مافێ باشوورێ کودستانێ لدویف یاسایێن ناڤدەولەتی داخوازا ماف و بەرژەوەندێن خوە:سیاسی،شارستانی،کۆمەلایەتی،رەوشەنبیری بکت ژ سیاسەتا ھەرێم و ناڤدەولەتی ،بەردەوام کارکرن بۆ دابینکرن وپاراستنا ئێک ژ جورێ بەرژەوەندێن نەتەوەیی بکت ئەوژی ھەفپەیمانی،ب رەنگێ وەرگرتنا پشتەڤانی و دبلۆماسیەت ب ئاستێن وانڤە،ب ئارمانجا گەھشتن ب ئاسایشا نەتەوەیی ،لدەمەکێ ھەردوو سیاسەتێن دیارکری (ھەرێمی وناڤدەولەتی) وەک پێدڤی ل ئاستێ داخوازێن نەتەوەیی کورد نەبووینە ھەتاکۆ نووکەژی نینن،لێ بەلێ کاودان و بارەدوخێ ئاسایشا جیھانێ پشتی جەنگا جیھانیا دوویێ،ژناڤچوونا ئێکەتیا سوڤێت،شەرێن کەنداڤ ، سەرھلدانا تیرۆرا کۆمی،کرێزا ئابۆری،بھارا عەرەبی،بارەدوخێ ئێکەتیا ئەورەپا ،سووریا وتورکیا وئیران،ئەڤێ دوماھیێ سەرھلدانا داعش،دووبارە ھاتنا رووسیا بۆ گورەپانا جیھانێ،سەرکەفتنا ئابۆریا چین ویابانێ،وەکریە مافێن کوردان بگشتی،باشوورێ کوردستانێ تایبەتی وەک دیفاکتو ببن ئەرک وبەرپرسیاریا ئەڤان ھەردوو سیاسەتا،مەرجە خوەدان ھەلویستێن ئەرینی بن .
ھەموو بۆچوون بۆ ھندێ دچن سیاسەتا نافخوە و دەرڤەیا ئەمریکا ژلایێ ئەنجوومەنێ ئاسایشا نەتەویا وانڤە دھێت دارێشتن ببەردەوامی،دگەل بەردەوام گھورانکاری ب سەردا دھێن ب رەنگەکێ ھەموو کاودانێن جیھانێ لبەر چاڤ دھێن وەرگرتن،تایبەت سەرکەفتنێن وەلات و نەتەوێن ئانتی ئەمریکا ل ھەموو جیھانی ب رەنگێن:سیاسی،ئابۆری،لەشکەری ،ئاسایشی،تەکنولوجی،کارگیری،کۆمەلایەتی،چاند و ھونەری .
ئەمریکا دەمەک درێژە خوەدان بەرنامە وکارکرنە دسیاسەتا خوە یا دەرڤە بۆ رۆژھەلاتا ناڤەراست ،لدویف کاودانان گھورانکاریان بسەردا دکت،بەلێَ سیاسەتا دەرڤە ئەمریکا کار بۆ دابینکرنا ئەوان بەرنامە و کاران دکت ب ئارمانجا دابینکرن و پاراستن و گەشەکرنا بەرژەوەند و پیرۆزێن نەتەوە و نشتمانێ ئەمریکا،ژ ئەوان:ئاسایشا ئیسرائل،داکوکیکرن ل ھەفپەیمانێن خوە و ئاسایشا وان،ریکگرتن ل چەکێ ئەتۆمی،ریکگرتن ل تیرۆرێ، پارێزگاریکرن ل بازاری ودابینکرنا گازێ وکانزا،بەلاڤەکرن وپەرەپێدانا دیمۆکراسیەتێ و مافێ مرۆڤ.

پارتێن کۆماری ودیمۆکراتی نمرە ئێک ئەمریکا برێڤەدبن،ل ھەلبژارتنێن سەرۆکایەتی بەشدارن و خوەدان بەرنامەیێن کارکرنێ و کاندیدن ،ژ مافێ پارتان دگەل کاندیدان نینە بەرنامەیێ وان ژ وێنەیێ مەزنێ سیاسەتا مەزنا ئەمریکا یا دارێشتی ب نافخوە ودەرڤە بدەرکەڤن ب مەرجێ خوەدانێن باشترینێ نەبن .
مێژوویا نووی یا پەیوەندێن ئەمریکا دگەل باشوورێ کوردستانێ ب ئاشکەرایی بۆ سالا ٢٠٠٣ ێ دزڤرن،پەیوەندێن وان دگەل باشوور ئاستێن:سیاسی،لەشکەری بووینە،ھەر ژ ئەڤێ مێژوویێ ھەموو بۆچوون بۆ ھندێ دچن باشوور وئەمریکا ھەفپەیمانن بەلێ نەراگەھاندی،ھەردوو لایەن ب وی رەنگی پێ باشە،ئەمریکا وەک دەولەتەک خوەدان سەروەری ،باشوورێ کوردستانێ نەک وەک دەولەت و خوەدان سەربەخوەیی بەلکۆ ھەرێمەک یاسایی وفیدرالی،ب ئەڤێ چەندێ د یاسا ونەریتێن سیاسی دا ئەمریکا وەک دەولەت و باشوور وەک یاریکەرەک نە دەولەت .
بەلێ ئەمریکا لدەمێ ھاتیە دعیراقێ دا ب مەرەما بەلاڤەکرنا دیمۆکراسیەتێ ومافێ مرۆڤ،روخاندنا رژێما دکتاتوورا سەدام حسین ب ئارمانجێن ئاشکەرا ،نەئاشکەرا:داکوکیکرن ل ئاسایشا ئیسرائل و ئاسایشا ھەڤپەیمانێن خوە، رێکگرتن ل پرۆژێ ئیران ب شیعەنیزمێ وچەکێ ئەتۆم،گاز وکانزا، ھەمان دەم دعیراقا نووی بۆ ھندێ ئەمریکا سەرکەفتنێ بھینت،لدەمەکێ ئەمریکا خوە ڤەکێشا و دەستھەلات رادەستی گەلی عیراقی کری،ھەمیشە باشوور ھاریکار وپشتەڤانی دایە ب رەنگێ : سیاسی ، لەشکەری ، ئاسایشی،کارگیری .
ب دەرکەفتنا داعش و داگیرکرنا پارێزگەھێن عیراقی ێن سونە نشین پاش گەف ومەترسی بۆ سەر بەغدا ھەتاکۆ رادەیەک،باشوورێ کوردستانێ مەزنتر و دژوارتر،پێدڤیا ئەمریکا و ھەفپەیمانێن وێ ب باشوور زاڤتر بوو دیسان پێدڤیا باشوور ژی ب ئەوان،باشوور زاڤتر ھات بکارھینان و دھێت بکارھینان بۆ ژناڤبرنا داعش،ئەوا ب جۆرەک ژ جوران بوویە گەڤ و مەترسی بۆ سەر ئاسایشا ئەمریکا و ئەورەپا و مەزنە وەلاتێن جیھانێ ، دگەل دیتنا رولێ ناوەندگیریێ دناڤبەرا سونە وشیعەیان ل عیراقێ ، چاڤەرێ دھێتکرن ئەڤ پەیوەندی دناڤبەرا ھەردوو لایان بمینن،ھەتاکۆ پرۆژێ ئەمریکا و ھەفپەیمانێن وێ سەرکەفتنێ بھینن بۆ ئەڤێ قوناغێ چ دژی داعش یان بەلاڤەکرنا دیمۆکراسیەتێ و مافێ مرۆڤ بدرۆستاھی دعیراقێ دا،زێدەتر ل ناوچێ ژی ب (سووریا ،ئیران ،تورکیا).
بەلێ بەرامبەر ئەڤێ ھاریکاریێ و بکارھینانا باشوور ژلایێ ئەمریکا،مافێ باشوورە داخوازا ھەفپەیمانی وپشتەڤانی وھێزا مەزنتر ژ ئەمریکا و ھەفپەیمانێن وێ بکت ب رەنگێ:سیاسی،ئابۆری،لەشکەری،ئاسایشی ،کارگیری،کۆمەلایەتی،رەوشەنبیری،ھەمان دەم باشوور لدەمەک ببینت خوەدان شیانێن بھێزێن مانەڤی ودەراڤی،ئەڤ شیانە گرەنتییا ھندێ دکن مافێ خوە یێ چارەنڤیس لسەر رابگەھینن،ئەمریکا وھەفیەیمانێن وێ ب بەلێ بەرسڤ بدن ھەمان دەم فشارێ بئێخن سەر کۆمەلگەھێ ناڤدەولەتێ ژی ب بەلێ بەرسڤ بدن،لدوماھیێ باشوور ببت خوەدان دەولەتا خوە یا نەتەوەیی .