەین كە ئاماژە دەدەن بە‮ " ‬پێوەندی‮ ‬نێوان هەردوولا‮: ‬بۆ زیاتر پتەوكردن و پەرەپێدان و گونجاندنی‮ ‬پێوەندییەكان بەپێی‮ ‬ئەركەكان و هەلومەرجی‮ ‬نوێ،‮ ‬بەتایبەتی‮ ‬لە بواری‮ ‬حوكمڕانی‮ ‬و پەیوەندییە كوردستانییەكان و پەیوەندیی‮ ‬هەرێم لەگەڵ حكوومەتی‮ ‬فیدرال و وڵاتانی‮ ‬ناوچەكە و جیهاندا،‮ ‬كە لە ئاست گۆڕانكارییە خێرا و زۆرەكانی‮ ‬ئەم قۆناغەدا بێت و لە بەرژوەندیی‮ ‬گەلی‮ ‬كوردستاندا بێت‮. ‬هەر بۆیە پێداگری‮ ‬و جەخت كردنەوە لەم بڕگانە بە دڵنیایەوە لە بەرژەوەندی‮ ‬هەر تاكێكی‮ ‬نێو كۆمەڵگای‮ ‬كوردیە و ئەنجامەكەی‮ ‬بەرەو سەربەخۆیمان دەبات چونكە سەربەخۆبوون كۆمەڵێك امتیازات و ماف و ئەرك دەگرێتە ئەستۆ ئەمەش بە بەڵگەی‮ ‬ئەوەی‮ ‬ئەگەركوردستان دەوڵەتێكی‮ ‬سەربەخۆی‮ ‬هەبایە‮ ‬ڕژێمی‮ ‬بەعس هەر وا بە ئاسانی‮ ‬نەیدەتوانی‮ ‬خوێنی‮ ‬كورد بڕێژێت و ئەنفال و كیمیا بارانمان بكات چونكە هەر نەتەوەو هەرێمێك كە بە دەوڵەت بوو مافی‮ ‬پاراستنی‮ ‬خاك و ئاسمان و سەروەری‮ ‬وڵاتەكەی‮ ‬دەكەوێتە ئەستۆی‮ ‬و وڵاتانی‮ ‬ئەندام لە ئەنجومەنی‮ ‬ئاسایش.