پێناسەێەک بو پارتی دیموکراتی کوردستان
شوكری بارزانى
فه‌لسه‌فه‌ی هێزو خۆراگری پارتی له‌وه دابوو كه له هه‌لو مه‌رجێكی سه‌خت و دژوار له دایك بووه ، دوای جه‌نگی جیهانی دووه‌م و په‌راوێز خستنی كوردو بێبه‌شكردنی بوو له مافه سیاسیه‌كانی له لایه‌ن براوه‌كانی جه‌نگه‌كه ، بویه دامه‌زراندنی پارتی له‌و سه‌رده‌م به واتای ته‌حه‌دداو خۆ به‌ده‌ستوه‌نه‌دانی واقعی تاڵی ئه‌و سا بوو هه‌ر بویه‌ش پارتێك له هه‌لو مه‌رجی سه‌خت و دژوار له دایك ببێت به‌رگه‌ی سه‌ختی و دژواریكانیش ده‌گرێت ، هه‌ر بویه پارتی له ته‌مه‌نی۷۱ ساڵه‌ی پڕ له به‌خشش و ده‌ستكه‌وت و داهێنانی خۆیدا وێرای بڕینی سه‌خترین ڕێگای خه‌بات و به‌رگه گرتنی جۆره‌ها پیلان ودوژمن كاری جۆراو جۆر ته‌نانه‌ت پیلانی نێوده‌و‌ڵه‌تیش ئه‌مرۆش حزبی ره‌قه‌م یه‌كی كوردستانه خاوه‌نی به‌رفراونترین پێگه‌ی جه‌ماوه‌ری و گه‌وره‌ترین فراكسیونه له په‌رله‌مانی كوردستان و عێراق دا ، ئیمرۆش پارتی پێشه‌نگه له به‌رز راگرتن و به‌ره‌و پێش بردنی ئاڵای كوردایه‌تی و نیشتیمان په‌روه‌ری سه‌ره‌ڕای حزوری به‌هێزی له مه‌یدانی سیاسه‌ت و دیبلوماسیه‌تی ناوچه‌یی و جیهانیدا هه‌موو ئه‌مانه‌ش ئه‌م ڕاستیه ده‌سه‌لمێنن كه سیاسه‌ت و به‌رنامه‌ی پارتی هه‌مان به‌رنامه‌و داواكاری ڕه‌وای خه‌ڵكی كوردستانه و به حیكمه‌ت و ووردبینی و دووربینی و بوێری جه‌نابی سه‌رۆك بارزانی وا ئاواته‌كانی گه‌له‌كه‌مان به‌ره‌و دوا لوتكه هه‌ڵده‌كشێن كه سه‌ربه‌خۆیی كوردسانه
