ئەگەر بەرێ خو بدەینە قوناغێن دیروكا گەلێ كورد، دگەل سەرئەڤرازیا و سەرنشیڤیا دا دەربازبویە، هەروەسا ب درێژاهیا وێ مێژوویێ گەلەك شوڕەش و داستانێن مەزن تومار كرینە، تا جیهان ب ڤان جورە سەركەفتنان داخباربویە، لێ د ڤی كاتێ زێرین دا ناڤ بانگیا سەروك (مسعود بارزانی) سەروكێ هەرێما كوردستانێ و ئەو رولێ هەر بەرز و بلند هەبویە دقادا خەباتا گەلێ خوە یا سیاسیدا و ئایدلوژیەكا راست و دروست بو پاشەڕوژا ملەتێ كورد هەلبژارتیە.
ئەڤرو د جڤاكێ كوردستانێدا گەلەك گرژیبون پەیدابوینە دگەل هاتنا تیرورێ (داعش) و بەری هاتنا تیرورێ و گرژیبونێ دارایی و چەندین ناكوكی و پرسگریێن لایەنێن سیاسی وەكو دژایەتیا سەربەخوبونێ كو ئەوژی مافێ رەوایێ ملەتێ كوردە و ئارمانج و خەبات و هەردەم شەهیداینە پێخەمەت ڤێ ئارمانجێ بویە لەوما دژایەتیا ڤێ ئارمانجێ دژایەتیا ملەتییە ب چ رەگەز و چ ئایین بیت و بارێ مەزن ئێخستیە سەر ملێ سەروك ( بارزانی) سیاسەتا وی یا حەكیمانە ئارمانجا ملەتێ كورد و سەرخەبونێ بویە ئارمانجا سەرەكی بەلێ وەكو یا دیار هندەك لایەنێن سیاسی تاكو ڤێ چركێ ژی بەرهەڤ نینن پێداچونەكێ د خوەدا بكەن بو چارەكرنا ڤان هەمو ناكوكیان ب رێیا دیالوكان و لێك تێگەهشتنێ و ئێك دوو قەبول كرنێ.
سەرەڕای ڤێ چەندێ بلا نەبنە سەدەما دروستكرنا گەفێ لسەر پاشەڕوژا گەلێ كورد یان نەبنە فاكتەرێ سەرگرتنا پیلانێن دوژمنان، چونكە ئەڤرو ژی ب هەمان سیناریویان ناخوازن مللەتێ كورد ببیتە خودان سنور، ئەڤرو فەرە ژ هەر دەمەكی دیتر پتر لێكتێگەهشتنا لایەنێن سیاسی ب هەڤرابن بو چارەسەركرنا پرسگرێكان ب رێیا بارزانی وەكو میناك ب هەلبژێرن و ببیتە جهێ بریاردانێ پێش هەر (چار) پارچێن كوردستانێ، چونكە ئارمانجا سەرەكی پێشڤەچون سەرخوبونا دەولەتا كوردیە راكرنا وان سنورانە ئەوێن دوژمنان بومە داناین نها ژی هەمی بزاڤان یێ دكەن بو ژناڤ برنا گەلێ كورد و ئاستەنگا هەرە مەزن (عێراقە).
هەكە تەماشەی گورەپانا سیاسی عێراقێ بكەین دێ بومە دیار بیت كو دەرئەنجامێن سیاسەتا ترسێ و زلمێ ل عێراقێ بویە سەدەم كو ئوپوزسیون د رێرەوا خوەدا بویە چەند پشك بەری ژ ناڤ برنا سەدام حسێن پتریا ئوپوزسیونا عەرەبێن عێراقێ شێوازەك بوخو هەلبژارت كو پێ جودا بو ژ شێوازێ كوردان ل هەمان دەم هندەك ئالیێن ئوپوزسیونا عەرەب بریار دا بگەهنە رێزێن كوردا داكو خو قورتال بكەن ژ زولم و زورداریا رژێما بەعس خەباتا چەكداری هەلبژارت كو بتنێ بەرەڤانیێ ژ خو بكەن و پێش بەستن ب كوردان كر، چونكە ئوپوزسیونا كوردان بیروباوەر ب بنەمایێن مروڤایەتیێ هەبون لەورا هیچ تولڤەكرن هەمبەر وەلاتێن سڤیل و سازیێن دەولەتێ نەبو ئەڤەژی ب شاهدیا هەڤالێن دوهی و دوژمنێن ئەڤرو كو وی دەمی بو ڤەحەواندنا خو قەستا كوردان كر ئەڤرو ئەو ئوپوزسیونا عەرەب پشتی ژ ناڤبرنا رژێما سەدام حسێن یا حوكمی ل عێراقێ دكەت و مەعدەنێ وان یی راستەقینە ئاشكرا بو پشتی دەستهەلاتا وان زال بوی هەلوێستێ خو هەمبەر كوردان گوهارت و ب هەمی رەنگا دژایەتیا داخازیێن گەلێ كورد دكەن لڤێرێ پێتڤیە هەمی كار و لڤین و بزاڤێن كورد پێ رادبن گەلەك ب پاقژی دلسوزی و دلەكێ پاقژ پێ رابوریت چ تێدا سەركەتی بن یان ژی شكەستن تێدا دیتبیت ئەڤ دلسوزیا ڤی ملەتی بویە سیمایەكێ و سومبولەكا پیروز د ناڤ جڤاكێ كوردیدا و ئەڤە بویە ئەگەرێ هندێ كو ب درێژیا سەدان سالان بەرخودان و خەبات ب دژی زلم و زورداریا دوژمن و نەیارێن خو بكەن لەما پێتڤیە سەركردایەتی پارتی د مەكتەبا سیاسی پشتەڤانیا حوكمەتێ بكەت بەری هەر لایەنەكی دی، چونكە خەلكێ كوردستانێ وێنێ خو د پارتی دا دبینیت و پارتی رێبازا پیروزا بارزانی بو بەرژەوەندیێن گەلێ كوردستانێ هەردەم بوینە دڤێت بەردەوام بیت و سەر ڤێ خەباتێ و ب ئانەهیا خودێ ئەڤ ئاستەنگە نامینن و گەلێ كورد دێ گەهتە ئارمانجا پیروز سەرخوەبون و دەولەت بئیرادا گەلێ كوردستانێ.
* بەرپرسا ئەنجوومەنێ پارێزگەها دهوكێ ئێكەتیا ئافرەتێن كوردستانی