لسالا (١٩٨٤) و لسەردەمێ شۆڕەشا گۆلانێ ل باژێڕێ شنۆ ل کوردستانا ڕۆژھەلات چەند دۆنەمێن ئەردی ھەبین کە لسەردەمێ کۆمارا مھابادێ سەرکردێ ئەفسانەیێ کوردان بارزانیێ نەمر کە ل وی دەمی فەرماندێ ھێزێن لەشکەریێ کۆمارێ بی، ژ دویربینییا خۆ کڕی بی. ئەڤ ئەردە بییە بنیاتێ باژێڕۆکەکی بچویک ل وێ سالێ و ھێدی ھێدی خەلکێ مە ئەویێن ل باژێڕێن جۆداجۆدایێن ئیرانێ دژیان قەستا وێ کرن و ئەڤ باژێڕۆکە پشتی ئاوارەیێن سالا (١٩٨٨) ئێکجار مەزن دبیتن و ھندی باژێڕۆکێ تمام لێدھێتن. ناڤێ وی باژێڕۆکی ھاتەدەیناندن ب " بارزان ئاڤا". ئەڤە لدەمەکی کە ڕژێما ئیسلامییا ئیرانێ گەلەک حەز ژ مە کوردان و نەخاسمە مالباتا بارزان نەدکر و ئەو ب لایەنەک ددیت کە ھۆسا بسانەھی ناچنە بن بارێ فەرمان و ئاخفتنێن وان دەستھەلاتدارێن ئیرانی، لەوما ب ئاڤاکرن و ناڤدەیناندنا ڤی باژێڕۆکێ کوردی ژی گەلەک ڕازی نەبین و لدەمەکی ئەڤی باژێڕۆکێ زێدەتر ژ دەە ھزار مرۆڤان د ھەمبێزا خۆ دگرت و تنێ چەند ستوینێن کەھرەبێ دشیا وێ د تۆڕا کەھرەبا باژێرۆکێ شنۆیێ گرێ بدەتن بەلێ بۆ نێزیکی دەە سالان و ب درێژییا ھەمی سالێن ئاڤابوونا بارزان ئاڤایێ ئەو ھەمی مال و خێزان بێ کەھرەب بین و ڕۆناھییا مە تنێ فانۆسێن دەستی و یێن نەفتێ بین. حکومەتا ئیسلامییا ئیرانێ بڤی ڕەنگی دژاتییا بارزانیان و بارزانیدۆست و بارزانیپەرێستان دکر. خواندنا من یا ناڤنجی و ئامادەیی و یا ھەڤالێن من، یێن کۆ گەلەک ژ وان نۆکە د ساخن و دژین و ل کوردستانێنە، لبەر فانۆسان بدۆماھیک ھات. بەلێ ھەمی ئەو کەسێن وان سالان ل وێ باژێرۆکێ کوردستانیان دژیان ئەم ئەڤرۆ شانازیێ ب وان ڕۆژێن دژوار دبەین، چونکی مە سەلماند ئەم حەز ژێکەرێن مالباتا بارزان، مالباتا مۆسا و ھارونینە کە یێن ھاتین و ژ ئالیێ خۆدایێ مەزنڤە فرمانا پێ ھاتیە دان، مە کوردان وەکی ( قەومێ ) بەنی ئیسرائیلییان، ژ دەستێ فیرعەنێن ئیرانێ و ئێراقێ و تورکیا و سوریا و ئەرەب و تورانی و پارسێن خیانەتکار دگەل ئاریاییان، قۆرتال بکەتن و مە ل ئاخا پیرۆز و بۆمبارەکێ کوردستانێ کە خۆدایێ مەزن پشتی تیفانا نوحی و وەکی چەوا ئەو چەند دگەل بەنی ئیسرائیلییان کر، ب دیاری دایە مە کوردان، ئاکنجی و بەختەوەر بکەتن. ئەڤرۆکە ئەو باژێرۆکێ ئاڤا ل شنۆیێ تنێ یێ مای گۆڕستانەک کە لسەر دەمێ خۆ جەنازێ پیرۆزێ بارزانی تێدا ھاتبیە ڤەشارتن و پشتی ھنگی ھاتە ڤەگۆھاستن و ئەوا دیتر یا دگەل ئاخێ ھاتیە ڕاستکرن دا ھێدی دەستھەلاتدارێن ب ڕەگەز ئەرەبێن مەلا و ئاخووند و سەیدێن ئیرانێ ھێدی شوینوارێن ھێز و شیانا کوردستانیان نەبینن و پێ نەقەھرن. بەلێ وان گەلەک قەھر و کۆل و کۆڤان ل وی باژێرۆکی کرنە دلێ مە کوردان بەلێ ئەم شانازیێ بخۆ دکەین مە ھنگی ژی وەکی نۆکە مالا بارزان ب تنێ نەھێلان ھەروەکی نۆکە ئەم دێ ڤی کاری کەین. وی باژێرۆکی جەنازێن گەلەک ژ مە کوردان د ھەمبێزا گرت و ژ مالا مە ژی دوو کەس نۆکە یێ تێدا ڤەشارتینە. مالا خۆدێ ئاڤا و گۆری بارزانیێ نەمر و سەرۆکێ ھێژا مەسعۆد بارزانی بن.

ئەڤە کۆرتیەک بی بۆ چۆنە ناڤ بابەتێ ناڤێ کوردستانێ. خەلکەک یێ ھەی ئەڤرۆکە لسەر ناڤێ کوردستانێ ڕازی نینە. بگۆتنەک دیتر نەڤێتن ناڤێ وێ دەولەتا کوردستانیان دڤێتن ل ئاییندەی دروست بکەین وشا کوردستان بیتن. ئەو ھێجەتا خۆ دکەن گەلەک تشت. ئێک ژی ئەوە کە ناڤێ ھندەک ھژمارەکا وەلاتان ب پاشگرێ " ستان" ێ بدۆماھیک دھێتن و ئەو وەلات وەلاتێن پاشکەفتینە. بۆ نموونە ئەفغانستان، پاکستان، تاجیکستان، تورکمانستان و قەزاقستان، قرقیزستان، و ... ھتد. بەلێ ھەکەر مرۆڤ ھندەک ھویرتر تەماشەی ڤان کەس و لایەن و تاخمان بکەتن ئەوێن بانگەشەی بۆ ڤێ ھزرێ دکەن، بکەی دێ خالەکا ھەڤپشک د ناڤبەرا وان دا بینی و ئەو ژی ئەوە کە ھەمی ئەو کەس ئەو مرۆڤن ئەوێن دناڤ کەلتوور و فەرھەنگێ ئەرەبی دا پەروەردە بووین و پێگەھشتین و دەرچۆیێن سەنتەرێن خواندنێن ل وان دەڤەرانە. ھژمارەک ژ وان ئەون ئەوێن ب بیروباوەرێن وەھابیەتێ و دەمارگیریی و دۆگماتیزما شۆڤینی-ئەرەبی – بیابانگەرایێ ھاتینە ئاڤدان و پشتی ھزار و چەند سەد سالان ژ شکۆە و مەزناھییا نەژادێ ڕەسەنێ ئاریایی، ھێشتان ژی دترسن. ئەو مافدارن. چونکی ئەڤ چەندە ئەوە یا سەرکردێن وان یێن ئەرەب قەبیل ناکەن. ئەو سەردەمێ زێڕین یێ کو ئاریایی ئیمپراتۆریەتەک مەزن و شارستانیەتەک خۆدان دیرۆک و ڕابردوویەک بین، سەرکردێن وان یێن ئەرەبێ بیابانی ل وان بیابانێن ھشک و بێ ئاڤ و بێ بەرەکەت و ڕەپ و ڕوویت تنێ ژپێخەمەت پارییەکێ نانی بیست و چار دەم ژمێرا وەکی تێژکێن کتکێ ب سەروچاڤێن ئێککڤە بین و ھندەک بھا و ڕەوش و تیتال دناڤ وان دا بەلاڤ ببین کە دیرۆک ژبیرئینانا وان شەرمێ ژ خۆ دکەتن. ئایینێ پیرۆزێ ئیسلامێ و محەمەد(س) تنێ بۆ گۆھڕینا وان بھایێن کرێن و نامرۆڤایانە ھاتنە ھنارتن بۆ وی ( قەومێ) جاھل و بێئاقل و ل وان بیابانان.
ئەوێن بانگەشەی بۆ وی َھزرێ دکەن و چ بنەمایەک زانستی و لۆژیکانە بۆ ھێجەتکێن خۆ نینن و تنێ دزانن کە پاشگرێ " ستان" د زمانێ کوردی و زمانێن دیترێن سەر ب خێزانا ئاریاییان دا ڕامانا "و جھی" دگەھینیتن و مەبەست ژێ ئەو جھە یێ فلان نەتەوە یان فلان ھۆز ل وی جھی دژین. ئەوان نەڤێتن ئەڤ پاشگرە ب ڤی ناڤێ پیرۆزڤە ھەبیتن چونکە مێرێن وان یێن ئەرەب وەسا حەز دکەن و چونکی ئەڤ تێگەھە ژ زمانێن ئاریایی دھێن. ئەوان دڤێتن ناڤێ ڤی وەلاتی ل شوینا کو کوردستانا پیرۆز بیتن ناڤەکێ وەکی ( الڕکردایە) یان (وەتەن الکردی) یان ژی بەلکۆ ژی ژ نەچاری تشتەکێ وەکی (الکردستان العربی) یان ھەر تشت و ناڤەک دیتر بیتن کە تشتۆکەک ئەرەبی پێڤە ھەبیتن! ئەو تاخم ھەر حەز دکەن ئەم وەکی ئارایی و پشتی ڤان ھەمی ئێش و ژان و ئازارێن لسەر دەستێ ئەرەب و لایەنگرێن وان و دویڤەلانکێن وان ل ھەمی پارچێن کوردستانێ، دیتی ھێشتانێ ژی ئەم دویڤەلانکێن ئەرەبان بین. باشە ئەڤ پیرۆزییا ئەربان بۆ خۆ دروست کری و بانگەشەی بۆ دکەن ژ کیڤە ھاتیە ھوین ژی بانگەشەی بۆ دکەن؟ ئەو ھزر چەوا د مەژی و ھزرا ڤان کەسان دا چەقییە و بەرنادەتن؟ باشە ھەکەر ھەر وەلاتەکێ پاشگرێ " ستان" پێڤەھەبیتن پاشکەفتیە پ چەند وەلاتێن ئەرەبی و نەئەرەبی و یێن دیتر ل جیھانی َھەنە و چ پاشگرێن " ستان" ژی پێڤەنەھەی و د گۆپیتکا پاشکەفتنێ دا دژین و ئەم کوردستانی و گەلەک وەلاتێن ئاریایی سەرباری گەلەک ئاریشەیێن سیاسی و ھزری و جڤاکی ل چاڤ وان پاشاینە؟
ھەی بەدبەختینە ئەڤێ ھزرێ بھێلن. ئەڤە ئەو کەرب و کینەنە ئەوێن مێرێن ھەوە یێن ئەرەب ھەتا نۆکە و پشتی ھزاران شالانە ھێژ یا ژ ئیمپراتۆریێن ئاریایێن وەک ئەخمینی و میدییا و ساسانیان و یێن دیتر د دلی دا مای و ئەڤە ھزارا سالانە ھندی شیای و ژ دەستی ھاتی بۆ ژناڤبرن و مەحیکرنا ناڤێ وان و ئەڤرۆکە ژی ئەڤ چەندکا مای ژی دڤێتن بڤی ڕەنگی تۆلا وێ ل مە کوردان ڤەکەن. ھەڕن دیرۆکێ بخوینن دێ بینن گەلەک ژ وان گۆتگۆتک و دویڤەلانکێن لدۆر کوردان و نەژاد و ناڤ و کەساتی و ژیانا وان دناڤ نەتەوەیێن دیترێن وەکی تورک و فارس و خەلکا دیتر دا ھەین و ئەو نۆکتەیێن بۆ کێمکرنا مە کوردان دھێنە گێڕان ھەمی یێن ژ ھزر و بیروباوەر و مەژی و کەلتوور و فەرھەنگ و ڕەوشنبیرییا ئەرەبان ھاتیە وەرگرتن و ڤەگۆھاستن و ھندەک ژ وان کەساتیێن گەلەک بناڤ و دەنگ و بەلکۆ ژی پیرۆزێن وێ جڤاکێ ژی بن. ئەوان ئەرەبێن پێخاس و ڕویت دیرۆک ژبیر نەکرییە و دڤێتن تۆلا جاھلیەت و بێئاقلیا خۆ و باب و باپیرێن خۆ ل مە ڤەکەن. ئەوان گرێ یەکا دەروونی و سایکۆلۆژی یا چەندین ھزار سالی ژ ئاریاییان ھلگرتی ناڤێ وێ گرێیا ئاریاییانە(Arianne's complex ). باشە باب و باپیرێن وە جاھێل و نەزان بین و یێن مە زانا و تێگەھشتی. باشە ئەو چۆن ل بیابانی ھێشتر خۆدان کرن و ژ برسان و تێھنان بۆ پارییەکێ نانی و فڕەکا ئاڤێ و ب ھێجەتێن بچویک و سەرا بزنەکا شاخ شکەستی و ھێشترەکێ سەد سالان دمان ب ئێکدیتر کۆشتنێ ڤە و ژ ڤی بیابانی و کوینی دچۆنە یێ دیتر تێر ب زکێ خۆڤە نەدخوار و یێن مە گۆھێ خۆ دانە زەردەشتی و ژ بن کوینا ڕەڤین و چۆن گۆند و باژێڕ لسەر چیا و کانی و ئاڤ و لسەر زەڤیێن زەنگین و باغ و بیستانا ئاڤاکرن و تێر خواری بین، ڤێجا ما ھوین دێ تۆلا ھنگی و وان ل مە ڤەکەن؟ محەمەد(س) جامێری ب قۆرئانێ ھات ھەوە بکەتە مرۆڤ و ژ جاھلیەتێ قۆرتال بکەتن و بینیتە سەر ڕێکا ڕاست بەلێ ھوین ھەر ئەوێن ھنگی نە. " پەرێ وەکی بەرێ"، ڤێجا ئەم چ بکەین؟! ھا ئەڤ داعشۆکێن ئەڤرۆکە و پشتی ھزاران سالان ژی پەیدا بووین و وە بسەر گۆھێن مە ڕا بەرداین و وەکی سەگێ ھار عویرێن مە و ژن و بچویکێن مە ددڕینن ژی ھەر ئەو کەربن گەھشتینە ئەڤرۆکە و وان. وەرن لخۆ بزڤڕن و گۆھێ خۆ بدەنە وی پێغەمبەرێ نازدار و دلسۆز. کەسێ وەکی وی قەنجییا ھەوە نەڤیایە و نەڤێتن. گۆھێ خۆ نەدنە ھندەک زڕتەک و کەنکەنەیێن تڕبلندێن ئەرەب. وان ئەو ئێک دگەل محەمەدێ (س) ئەمین و خۆشتڤی ژی کر ھەتا لدۆماھیک ڕۆژێن ژیانێ وی ھەوارێن خۆ دگەھاندنە ئەسمانی و خۆدایێ مەزن ھەتا دلێ خۆ پێ تەنا بکەتن.
بەلێ..... بەرۆڤاژی ڤان کەسان و ئەوێن دژی تێگەھێ کوردستانێ نە، کوردستان و تنێ کوردستان باشترین و جوانترین و ھەژیترین و نازدارترین و پیرۆزترین و بەرکەفتی ترین ناڤە بۆ وەلاتەکێ ئەم کورد و برایێن خۆ یێن دیترێن مەسیحی و کلدانی و ئەرمەنی و تورکمان و یێن دیتر تێدا و پێکڤە و بۆ ھەتاھەتایە و وەکی بەرێ و سەردەمێ میدییان بژین. چونکی ژبلی ھندێ و ڤێ ژیانا برایانەیا مە و خەلکێ نیشان ژی ددەتن ئەڤ دەولەتە پترتر یا بخوین و ماندیبوون و زەحمەتا باب و باپیرێن مە کوردان ھاتیە ئاڤاکرن.
ئەو تاخمێن حەز ژ پاشگرێ زمانەوانیێ " ستان" ێ ناکەن نەچۆینە دیرۆکێ بخوینن کە ببینن ھەکەر ئاریایێن وەکی ئەرمەنی و تاجیک و ئەفغانستانی و پاکستانیان ناڤێ وەلاتێ خۆ کربیتە ناڤەکێ وەسا کە پاشگرێ " ستان"ێ پێڤە ھەبیتن، بەلێ پانێ نەتەوەیێن وەکی قرقیز و قەزاق و تورکمان نەئارییاینە بەلکۆ تۆرانی و ژ مەنترین و کەڤنترین دوژمنێن ئاریاییانە و وەلاتێن وان ناڤەکێ وەسانە کە پاشگرێ " ستان" یێ بناڤێ وەلاتێن وانڤە ھەی.
ئەوێن چاڤێن دیتنا وشە و پاشگر و تێگەھێن کوردی یان ئاریایی د ناڤ ناڤێ کوردستانێ دا نینە، بلا باش بزانن زمانێ کوردی و ئاریای ژ ھیچ زمانەکێ دیتر خۆ ب کێمتر نزانیتن، بەلکۆ ب ئێک ژ جوانترین و خۆشترین و زەنگینترین و زانستی ترین و پیرۆزترین زمانان ژی دھێنە زانین و ھژمارتن. ھەر زمانەک و ناڤەک و تێگەھەک دناڤ کەلتوور و فەرھەنگۆک و جڤاکا کوردەواری دا خۆدان ڕامان و د خۆش و جوانن. د ھەر زمانەکی دا تێگەە و وشە و بڕگە دەربڕینێ ژ ناڤەرۆک و کەلتوورێ خەلکێ وی َو کار و کریار و ڕەفتار و ھزر و بیروباوەر و ئەقلیەت( مێنتالیتە) و رشابوون و ڕۆینشتن و کەرەستە و سەقا و ژینگەە و کاودانی َکاری و کارکرنێ و جۆگرافیا و سروشتی َوی وەلاتی و وێ جڤاکی َدکەتن. ھندێ ئەو جڤاک و ناڤەرۆکا وێ یا کەلتووری و جڤاکی و ژینگەھی و سروشتی جوانتر و زەنگینتر بیتن ئانکۆ ھند ژی ناڤەرۆکا زمانەوانیێ وێ جڤاکێ زەنگینترە، و ئەڤە بۆ ھەمی زمانێن ئاریایی و نەخاسمە کوردی مەزنترین نیشان و ھێما و سیمبۆلە. دبیتن دناڤ کەلتوورەکی دا بۆ کەرەستە یان تشتەکی ب سەدان ڕامان یان تێگەە و وشە ھەبن لێ د زمان و فەرھەنگەک دیتر دا ھیچ وشەیەکێ ب وی ناڤی و ڕەنگی بوونا خۆ نەبیتن. دناڤ ئەسکیمویاندا بەفرێ ب سەدان ڕامان و وشە و تێگەھێن ھەین و ژێ ھاتینە وەرگرتن و دروستکرن بەلێ ڤی ناڤی و تشتی د سروشتێ بیابانێ دا تنێ وشەیەک ھەبیتن و ھەکەر نەبایە ژی نەجھێ حێبەتیبوونێ نەدبی چونکی کا " ئەرەب و ڕێواس"! و ھەروەسا د زمان و کەلتوورێن دیتر ژی ب ھەمان شێوە.
لەوما ئەو ناڤێ مە بۆ کوردستانی َدڤێتن ئەو ناڤە یێ ژ ناخ و نیڤەکا کەلتوور و فەرھەنگ و زمانێ کوردییا ئاریاییان ھاتبیتە وەرگرتن و ھیچ بەھرا زمان و کەلتوور و فەرھەنگەک دیتر تێدا نەبیتن. ناڤەکێ وەسا بۆ کوردستانێ دڤێتن بەرھەمێ ڕەنج و ماندیبوون و خۆھا ناڤ چاڤێن بابا و باپیرێن مە و قۆربانیدانا وان بیتن کە مافێ وانە ئەڤ کوردستانە بناڤێ وان بھێتە ناڤدێرکرن، نەکۆ یێ وان کەسێن وەکی چویچکا د ھێلینێ دا چاڤێ وان و دەڤێ وان ل ھندێ بیتن کا دێ چویچکا دەیک کەنگی زڤڕیتن و کرمکەکی کەتە د دەڤێ وان دا و سەرێ قەسێ و بنێ قەسا وان مووچەیە و تشتەک دیتر نزانن و نانیاسن و ژبیردکەن کو ئەو وی مووچەی ژی ل خۆ حەلال ناکەن و مافێ وی مووچەی ژی نادەن.
ئیبراھیمێ حەجی مەحەمەدێ حەجی عەمەرێ نەرمکی گۆلی ئێک ژ پیشمەرگێن شۆڕەشا ئەیلول و گۆلانێ ژ زاردەڤێ ھەڤالەکێ نێزیک و دگەل بارزانیێ نەمر، بناڤێ تەیمەزێ سێلکی، ڤەدگێریتن کە جارەکێ بارزانیێ باب لسەر ئاڤەکێ خۆ ئێخستە ئاڤێ داکۆ خۆ بشۆتن چونکی ئەو چەند ڕۆژ بین نەگەھشتبی سەرێ خۆیێ پیرۆز بشۆتن و ھەست دکر جەستەیێ وی یێ مۆبارەک پێدڤی ب خۆ شویشتنێ یە. تمەیمەز ژی جلکێن وی ھندەکێ ژ ئاڤێ وێڤەتر دبەتن دا تەڕ نەبن و بکەتە بەر خۆ. ھندەک تشتێ وی دکەڤن و وی ژی ئەو تشت لێکدان. وی دەمی بارزانی ژ ئاڤێ دەرکەفتبی. نۆبەت گەھشت لێکدانا ھندەک کاغەزکان دا تەیمەز وان بکەتە د بەریکا دا. بارزانی ئەو چەن دیت و گۆتە تەیمەزی بلا ئەو بۆ وی بن. تەیمەز ژی د جەنابێ بارزانی نەگەھشت. گۆت:" ئەز بەنی ئەڤە ئێک دوو کاغەزکن. ما ئەز دێ چ ل وان کەم. بکێر من ناھێن". بارزانی ئەو تێگەھاند ئەڤە نە کاغەزکن، بەلکۆ پارەنە. تەیمەزی چ جاران پارە نەدیتبین. پشتی ھنگی بۆ وی دیار بی ئەڤ پارەیە تشتەک ھند کێمن بەس خۆدێ دزانیتن!
ھەر ئەڤ تەیمەزە ل سەفەرا دیرۆکی و مەزن و بناڤو دەنگێ ڕێپیڤانا پشتی ھەڕفاندنا کۆمارا مھابادێ ژ لایەنێ ڕژێما شاھینشاھییا ئیرانێ، کە بارزانیێ نەمر و ھەڤالێن خۆ، ژ نەچاری و بۆ ھندێ ناڤێ کوردان بەرزە نەبیتن، ھەلدبژێرن و پێ ڕادبن، ڤەدگێڕیتن کە دەمێ ئەو یێ بێچارە و بەلکۆ ژی بریندار و دیتی ھەڤالێن بارزانی ئەڤە ماوەی چەندین ڕۆژانە ب زکێ برسی و لبن سیبەرا فڕۆکەیێن دوژمنان و نەیارێن دەرەکی و نافخۆیی و جاش و خۆفرۆشێن کورد خۆ ل ھەر سێ وەلاتێن ئیران و ئێراق و تورکیایێ ، بەرەڤ سۆڤیەتا جاران دچۆن و ھەمی یێن ژ کاس کەتین و ھێزا شەڕی و بەردەوامییا چۆنێ نەمایە، پێشنیار دکەتن کە بارزانی ڕازی ببیتن و ئەمر بکەتن کە وی و چەند کەسەکێن دیترێن وەکی وی لاواز و نەساخ و بریندار و بێ سەروبەر بکۆژن و ئەو ھەمی گۆشتێ وان بخۆن ھەتا ڕحەک بێتە دەست و لەپێن وان پێشمەرگان. بەلێ بارزانیێ نەمر ڕازی نابیتن و د وی کاودانێ بێ ئۆمێدیێ و بێ ھیڤیبوونێ وان دلگەرم دکەتن و دفەرمووتن کە بەلکۆ ڤان ئێک دوو سێ ڕۆژان ژی خۆ بگرن ھەتا کا دێ خۆدێ دەرگەھەکی ل مە ڤەکەتن. بۆ زانین وی دەمێ ناسک و تەحل و دژوار، دەمێ کو بارزانیێ نەمر بۆ قۆرتالکرنا نەتەوەیێ خۆ و ژ خەم و خەیالا خەلکێ خۆ د حەلیا و ئەو ڕێکێن دژوار دگرتنە بەر سینگێ خۆ، ھندەک مرۆڤێن خۆفرۆش ھەبین نەک تنێ نەدھیچلا پارییەکی َنانێ تۆرسی بگەھیتە وی و ھەڤالێن وی، وەکی وان کەسێن ل گەلەک سەردەمان و سەردەمێ ڕژێما بەعسێ و سەدامێ گۆڕبگۆڕ و حکومەتا نۆکە یا بەغدایێ بۆ ھندێ ئەرەبکەکێ پێخاس و بەعسیەک بێژیتە وی " عەفیە عەفیە" سەدان کورد دکرنە قۆربانی، ھنگی ژی گەلەک کەسان ئاستەنگێن مەزن بۆ بارزانی و ھەڤالێن وی دروست کرن بەس دا شاھێ ئیرانێ یان فەرماندەکێ وی ییچ لەشکەری یان ڕژێما بەعسا عێراقی دەستخۆشیەکێ لێبکەتن یان وەکی سەگەکی یان تاژییەکی ھەستیکەکێ ڕوییت یان چەند دینارەکا بھاڤێژیتە بەر. ئەڤرۆکە دیرۆک یا دووبارە دبیتن. سەفەرکا مەزن یا لبەر سینگێ مە. ڤێ جارێ سەرکاروانێ مە پێشمەرگێن کوردستانێ نە بارزانیێ نەمر و پیرۆزە بەلکۆ شێرە کۆڕێ وی سەرۆک مەسعۆد بارزانییە کۆ ب ھەمی وێرەکیڤە و بێی ھندێ چاڤێ وی ل چ تشتەکی و دەستکەفتکی بیتن ب وێرەکیڤە کەفتیە بەرۆکا مە دا مە لدۆماھیکا ڤێ سەفەرا پیرۆز بگەھینیتە وێ مرادا ھزاران سالە باب و باپیر و پیرەدایکێن مە خەون پێڤە ددیتی و نەگەھشتنێ و سەرێ خۆ دەیناند و ئەو ژی دەولەتا کوردستانێ یە. بەلێ مخابن سەگێن ئەرەبێن پێخاس و سەید و مەلاکێن ئەرەب و دەستپەروەردەکریێن قوتابخانەیێن ئەرەبێن داگیرکەر لسەر ئاخا وەلاتێ ئاریاییان و ئیرانێ ئەڤرۆکە یێن ل مە بوونە چەپەر و دڤێتن نەھێلن بارزانیێ کۆڕ مە ژ ڤی ئاگری و جەھنەما ئەرەبێن پێخاس ل ئیرانێ و ئێراقێ و تورکیا و سوریایێ چێکری قۆرتال بکەتن دا ھیچ نەبیتن، مە نەخوار و نەدیت ھێشکۆ بچویک و نەڤی و نەڤیچڕکێن مە نانەکا ڕەحەت بخۆن. سەرۆک بارزانی پێیەکێ وی سینگێ شەڕی و یێ دیتر ل کۆڕ و کۆمبین و وەلاتان دا بەر پێیێن مە بۆ ڤێ سەفەرا دژوار خۆش بکەتن، بەلێ ھندەک خۆفرۆش چ دکەن؟؟!! ھندەکان ژی خۆ ب گەندەلیێ و پارەدزینێ کۆشت. دێ وی پارەی کیڤە بەن و کەنە د کیژ کۆژیکێ گۆڕێ خۆ و یێ بابێ خۆ دا و دێ چ ب ھەڤالینییا ئەرەبان و مالیکی و عەبادیکەکی خۆمەینیکەکی و خامەنێیەکی و شێعەکەکی و سۆننیکەکێ بێ ئیفلەح ڤە ھێتن. ئەو دێ چ بۆ ھەوە کەن. خۆلی بسەرینۆ کی د خەما تە دایە. بەلێ مخابن بۆ ھەوە. ھوین ھەمی گۆری داڤەکا مویێ سەرێ وی و خۆڕاگرییا تەیمەزێ سێلکی و یێن وەکی وان بن. باشە بارزانی چەوا شایەنی ھندێ نەبن وەلاتەک بناڤێ وان بھێتەکرن؟ باشە مرۆڤەکێ ئامادە بیتن ژپێخەمەت خەلکێ خۆ بھێتەسەرژێکرن و خوارن داکۆ ھەڤالێن وی بمینن ساخ و کوردستانێ قۆرتال بکەن، چەوا ھەژی ھندێ نەبن پەیکەرەکێ زێڕین ل ھەمی کوردستانێ بۆ بھێتە دروستکرن و کیشوەرەک بناڤێ وی بێتە ناڤزەدکرن؟ بلا ئەو تاخمێن حەز ناکەن ناڤەکێ وەکی کوردستانێ ژی وەکی کوردان نەبیتن بەلکۆ وەکی وێ بیتن ئەوا مێرێن وان یێن ئەرەب حەز دکەن بیتن، بلا بزانن و بێ ھیڤی بن، ژ پێخەمەت کەسێن پیرۆز وەکی تەیمەزێ سێلکی، ھەکەر، وەکی پیرەمێرێن کوردپەروەرێن دەڤەرا مە دبێژن، ئەم ناڤێ کەرەکێ کوردی ل کوردستانێ لسەر ڤی وەلاتی دەینین ئەم ناھێلین ناڤەکی ئەرەبی یان تورکی و بیانی و ئینگلیزی ل ڤی وەلاتی بھێتە دەیناندن. پشتڕاست بن دێ وەسا بیتن وەکی کوردستانی و کوردئاڤایی حەز دکەن نە یا وە و مێرێن ھەوە یێن پێخاس دڤێتن.
*بسپۆرێ ئەکادیمی د زانستێن سایکۆلۆژی و پێداگۆگی/ زانینگەھا زاخۆ