ئاسایشا باشوورێ کوردستانێ، پشتی داعش و دەرکەفتنا حەشدا شەعبی و نشتیمانی ؟
October 15, 2016
وتار و بیروڕا
نووکە کارەکی مەزنێ:لەشکەری،ئاسایشی،زانیاریان،سیاسی،ئابۆری،دھێتکرن ژلایێ ئەمریکا و رووسیا ھەڤال بەندێن وان بناڤدەولەتی،ھەرێمی،ناوچەیی ب مەرەما ژناڤبرنا داعش ژ جوگرافیا سووریا ب جوگرافیا کوردان دەسپێکرینە دیسان جوگرافیا عیراقێ ب جوگرافیا سونە وکوردان،ژناڤبرنا داعش تایبەت دعیراقێ مفایێن مەزنێن خوە ھەنە بۆ ئاسایشا باشوورێ کوردستانێ،ئیدی باشوورێ کوردستانێ خوەدانا ئاسایشا خوە:لەشکەری،ئاسایشی،ھەڤدەم ئاستێ ئاسایشێن دی باشتر ئەڤە ل تایمەکێ کۆ باشوور دگەل بەغدا وەک ھەرێمەک،ھەموو گاڤێن یاسایی ودەستووری کار بۆ دکەت ببەردەوامی ب مەرەما پروژێ سەربەخوەیا خوە رابگەھینت لدەمەکێ وەلاتێن:ناوچەیی،ھەرێمی ،ناڤدەولەتی،رێکخوشکەر و ھاریکاربوون .
بەلێ ھزربکن داعش ب وێنەیێ خوە یێ تیروریێ مەزن ھات ژناڤبرن وەک گەف بۆ سەر باشوور دگەل مانا ھژمارەک ژرێکخستیان وەک شانەێن نڤستی بشێن ماوە ماوە کارەک تیروری بکن،لێ دەرکەفتنا (حەشدا شەعبی) و (حەشدا نشتیمانی) ب رەھەندێن شیعەنیزمی،سونەنیزمی،ب بۆیاغاێن:مێژوویی،کۆمەلایەتی ،گەف ومەترسیەکا ئاسایشا نووی بۆ سەر ئاسایشا باشوورێ کوردستانێ ،گەرەکە باشووری گەلەک ھوشیاری ئەڤێ چەندێ بن،بکاربت لایەکێ لبەر چاڤێن جیھانێ ونەتەوەێن ئێکگرتی مافێن خوە یێن یاسایی ودەستووری ژ بەغدا بخوازت،لایەک دی خوەدانا بەرەیەک ھێزی نەتەوەیی بت ب رەنگێ ستونێن ئاسایشا نەتەوەیی داکۆ بشێت خوە رابگرت لبەر حەشدا شەعبی و نشتیمانی ،ئەف کار دێ ھێتکرن وسەرکەفتن دێ ھێت تومارکرن:باشوور خوەدان مەزنترین پرۆژەیێ خوە یێ ستراتیژیێ نێزیک ودوورێ ئاسایشی بن ب ھەموو رەنگ و جوران ب مەرجێ:دووبارە دامەزراندنا ستونێن ئاسایشا نەتەوەیی ب رەھەندێن وان دگەل گرەنتیاپەرەپێدان،نیاسین وژناڤبرنا گەف ومەترسێن ئاسایشی،دیموکراسیەت،روشا مافێ مرۆڤ،پێکھینانا حکۆمەتێن تایبەتمەند،حوکمێ باش،ئاشتیا دەستھەلاتداریێ،ئوپزسیوون،ھەلبژارتنێن ساخلەم .
مەرجێ سەرکەفتنا ئەڤی پرۆژەیی رادوەستت لدەمەکێ ھەموو ئەندامێن کۆمەلگەھێ باشوور ب شیانێن مانەڤی ودەراڤی دچارچووڤەیەک نەتەوەیی دا بھێن خزمەت وبەشداربن،ھەموو رەنگ ودەنگ بناڤێ نەتەوا کورد،ھەموو شیان بۆ دابینکرنا ئاسایشا باشووری کوردستانێ وپێکھینانا دەولەتا نەتەوەیی ونشتیمانی،بەرۆژڤاژی ئەوا دوژمنێن کوردان ل ھەرجھەکێ نەشیاین ب ئاشکەرایی دئەڤرۆدا بناڤێ داعش بکنب ئارمانجا باشوور ژناڤببن دووبارە حوکمێ عەرەبی و ئیسلامی،حەشدا شەعبی وحەشدا نشتیمانی رەنگە ب ئاشکەرایی بکن لداھاتی دا !