چۆن ھەمووکاتێ دڵم بۆ ئاییندەی جگەر گۆشەکانم لە خورپەدایە ، ئاواش بۆ منداڵانی نیشتمانەکەم ئەوڕۆ لە ئێش و ئازار دایە ، چونکە ئەو دەڤەرەی ( من شەرم دەکەم بڵێم زۆنی ئەو دیو یا بە ناوێکی تر ناو زەدی بکەم ، چونکە ئەویش بەشێکی دانەبڕاوی نیشتمانی کوردستانمە ) ، ئەگەر ئەو ھێزەی دەیەوێ ئەو رەوشە نەخوازراوە بقۆزێتەوە بۆ مەرامی تایبەتی خۆی شەقام دە ورووژێنێ ، یەکێ لەو ناوەنداتە قوتابخانەیە بە بایکۆتکردنی مامۆستایان پەکی کەوتووە و، سەرباری ئەوەش ژینگەی ناخی دەروونی منداڵە چاو گەشەکان ئەمساڵ وا بڕوا ووشک دەکەن ، خۆ مامۆستایانی بەڕێزی ئەو دەڤەرە منداڵەکانی خۆشیان قوتابین !! دەبێ تاوانی ئەوان چی بێ ؟؟؟ بۆ ئەوان باجەکەی بدەن ...!! خۆ لە پەڕەی گوڵ ناسکتر و بۆنخۆشترن ...!!!
بەڕێزان : لە دیوێکی تردا ئەو ھەفتەیە لە سەرجەم قوتابخانەکانی پایتەختی ھەرێم ، مامۆستایان لە خۆ بردووانە لە پێناو ئاییندەیەکی تەندروست بۆ منداڵەکانی خۆیان و جگەر گۆشەکانی ئەو نیشتمانە ،ھەر یەکە لە قوتابخانەکەی خۆی ، لە زۆربەی پەروەردەکانی ھەرێم لە پرۆسەیەکی جوانی ئەمەکدارییدا ژینگەی قوتابخانەیان نەک ھەر بە خوێندن و پەروەردە و زانست گۆش کرد ، بەڵکو دڵ و دەروونی قوتابیانی ئازیزیشیان سەوز و خۆش کرد ....
سڵاو :
لێرەوە سڵاو بۆ گیانی پاکی مامۆستا کامەران بەڕێوەبەری قوتابخانەی بەدرخانی شاری سلێمانی لە کاتی خاوێنکردن و شووشتنی قوتابخانەکەی دڵی لە لێدان کەوت ... بە داخەوە قەدەر بواری پێنەدا ئەو ساڵەش وەکوو ساڵانی ڕابردوو پێشوازی لە قوتابیان و جگەر گۆشەکانی بکات
خۆزگە :
لە کۆتایی ئەوەی لەو دەڤەرە دە گووزەرێ برینەکانمان قەت سارێژ ناکات ..!!!
بەڕێزان : بەندە و ئێوە ( باوک و مامۆستاین ) دەبا شەقامەکان بۆ ئوتۆمبێل بە جێبھێلین و دەرگای قوتابخانەکانیش بۆ منداڵە چاو گەشەکان بخەینە سەرپشت و واڵایان بکەینەوە ، قوتابی و خوێندکاریش پۆل ..پۆل بە ڕیز بوەستن ، بە کوێرایی دوژمنان و ناحەزان ، بە چڕینی سروودی ئەی رەقیب ئاڵای شکۆدارەکەی کوردستان بە دەستە جوان وناسکەکانی کوڕان و کچانی ئەو دەڤەرە ھاوشێوەی ھەولێرەکەم بەرز بکەنەوە.
موحسین عومەرعەولا