ئه‌و دوو پرسیاره‌ی پێویستیان به وه‌ڵامه
سووره مه‌رگه‌یی
ئه‌وه‌ی ئه‌و سێ لایه‌نه ده‌یكه‌ن رێك ئه‌وه‌یه كه دوژمنان و داگیركارانی كوردستان له دێرزه‌مانه‌وه حه‌سره‌تی بۆ ده‌خوازن، دوژمنان ده‌یانه‌وێ كورد ده‌ستبه‌رداری ئامانجه نه‌ته‌وه‌ییه‌كان و خواستی سه‌ربه‌خۆیی ببێ، ئه‌و سێ لایه‌نه‌ش به‌و ئاڕاسته‌یه‌دا هه‌نگا و ده‌نێن و كار له‌سه‌ر دوودڵ كردنی تاكی كورد ده‌كه‌ن، بۆ ئه‌و مه‌به‌سته‌ش وای ده‌رده‌خه‌ن كه ده‌سه‌ڵاتی كوردی بۆ كورد نه‌هامه‌تی هێنه و گه‌ڕانه‌وه بۆ به‌غدای عرووبه نه‌هامه‌تیه‌كان ده‌ڕه‌وێنێته، له‌سه‌ر ئاستی ده‌ره‌وه‌ش دوژمنان و داگیركارانی كوردستان ده‌خوازن ئه‌و رایه لای وڵاتانی ده‌ره‌وه درووست ببێته‌وه كه كورد شایانی سه‌ربه‌خۆیی نییه و خۆی پێ به‌ڕێوه ناچێ، یوسف محه‌مه‌د به‌ناوی سه‌رۆكی په‌رله‌مان گه‌شت ده‌كا و به وڵاتانی ده‌ره‌وه ده‌ڵێ: كوردستان دۆزه‌خه و پێشمه‌رگه میلیشیایه، سۆران عومه‌ر به‌ناوی سه‌رۆكی لیژنه‌ی مافی مرۆڤ ده‌ڵێ: له كوردستان شتێك نییه ناوی مافی مرۆڤ بێت، له كاتێكدا خۆی مافی مرۆڤی تێكه‌ڵ به مافی ترۆریستان كردووه و به‌و ناوه دیه‌وێ مافی تیرۆریستخوازی خۆی تێكه‌ڵ به مافی مرۆڤ بكات و په‌نایه‌ك بۆ پاراستن و ئارامی تیرۆریستان درووست بكات، ئه‌و هه‌ڵوێسته‌ی هه‌ڵسووڕاوانی نه‌وشیروان مسته‌فا و بانگخوازانی عه‌لی باپیر و كادیرانی باڵی ده‌ستڕۆشتووی ناو یه‌كێتی پرسیارێكی تره و وه‌ڵامی ئه‌ویش بۆ خوێنه‌ر جێدێڵم.
