ئاسایشا ژیارێ دھێت ھژمارتن ئێک ژ بۆارێن ئاسایشا ناڤخوە دئاسایشا نەتەوەیی دا ، و ژ گرنکترینداخوازی وپێدڤێن مرۆڤیە دژیانێ دا ببەردەوامی،دابینکرنا وێ گرنتیا وێ دکەت مرۆڤ بگەھت ئێک ژ ئارمانجێنھەری بلندا خوە دژیانێ دا ئەوژی ھەست ب بۆھا و پیرۆزیا خوە بکت وەک مرۆڤ ،ئاسایشا ژیارێ ئانکۆ : دەولەت ھەموو شیان و ئەگەران بکاربھینت بۆ دابینکرنا ژیانەک سەرکەفتی و پر بۆھا بۆ مرۆڤ و کۆمەلگەھی خوە،ئەڤ ژیانا سەرکەفتی و بۆھا ھاتیە دابەشکرن بۆ سەر سێ بۆاران ، ئێک: کار :دابینکرنا دەلیڤین کارییێن قەبوولکری ،دەمژمێرێن کاری و بێھنڤەدان ، کرییا دادپەروەرانە لبەرچاڤ وەرگرتنا کاری و گوھۆرنکارێن ئابۆری و بۆھایێ پارەیی،دوو:گرەنتیکرنا گرنگێن سەرەکێن ژیانێ : دابینکرنا کەل وپەلێن پێدڤێن ژیانا رۆژانە یا مرۆڤی ژ خوارن و ڤەخوارن و دەرمان و کنج و جە،دابینکرنا خزمەتێن ئاڤ و کارەب و پەیوەندی وڤەگوھاستن، سێ:چاڤدیری وخزمەتێن کۆمەلایەتی:دابینکرنا چاڤدیریا ساخلەمی بۆ نەخوەشان و پەکەفتی و دانعەمران ، دابینکرنا خواندنا نەچاری ،دابینکرنا خواندنا پیشەیی و بلند ،دابینکرنا پرۆگرامی گرەنتیا جڤاکی و ھاریکارێن پارەیی بۆ کەسێن پێدڤی و خوەدان بارەدوخێن نەچاری،بەلێ لدەمەکێ دەولەت ئەڤان ھەرسێ بۆاران دابین بکت ، مرۆڤ و کۆمەلگەە دبن خوەدان ئاسایشا ژیارێ ،بەرۆڤاژی دابین نەکەت نابت ، لدەمێ نەبت مرۆڤ دێ بەر ب دەرکەفتنا یاسایێ وتاوان و سەرپێچیان چت وەک:پارەخوارن ژ دام و دەزگەھێن دەولەتێ،لاوازیا کارگێری،نەبوونا رێکخستن وچاڤدیری ،دزی،تاوانێن پارەیی،کارکرن ب تشتێن قەدەغە،خاپاندن دموئاملاندا،دیاردا گەرۆکیێ،نەپێگری ب یاسا و رێسا و رێنوماێن فەرمی و نەفەرمی ،نەدانا باچ و پێشینە دەرامتی بۆ دەولەتێ ، بەلێ ل سەر دەولەتێ ئەرکە گرنگەھەر چ نەبت بەشەک ژ پێدڤێن سەرەکی یێن ژیارا مرۆڤی خوە دابین بکت ژ ئەوان:کار،خوارن ،دەرمان،کنچ،جە،خواندن،ب ئاستێن باش،چالاکیا کارگیری و مەشقی ،ئەڤ دابینکرن یا سەرتاسەری بیت بەر ب ھەموو مرۆڤێن کۆمەلگەھی بکەڤن بێ لبەر چاڤ وەرگرتنا ئاینی،ئەتنی،نەتەوە ، لدەمەکێ دەولەت خوەدانا ئاسایشا ژیارێ بۆ مرۆڤێ خوە دێ ھژمارەک ئەرینیان دگەل خوە پەیدا کەت ژ ئەوان:دابەزینا ئاستێ نەخویندەواری و بلندبوونا ئاستێ ھوشیاری ،دابەزینا رێژا مریان دناڤبەرا زارۆک وگەنج و مەزنان،بلندبوونا ئاستێ زانستیێ قوتابخانان ،بلندبوونا ئاستێ نەخوشخانان ،دەولەت پشت بەستنێ دێ لسەر خوە کەت بۆ کەل وپەل و خزمەتێن گرنگ .


پرسیار:باشوورێ کوردستانێ و ئاستێ ئاسایشا ژیارێ ؟
زڤرین بۆ ئەڤرۆیا خزمەتێن دھێن دابینکرن و پَشکَشکرن بۆ مرۆڤێ باشوور ، ئەڤ خزمەتە ھەموو ئەو مەرجێن ئاسایشا ژیارێ تێدا پەیدا نابن ،دەرئەنجامباشووریان ب سەرکەفتیانە رەوشەنبیریا ئاسایشا ژیارێ ناسنەکرینە ب حکومەت و تاک و کۆم ، بەلێ ئەڤرۆیا باشوورھەرسێ مەرجێن ئاسایشا ژیارێ دئاستێ پێدڤی دا نینن ،باندۆرا وێ دیارە لسەر مرۆڤ و ژیانا وێ ، ھەموو رەنک و جورێن دەرکەفتن ژ یاسایی و تاوانن دھێن دیتن ژ ئەوان ،ھەڤدەم ئەڤ خزمەت خوەدانمفایێن شەرمینندگەل خوە پەیدا دکەت،دەرئەنجام مرۆڤێ باشوور ژ نەبوونا ئاسایشا ژیارێ دنالت، چ گرەنتیکرنا پێدڤێن ژیان و ژیانکرنێ وەک مرۆڤ ل باشوور نینن،بەلێ باشوور سەرکەفتی نینە د دابینکرن و پێدڤێن :خۆارن و ڤەخوارن و کار و خزمەتگۆزاری و نڤستن و کنج و دەلیڤین کاری و چاڤدیری ...ھتدد بۆ مرۆڤێ خوە ژبلی دگشتگیر ژی نینن .
چ بھێتکرن ،حکومەتان بۆ خزمەتا مرۆڤ و کۆمەلگەھی دھێن پێکھینان،گرنگ و فەرە ئەڤ حکۆمەتە ھەموو شیان و کارکرنا بۆ خوەشگوزەرانیا مرۆڤێ خوە تەرخان و دابین بکت ،ئەرکە باشوور ئاسایشا ژیارێ ناسبکت دئەڤرۆدا ، ب مەرجێن وێ ،داکو ئەڤ مەرجە ئاراستەیا ئەڤی مرۆڤی ژ مرۆڤەک نەرینی و نەساخلەم و بەرخوور بۆ بەرۆڤاژیبگوھورت، ھەڤدەم ئەرینیان پەیدا بکت ،لدەمەکێ ئاسایشا ژیارێ ھات دابینکرن بۆ مرۆڤێ باشوور ،ئەڤ مرۆڤ دێ ھەست ب ئارامی و بۆھا و پیرۆزیا خوە کەت ،ئامادەیە مەزنترین پشتەڤانی و ھاریکاری وقوربانیێ بدت بۆ باشوور ،ئەڤ ئاسایشە گرێ دایە ب ھەبوون وسەرکەفتنا ئاسایشێن :سیاسی ،ئابۆری ،کۆمەلایەتی ...ھتد،لدۆماھیێ ھەموو ئەڤ ئاسایشە بەرەف دامەزراندنا دەولەتا نەتەوی و گەشەکرنا وێ .