گەر ئاورێك لە مێژوویی خەبات و بەرخۆدانی " پێشمەرگە"، بدەینەوە ، بخوێنینەوە یا لە مێژوویی ئێستاماندا كە دەبینین و دەبیسین ، بۆمان دەردەكەوێت هەست و ناخ و نییەتی پێشمەرگە چییە و لە پێناو چ ئامانجێكی گەورە تێدەكۆشێت و گیان و خوێنی خۆی فیدای خاك و نەتەوەكەی دەكات ..

پێشمەرگەی كوردستان بە درێژایی خەباتی رزگاریخوازی كوردستان ، دەیان داستانی پر سەروەری و گەورەی تۆمارٍ كردووە و زۆرجاران بە ئیرادەی پۆڵایینی خۆی سوپای ناحەزانی كورد بە تۆپ و جبەخانەكانیانەوە تێك بشكێنێت و ناچاری بكات دان بە بوون و واقعیی نەتەوەیی دابنێت .

پێشمەرگە ، لە رابردوو تا بە ئەمرٍۆ وەك هێزێكی خۆرسك و هەڵقوڵاویی ناخی نەتەوەی كورد دروستبووە تا بە گر داگیركەران و دوژمنانی كورد و كوردستان ببێتەوە بە بێ‌ جیاوازی جوگرافیاییی ، كاتێك لە مەهاباد پێوست بوو پشیتوانی كۆماری كوردستان بوو ، كاتێك شۆرشی شێخ مەحموود پێوست بوو هاوكار بوو ، كاتێك كۆبانێ‌ پێوست بوو فریای كەوت و ئەمەو دەیان داستانی شۆرٍشگێری و قارەمانییەتی تر كە مێژوو و قەڵەم لە ئاستیان دا هەست بە شانازیدەكات..

لە مێژویی ئێستامانداش بە تایبەت دوای 2014 و هێرشی داعش بۆ عێراق و داگیركردنی رووبەرێكی زۆر خاكی عێراق تا نزیك بەغدای پایتەخت ، پێشمەرگە دیسان ، بە هەمان بیروباوەری كوردانە و تەنیا بەچەكی زۆر ئاسایی ، رووبەرووی دڕندەترین تیرۆریستان جیهان و كۆمەڵگەی مرۆڤایەتی بوونەوە ، سەركەوتنێكی وەهایان تۆمارٍ كرد ، كە بۆ جێی سەرسورمانی ناوەندە سەربازیی وستراتیژییەكانی جیهانی .

بە دڵنیاییەوە گشت ئەو سەركەوتن و سەروەرییانە ، حیكمەت و كەسایەتیی و پێشمەرگەیەكی لە پشتەوەیە و پشتیوانی دەكات ، كە ئەویش سەرۆك مسعود بارزانییە ، كە شەو و رۆژ و سات بە سات شان بە شانی پێشمەرگە بە بەرەكانی پاراستنی خاك ونیشتیمان ماوەتەوە تا نەتەوەی كورد سەرفراز و بە شانازیی بژێت .

هەر لە چرٍكە ساتی هەڵگرتنی چەك لە لایەن پێشمەرگەوە ، بۆ ئەوە بوو كە بەگژ داگیركەران و ئەوانەی گەلی كوردستان و مافەرٍەواكانیان كە برٍیتی بوون لە " ئازادی و سەربەخۆیی " رٍەتكردەوە دا چوون و تا بە ئەمرٍۆ بە هەمان رێباز و باوەر بەردەوامن لە خەبات تا بەدیهێنانی ئاواتی شەهیدان و دڵسۆرزانی خاك و نیشتیمان . نەیارانی كورد هەمیشە هەوڵیان داوە " پێشمەرگە، سەرۆك بارزانی" ،سەركەوتن و دەستكەوتەكان یان بە بێ‌ یایەخ پیشان بدەن و لە هەمانكاتیشدا بێ‌ هیوایی و رٍەشبینی لە نێو تاكی كورد لە هەمبەر " كوردستان و سەرۆكە پێشمەرگەكەی " بخوڵقێنن . لەئێستادا دەبینین كە گەلی‮ ‬كوردستان هەرگیز كورد وا پشتیووانی‮ ‬بە هێزی‮ ‬نێودەوڵەتی‮ ‬نەبووە لە ئاست پرسە چارەنووسسازەكانی‮. ‬كێشەی‮ ‬گەورەی‮ ‬گەلی‮ ‬كورد ئەوەیە هەموو بابەتەكان بە حزبی‮ ‬و سیاسی‮ ‬دەكات،‮ ‬ئەوەتا لە ئاست ناوی‮ ‬سەرۆك و بوون و رابەرایەتیكردنی‮ ‬گەلەكەمان،‮ ‬گرفتێكی‮ ‬گەورە لە ئارادایە‮. ‬هەموویان باش ئەم راستییە دەزانن كە سەرۆك مەسعود بارزانی‮ ‬بۆ قۆناغی‮ ‬ئێستا و داهاتوو،‮ ‬سەركردە و كارێزمایەكی‮ ‬گەورەیە و هەر ئەو دەتوانێت داوا و داخوازییەكانی‮ ‬گەلەكەمان بەدیبێنێت‮. ‬بەڵام ددان بەم راستیە دانانێن لەپێناو بەرژەوەندی‮ ‬حزبی‮ ‬و سیاسی‮ ‬خۆیان،‮ ‬لە مێژووی‮ ‬هەموو دونیا،‮ ‬سەرۆك و سەركردە گەورەكان بە پشتیووانی‮ ‬بەشێكی‮ ‬زۆری‮ ‬گەلەكەی‮ ‬توانیویەتی‮ ‬سەركەوتنی‮ ‬گەورە بەدەستبێنێت‮. ‬بۆیە كات و ساتی‮ ‬ئەوەیە،‮ ‬هەموومان سەرۆك و خاك و ئاڵامان بە پیرۆز و بەرز بزانین بۆ بەدیهێنانی‮ ‬ئاواتی ‬گەورەی‮ ‬گەلەكەمان كە ‬رزگاری‮ ‬و سەربەخۆیی‮ ‬‬كوردستانە‮.‬

ئێستا ئیتر لە هەر شوێنكی ئەم جیهانە ناوی پێشمەرگە ، سەرۆك بارزانی بێت ، رٍاستەوخۆ قارەمانیی وگەورەیی نەتەوەیەك دەێتە بەرچاو و شانازیی بە ناوی كوردستان دەكەن و ئێمەش پێوستە قەدری ئەو دەستكەوت و سەروەرییانە كە بە خۆیی هەزاران شەهید و ماندووبوونی پێشمەرگە قارەمانەكان هاتوونەتە بەرهەم بزانین بە یەكریزی و یەكهەڵوێستیمان ..