پارتی مامه خه‌مه‌ی كوردایه‌تی
ن:علی چیایی
هه‌رله‌و سۆنگه‌یه‌وه پارتی دامه‌زرا بۆ رێگه‌گرتن له‌و هه‌وڵه‌نه‌زۆكانه‌ی دوژمنانی كوردو كوردستان تاوه‌كو سنورێكی ئه‌به‌دیان بۆ دابنێت، به‌مه‌ش حه‌ق وایه بڵێن ئه‌گه‌ر پارتی نه‌بوایه كورد ده‌مێك بوو ببووه خۆڵه‌مێش و ره‌نگه هه‌ر ناویشی نه‌مابا، كه‌چی ئه‌وه پارتی بوو ئه‌سپی خۆی له‌مه‌یدانی كوردایه‌تی تاودا سه‌ره‌رای چه‌ندین پیلان گێری ناوه‌خۆی و ده‌ره‌كی ، به‌ڵام له‌گه‌ڵ ئه‌وه‌ش دا پارتی به‌وپه‌ری ئیراده‌ی پۆڵاینه‌وه ده‌سته گڵاوه‌كانی بریوه خۆ ئه‌گه‌ر ئه‌و ده‌سته ناپاك و گڵاوانه بۆیان چوبایه سه‌ر ده‌مێك بوو پیرۆزی نیشتیمانی و نه‌ته‌وه‌ییان له‌كه‌داركردبوو .
پارتی و سیاسه‌تی حه‌كیمانه‌ی سه‌رۆك بارزانی مایه‌ی تێرامانی خه‌ڵكی كورد په‌روه‌رو كه‌سانی خاوه‌ن ئینسافه، له‌لایه‌كی تریش مایه‌ی ئێش و ئازاره بۆ ناحه‌زانی پارتی و نه‌ته‌وه‌كه‌مان .
رێزدارسه‌رۆك بارزانی خاوه‌نی پرۆژه‌ی راگه‌یاندنی كیانی سه‌ربه‌خۆییه، هه‌ر بۆیه پێویسته كوردستانیان پارێزگاری له ده‌سكه‌وته به‌به‌هاكانی سه‌رۆك بارزانی بكه‌ن ، هه‌روه‌ها ده‌بێت نه‌یارانی پارتیش تۆبه‌یه‌كی نسوح بكه‌ن كه تا ئه‌به‌د به خه‌یاڵیش بیر له گه‌له كۆمه‌كی دژ به‌كارنامه‌ی كوردایه‌تی نه‌كه‌ن، به‌ڵكو شان به‌شانی پارتی و سه‌رۆك بارزانی ئامانجه مه‌زنه‌كه به‌دی بهێنن وپه‌ره به‌خه‌باتی كوردبوون بده‌ن، تاوه‌كو كه‌رامه‌تی مرۆڤی كورد پارێزراو بێت وئارامی و دیموكراسی به‌رقه‌راربێت.
