پرسیارەکە و تێگەھشتن ژێ ڕامانا ژیانیێە. ئەو ژیانا لبەر گەلەکان بەرزە بووی. ناژیم وەک تیرۆریستەکی ژبەر ھزرەکا شاش، و نابت مرۆڤ وەکی ھندەک کەس و لایەن و بازرگان و سیاسەتوان و ... ھتد، تنێ بۆ خۆ و بەرژەوەندیێن خوە بژیتن. مرۆڤ ژ ھندێ پیرۆزترە تنێ بۆ خوە بژیتن. پێشمەرگە بۆ جیھانێ و کوردستانیان دژین. بارزانیێ نەمر و گەلەک سەرکردێن نەمرێن وەکی وی و جەنابێ سەرۆک بارزانی بۆ مللەتەکی ژیان و دژین. ئەڤە باشترین نموونەیێن بەرسڤدەرن بۆ ڤێ پسیارێ. ب سەدان کەس و فەرمانبەر و مامۆستا و قوتابی و دەیک و باب و کچ و کۆڕ و سنێلە و ژن لڤێ کوردستانێ ژ گەلەکەل ئەگەران وەک مرۆڤەک بێھێڤی و ھندابووی و بەرزە و مری دژین و لسەر تەکولەکانە تووشی نساخیێن دەروونی ببن، چونکی نزانن بۆ کێ و چی بژین. لێ بسانەھییە. مرۆڤ دشێتن تنێ لبەر خوە نەبیتن و بۆ گەلەک کەسێن دیتر بژیتن. بۆ وەلاتی و نیشتمانی، کەسێن خۆشتڤی، دەیباب، قوتابی، جیھانێ، زارۆکێن خوە و یێن برا و خویشک و کەس و کارێن خوە، نساخەکێ خوە، ھەڤژین و زەلام یان ژنکا خوە، برا و خویشک، و ...ھتد. ئەگەر مرۆڤی بڤی چاڤی سەحکرە ژیانێ دێ ژیان لنک وی ب ڕامانتر و خوە لبەر تەحلییا گرتن ژی بسانەھیتر بیتن و ئەڤە ھەمان ئەو ڕێکە یا گەلەک بیردۆزێن دەروونناسی لسەردچن. بەرۆڤاژی ژیان دێ گەھیتە قۆناغێن ئاسێ و نەخوەش و مرۆڤی ئێخیتن و ھێدی نەشێتن بسەرخوەڤە بێتن و چ نۆژدار و دەرمان دادێ وی نادن.
*بسپۆرێ زانستێن پێداگۆگی و پەروەردەیی/فاکۆڵتییا پەروەردە/ زانینگەھا زاخۆ