کونفرانسێ میونشن ئەوێ ل سالا ١٩٦٢ ل وەلاتێ ئەلمانیا هاتیە پێکهینان ب رەنگێ کۆمبوونەکا لەشکەریا ئەلمانى، خوەدانێ هزرێ ورێڤەبەر هەتاکۆ سالا ١٩٩٨ (ئەرفالد-هاینریش فون کلایست – شمینتسین) بوو،نووکە ژلایێ (فولفغانغ ئیشینغر) دهێت برێڤەبرن، کۆنفرانس وێستگەهەک وبازارەکى مەزن وگرنگێ سیاسى ب راستگوویانە، دناڤبەرا سەرۆک کۆماران، وەزیران، ، ئەفسەرێن لەشکەرى وئاسایشى، بەرپرسیارێن پلەبلند، دیتن وئاخفتن وگفتوگوویانە دوور ژ پرۆتوکولان وئەڤان بەشداربوویان دەستهەلاتا دانا بریاران نینە ،بەلێ لێدوان وگوتنێن سیاسى ولەشکەرى وئابۆرى ددن گرێ دایى بابەتێ دەستنیشانکرى یێن کۆنفرانسى یان بگشتى لسەر بارەدوخێ جیهانێ، ل دەسپێکی بتنی وەلاتێن ئەندام ل (ناتۆ) دهاتن ڤەخواندن ، لێ نووکە ژ هەموویا جیهانێ ، ئەف سالەژى ژ کۆنفرانس هەیە ل ١٧ – ٤ دێ هێت گێران ودبت کۆنفرانسێ ٥٣، وەک ئاشکەرا مژارین کۆنفرانس کۆ لبەرن ئەڤ سالە لسەر بئاخڤت : دەرکەفتنا بریتانیا ژ ئێکەتیا ئەورپا ، بوونا دونالد ترامپ وەک سەرۆکی ئەمریکا ،هەماهنگى دناڤبەرا ئێکەتیا ئەورپا وئەمریکا سیاسى ، لەشکەرى ، ئاسایشى وبازرگانى ، بابەتێ ناتۆ و ئەمریکا قوناغا داهاتى، داعش، کرێزا سووریا ویەمەن وئۆکرانیا ،سیاسەتا رۆسیا گەفێن تیرۆرا جیهانى، پەنابەرى ، تاوانێن ریکخستى و بارزرگانى ب مرۆڤان و کەرەستێ بێ هؤشکەر ، گەرماتیا ئاسمانى و پیسبوونا ژینگەهێ ئەڤرۆ ژ گەف و مەترسێن جیهانى بۆ سەر ئاسایشا وێ .
سەرۆکێ هەرێما کوردستانێ بەرێز (مەسعود بارزانى) هاتیە ڤەخواندن ب فەرمى بۆ کۆنفرانسى، ڤەخواندنا سەرۆکێ هەرێمێ، داکوکى و دۆپاتى ل ئەوێ راستیێ بۆ وى رۆلێ دەرڤەیێ هەرێما کوردستانێ یێ سیاسى و لەشکەرى و ئاسایشى و کۆمەلایەتى یی نووکە دگێرێت لسەر ئاستێن : هەرێمى ، جیهانى ، وەکۆ دیارە پشتى ناکوکێن شیعە وسونەیان و پەیدابوونا (داعش) دەولەتا ئیسلامى و تیرۆرا جیهانى ل ناوچا عەرەبى و ئیسلامى ،ئەوا بوویە گەفەکا تیرۆر بۆ سەر جیهانێ هەموویێ ژ وان هەرێم بخوە ژى ،بەرامبەرادا باشوورێ کوردستانێ رۆلەک سیاسى ولەشکەرى وئاسایشى مەزن گێرایە هەتانووکە بەردەوامە ب مەرەما، ڤەگەراندنا ئاشتیێ دناڤ پێکهاتین عیراقێ و گەهشتن ب باشترین چارەسەران ب رەنگەکێ ماف و ئاسایشا هەموو پێکهاتان بهین دان، دیسان لاوازکرن و ژناڤبرنا (داعش) ژروویێ لەشکەرى و هزرى دیارە باشوور چەند قوربانى و زیان دان مرۆڤى و دەراڤى، و روولێ دى رۆلێ کۆمەلایەتى و مرۆڤى ب خوەدانکرنا ئاوارەێن (عەرەب ، تۆرکمان مەسیحى ، کورد) ژ بەر داعش ل ناڤ عیراقێ ، بەلکۆ پەنابەران ژى ژبەر کرێزا سوریا .
باشوورێ کوردستانێ دنووکەدا ئاسایشەک سیاسى و دیپلوماسى و پەیوەندیان لسەر ئاستێن جۆدا جۆدا : هەرێمێ ، ناڤدەولەتى باش دمەشینت ، کارکرنەک باش دهیتکرن بۆ ناسناما کوردى ب رابەراتیا سەرۆک (مەسعوود بارزانى) ، هەلبەت کارێ مەزن دهێت خواستن ژ باشووریان تایبەت باشترکرنا ستوونین ئاسایشى : کۆمەلایەتى و ئابۆرى ب رەهەندین ئاسایشێن : ژیارێ ، یاسایى ، ساخلەمى ، کەسى ، پێکهاتان ، بەشداریا سیاسى ، ستراتییەت ، بەربەستێن ئاسایشى ، کارگیریا کرێزان .
ب هێڤیا هندێ باشوورێ کوردستانێ تایبەت دنووکەدا کار بکت بۆ باشترکرنا ستوونێن خوە یێن ئاسایشى : سیاسى ، ئابۆرى ، کۆمەلایەتى ب رەهەندێن وانڤە ، دیسان مفا ژ پشتەڤانیا لەشکەرى وئاسایشیا دهیتکرن ژلایێ مەزنە وەلاتین جیهانێ هەر چەندە ل ئاستی پێدڤى نینە ،بەلێ مەرجە باشوورێ کوردستانێ ببت خوەدان حکومەتیێن تەکنوکرات ب حوکمی باش ، سەروەریا یاسایی ، جوداکرنا دەستهەلاتان ، مافێن مرۆڤ ، میدیایەک ئازاد ، بەشداریا سیاسى ، دیمۆکراسیەتا ساخلەم ، یاسا و رێساین نەرم و تۆند بۆ نیاسین و لادانا گەف و مەترسێن ئاسایشى ب ناڤخوە و دەرڤە و جیهانى، خوەدان سەنتەرێن ڤەکولینان و ئیسراتیژى بۆ ئامادەکرنا بریاران و خزمەتکرنا جهێن بریارێ ، ل ئەڤى دەمى باشوور بەرڤ ناسناما خوە و دەولەتبوونی و خوەدانا مەزنترین ئەنەرجى و هێز ا سیاسى ، ئابۆرى ، کۆمەلایەتى ب بادەکین وان بۆ گەشەکرن و پاراستن .