توركیا و نامه‌كه‌ی شه‌هید موعه‌مه‌ر قه‌زافی
سووره مه‌رگه‌یی
له كاتی گرتنی عه‌بدوڵا ئۆجه‌لان شه‌هید موعه‌مه‌ر قه‌زافی نامه‌یه‌كی ئاراسته‌ی تورك و كورد و ئه‌وانه كرد كه له پشت گرتنی عه‌بدوڵا ئۆجه‌لان بوون، له نامه‌كه‌یدا به توركه‌كانی گوتبوو: كێشه‌ی كورد به گرتن و كوشتن و له سێداره‌دان چاره‌سه‌ر ناكرێ، به كورده‌كانیشی گوتبوو: به گرتن و كوشتن و له سێداره‌دانی سه‌ركرده‌كانتان نائومێد مه‌بن و له خه‌بات سارد مه‌بنه‌وه، ئه‌وانه‌ش كه له پشت گرتنی عه‌بدوڵا ئۆجه‌لان بوون به‌بێ ئه‌خلاقی ناو بردبوون، كه‌چی له كاتی شه‌هید كردنی هه‌ندێ له كوردانی بێئاگا له كوردایه‌تی خۆشحاڵ بوون و چه‌پڵه‌یان لێده‌دا، من وه‌ك كوردێك له پای ئه‌و نامه‌یه و هه‌ڵوێسته‌كانی تری به‌رامبه‌ر به كورد خۆم به قه‌رزداری شه‌هید موعه‌مه‌ر قه‌زافی ده‌زانم، لێره‌دا ده‌مه‌وێ ئه‌و قه‌رزه‌ی بده‌مه‌وه و پێی بڵێم: هه‌ر كوردێك به شه‌هید كردنت خۆشحاڵ بووبێ بێ ئه‌خلاقه.
