نەتەوە وکۆمەلگەە ودەولەت لدەمێ ئاشتی وشەران راستە راستی گەف و مەترسێن ئاسایشی دبن ،ب جۆر و رەنگێن:نافخوە،دەرڤە،جیھانی، ژ ئەوان :سیاسی،لەشکەری ، ئابۆری ، کۆمەلایەتی ،تیرۆر،تاوانێن رێکخستی،کەرەستێ بێ ھوشکەر ...ھتد ،ھەر ئەف گەف و مەترسێن ئاسایشی سەدەم دھێن ئاسایشا وان یا سەرتاسەری بھێت لێدان و گەفکرن و ژناڤبرن ب ھەموو ماف و بەرژەوەند و پیرۆزی ،دوماھیێ وێنەیێ مەزنێ ئاسایشا نەتەویی .
لسەر دابینکرنا ئاسایشا سەرتاسەری و چاوانیا بەلاڤەکرنا زانین و رەوشەنبیری و سەرکەفتنا وێ تایبەتمەند و پویتەپیکەرێن بۆراێ ئاسایشا نەتەوەیی ،ھژمارەک خالێن ئاسایشی وھەوالگیری دەستنیشان کرینە ژ ئەوان:وەلاتیان خوە پێکھێنەرێ سیستەمێگشتیوبەرژەوەندانەتەوەیی و نشتیمانی بزانن و کار بۆ بکن ،پارڤەکرنا گەف ومەترسێن ئاسایشی ب رەنگ و جۆران و ھوشیاریا وان دگەل نەخشە و پلان و ژناڤبرن ،داکوکیکرن ل تێگەھیناسنامێووەلاتپارێزی،وەبەرھێنانا وەلاتیان بۆ سامانێ نەتەویی ،فێرکرنا وەلاتیان لسەر بکارھینان و پاراستنا ژێدەرێن سروشتی ب مەزنترین دەستکەفت ،کار و پلان و ستراتیژیت بۆ ژدایککرنا ئاسایشا خوەپاراستن و ھێرشکرن و ھەفپەیمانی ،چاڤدیری و سیخووری لسەردژەمافونەتەوە،بجورێ : سیاسی،لەشکەری،ئاسایشی،ئابۆری .
کورد و کوردستانیان ژ رۆژا ھەنە دعیراقێ دالدەمێ شۆرەش وسەرھلدان و زونا ئارام و فیدرالیەت،ئەڤرۆ کار بو پرۆژێ دەولەتبوونێ دکن،راستە راستی گەف و مەترسێن ئاسایشی بووینە و دبن ، ب جور و رەنگێن وان ، ھەر ئەف گەف و مەترسێن ئاسایشی سەدەم ھاتینە و دھێن ئاسایشا سەرتاسەریا باشوور داکەفتن و سەرکەفتنان بخوەڤە ببینت ،یان بگشتی باشوور نەبوویە و نابت خوەدان ئاسایشا سەرتاسەریا خوە دوماھیێ دەولەتبوون ب ئێک جاری .
یاکۆ ھاتی و دھێت تێبینیکرن ژ باشووریان ل قوناغا شورەشێ و رۆژانێن سەرھلدانێ و زونا ئارام،ھەتاکو رادەیەک قەبوولکری ئەندامێن کۆمەلگەھی وێ وەک پێدڤی کارکریە ب مەرەما دابینکرنا ئاسایشا سەرتاسەری ،بەشەک ژ خالێن ئاسایشی و ھەوالگیری ئەوێن مەرجێن دابینکرنا وێ دھێن ،دناڤ خوەدا بەلاڤەکرینە و کار لسەر کرینە،بەلێ پشتی سەرھلدانێ و فیدرالیەت و ئەڤرۆ پرۆژێ دەولەتبوونێ کارکرن و ژناڤبرن لاوزازە ودوماھیێ ئاسایشا سەرتاسەری ژی ناھێت دیتن وەک پێدڤی،لدەمەکێ گەف ومەترسێن ئاسایشی ب نافخوە و دەرڤە و جیھانی لجھێ خوە ماینە بەلکۆ ئاست و جوگرافیا وانگرانتر و تۆندتر بووینە لسەر باشوور ،بەلێ دگەل ئەگەرێ گرانیا ئەڤان گەف و مەترسیان ئەڤە ژلایەکێ ،ژلایەک دی ئەندامێن کۆمەلگەھێ باشوور بەرەف ئاسایشا خوە،ھەمان دەم ژدەست دانا رەوشەنبیریا زانینا ئەڤان گەف و مەترسیا و پلان دانان و نەخشەکرن و چارەسەر و ژناڤبرن یان زانین لێ دئاستێ پێدڤیێ خوەدا نە .
ئەرکێ کۆمەلگەھێ باشوورێ کوردستانییە ب ھەموو نەتەوە وئاین،دابینکرنا ئاسایشا سەرتاسەریا باشوور بکن ببەردەوامی ،ئاسایشەک ب رەنگەکێ ھەموو رەنگ و جورێن گەف و مەترسێن ئاسایشی ئەوێن دھێن سەر ئاسایشا :تاک،کۆم، نەتەوە ، نشتیمان، ئارمانج و لێدانا ھەموو ماف و بەرژەوەند وپیرۆزیێن وان بکت ،ژناڤببت یان ب کێمترین زیان ژێ بدەرکەڤت ببەردەوامی،لدوماھیێ ئاسایشا سەرتاسەری ژدایککرنا دەولەتا باشوور بکت دگەل گرەنتیا گەشەکرنێ .
ئەرک رابوون دوێ چەندێ دا دێ ھێتکرن لدەمەکێ مەرجێن دابینکرنا ئاسایشا سەرتاسەری بھێن دیتن دناڤ باشوور ، ھەموو ئەندامێن کۆمەلگەھی لێ کۆمڤەبن ئێک ئێک بگرن بەر ،دگەل مەرجێ ئەف ئەندام لدەمەکێ بەشدارە دژیان و بۆارێن باشوور: سیاسی،کۆمەلایەتی،ئابۆری،لەشکەری ...ھتد،بەشداریا وێ تەندرۆست بت و جێبەجێکرنا بەرپرسیاری و ئەرکێن خوە بکت،لێدانا ماف و بەرژەوەند و پیرۆزێن نەتەوە و نشتیمانی نەکت،بەلێ بو ئەندامێ باشوور نینە ھیچ دەمەکێ ئامادەبت ژ جوگرافیا بەرژەوەندێن نەتەوەیی دەربکەڤت و ببت چاڤ و گوە و دەڤێ و دەستێ دوژمنێ خوە و لێدانا نەتەوە و نشتیمان بکت ،تایبەت ئەرکێ مەزن دکەڤت لسەر پارت و بزاڤێن سیاسی و حکۆمەت و کەسانێن ئێکێ ژ حکومەتێ و ئورگانێن پەروەردە و زانست ب ئاستێن جۆدا و رەوشەنبیران، ب بەلاڤەکرنا و دابینکرنا مەرجێن ئاسایشا سەرتاسەری رابن ، ژبەر ئەڤ ئەندام بەشێ مەزنێ کۆِمەلگەھی پێکدھینن و خوەدان باندۆرن.
لدوماھیێ ب ھێڤیا ھندێ ھەموو ئەندامێن باشووردئەڤرۆدا خوە بەرپرس بزانن بەرامبەر شۆرەش وقوربانێن وێ ب سەر و سامانی ،کاربکن بۆ دابینکرنا ئاسایشا سەرتاسەری وەک پێدڤی،ھەموو مەرجێن وێ دناڤ خوەدا پەیدا بکن و بگرن بەر و کار پێبکن ،ئەوێن گرەنتیێ ددن ھەموو گەف و مەترسێن ئاسایشی ب رەنگ و جورێ وان دێ ھێن ژناڤبرن،بەلێ داکو ئەف ئاسایشا سەرتاسەری بریکا خوە دەولەتا باشوور ژدایکبکت ،تایبەت ئەڤرۆ گھورانکاری ل ناوچەیا رۆژھەلاتا ناڤین دھێن دیتن زور دمەزن و کارێگەرن ،ب رەنگەکێ وەلاتێن زلھێزیێن جیھانی ب :سیاسی ،لەشکەری،ئابۆری دھێن دیتن ،دیسان ئورگانێن ناڤدەولەتی زێدەتر ب مافێ مرۆڤی و ئاسایش و سەلامەتیا وی دئاخڤن و بێ دەنگ نابن و خوەدان ھەلویستن دگەل ئارمانجێن وان! ،ھەمان دەم ئاستێ بەرژەوەندان دناڤبەرا نەتەوە و کۆمەلگەھان سنور بەزاندینە ، بەرامبەر ئەڤێ ھەموویێ مەرجە باشوور خوەدان پرۆژێ خوەیێ دەولەتبوونێ بت ئەوژی بێ دابینکرنا ئاسایشا سەرتاسەری ھەر نابت .