زۆردەنگ وباس دێتە ئاراوە، ئاخۆ پێگەی كورد لەدوای شەری داعش بە چ شێوەیەك دەبیت ؟بە شێوەی جۆراوجۆر شرۆڤەی بۆ دەكرێت وهەندەك لایەنی سیاسیش بە سوود وەرگرتن لەو بارودۆخەی كوردستان هەوڵی چەواشەكردنی رای گشتی و لاواز كردنی ئینتمای نیشتمانی دەدەن بەڵام ئەو پرسیارە دێتە پێش ئاخۆ پێگەی كوردستان دوای داعش چۆن دەبیت و كوردستان چی بەسەردێت؟ئەوەی لە دوای شەری ئازادی عیراق روویدا پێداگری لە سەر مانەوەی كوردەكان لەو شوێنانە بوو كە ئازاد كرا بوون،سەرەرای ئەوەی كە رای گشتی و پەیوەندییەكانی كورد لەگەڵ وولاتانی رۆژئاوا و عەرەبی وەكوو ئێستا نەبوو سەرەرای ووڵاتانی عەرەبی بە هەموو شێوەیەك نەك دژی سەربەخۆییی تەنانەت دژی فیدرالی بۆ كورد بوون, بەڵام ئەوەی كە لە ئێستادا دەبینرێت وهاوكێشەكان ئەوانە نین كە پێشتر هەبوون ئەوكات، بە هەموو شێوەیەك دژی بوونی پێشمەرگە وەكوو هێزی بەرگری كوردستان بوون، بەڵام ئێستا دوا بەدوای شەری ئازاد كردنی عێراق لە سەر پێداگری سەرۆك بارزانی وەكوو " هێزەكی هاوچەرخ "ناسراوە، كە تەواوی جیهان شانازی پێوە دەكات و تەنانەت وەزارەتی بەرگری ئەمریكا یادداشت و پرۆتۆكۆڵی سەربازی لە گەڵ وەزارەتی پێشمەرگە وەكوو هێزی بەرگری كوردستان واژوو دەكاتات.
وەرگرتن و یارمەتیدانی ئاوارەكان ،سەرەرای ئەوەی كە باری ئابوری كوردستان لەئاستی پێویستدا نەبووە سەرەرای شەری داعش ،پرۆسەی وەرگرتنی ئاوارەكانی جەنگ نەوەستا،تەواوی ئایین وكەمەنەتەوەكان، وەكوو یەك و لەیەك ئاست بە یەكەوە دەژین، هەموو ئەوانە وایكردووە كە پێگەی كورد لەهەموو كات بەهێزتر بیت.
لە لایەكی ترەوە هەوڵ دیپڵۆماسییەكانی سەرۆك بارزانی لەگەڵ وولاتان بە تایبەتی رۆژئاوا و عەرەبی و هاوكاری بۆ بەرەنگار بونەوە دژی گەورەترین شەری جیهانی دژی تیرۆر ، ئەو دۆخەی 13 ساڵ لە مەوبەری دوای پرۆسەی ئازادی عێراق بە یەك جاری گۆریوە و تەنیا دوو هەڵبژاردە لە بەردەم كورددا دەمینیتەوە
یەكەم :مانەوە لە گەڵ عێراق، بەڵام نە بەوشێوەی كە لە سەردەمی حوكمرانی عەلاوی و جعفری و ماڵكی و عبادی هەیان بووە بەڵكوو بەهێز تر و كاریگەر تردەبیت.
دووەم: دەكرێت لە رێگەری ریفراندۆمەوە بە شێوەیەكی ئاشتیانە دەنگ لە سەر چارەنووسی خۆمان بدەین مانەوە یان نەمانەوەیان لە گەڵ حكومەتی مەركەزی رابگەیێنن.