هەر كە باس لە ماڵكی دەكرێت ئەو دەورانە دەستەڵات داریەتە فاشلەی ماڵكی مان بیر دەخاتەوە كە بە چ شێوەیەك عەرەبی سوننە پەراوێزخرا،زۆربەی هەرە زۆری سەركردەكانی سوننە تیرۆر كرا،جۆرەك لە دوبەرەكی و شەری ناوچەگەرایی لە ناوچەكە پەرەی سەند كە هەموو ئەوانە هۆكار بوون بۆ ئەوەی كە زۆر بە ئاسانی باوەش بۆ داعش بكرێتەوە بۆئەوەی ئەجندای خۆی جێبەجی بكات تەنانەت هاوكار بوون بۆ ئەوەی ئەو كارەساتە لەو ناوچەیە روو بدات تەنانەت ئەوەی كە زیاتر دەبیت لە سەری بدوێن ئەوەیە كە عێراقی بە یەكجاری تەسڵیم بە دراوسێی خۆی كرد بە شێوەیەك كە كاریگەری لە سەر هەموو بریارەكان و هەموو جومگەكانی ووڵات دا هەبوو ئەوە لە لایەك لە لایەكی ترەوە بە برینی شایستە داراییەكانی هەرێمی كوردستان بگرە لە بودجەو موچەی كوردستان و هاوكاری پێشمەرگە لە چوارچێوەی سوپای عێراقی بری تەنانەت فیرقەیەكی رێكخست بۆ ئەوەی ناوچەكوردییەكانی دەرەوەی هەرێمی پێ‌ داگیر بكات كە روبەرووی بەرگری پێشمەرگە لە كەركووك بویەوە و ئەو مەجالەی پێ‌ نەدرا كە سنووری هەرێمی كوردستان تێپەربكات.
هەموو ئەوانە ئەو تەجروبە تاڵە بوون كە لە دەورانی حوكمرانی نوری ماڵكیمان بینی لە دوای ئەوەش دوا بەدوای حوكمرانی خۆی و لە سەردەمی عبادی بەدوای پەكخستنی پرۆسەی سیاسییەكانی عێراقە بۆ ئەوەی كە جارەكی تر هیمەنەی خۆی بە سەر عێراقدا بسەپێنیت و لە ئێستاش دا درێچە بە هامان نافەرمانییەكانی خۆی بە تەیبەت لە هەمبەر كورد دەدات.
دەست تێوەردانەكانی ماڵكی لە كاتی ئێستادا بۆ مەبەستی دروستكردنی دوو بەرەكی لە ناو كورددایەو هیچی بۆ كورد لە هەمبانە دا نییە ، ئەگەر مالكی بیتوانییایە هاوكاری كورد بە تایبەتی لە بارو دۆخی ئێستادا بیكات بۆچ لە سەردەمی دەستەڵاتداریەتی خۆیدا ئەنجامی نەداوە. نوری ماڵكی باش هەست بەوە دەكات ئەگەر هاتوو پرۆسەی عێراق بەدەركردنی داعش كۆتایییی بێتبە هەموو ئەو كاوڵكارییانەی كە لە سەردەمی ئەو دا ئەنجامدرا وەكوو تاونباری جەنگ دەدرێتە دادگا.
لە لایەكی ترەوە ئەو دژایەتییەی ماڵكی لەو كاتەوە پەرەی سەند كە سەرۆك بارزانی پرۆژەی سەربەخۆی كوردستانی زۆر بە جی لە گەڵ لایەنەكان تاوتوێی كرد،لێرەدا ئەوەش ئەو ئاگاداركردنەوەی حكومەتی ناوەند بوو بۆ ئەوەی كە پێیان رابگەینیت ئیتر چیتر حكومەت هەرێم ،لە عێراقدا هاو بەش نابیت بەڵكوو بە دوای چارەنووسی خۆیدا بریار لە سەر كوردستان لە چوارچێوەی گۆرانكارییەكان لە ناوچەكە دەدات.
ئەمەش نهێنی ئەو وەڵامەی بەڕێز مسعود بارزانی سەرۆكی كوردستانە كاتێك رۆژنامەی شەرقولئەوسەت پرسیاری لێدەكات، ئەگەر مالیكی بووەوە بە سەرۆك وەزیران چی دەكەیت؟ لەوەڵامدا سەرۆك بارزانی دەڵێت: راستەوخۆ سەربەخۆیی كوردستان رادەگەیەنم، ئەوكات چی دەبێت، با ببێت